استفسار بخصوص شروكي

[اخو ديمه]

سلام عليكم ورحمة الله وبركاته
مساكم الله بالخير
كيف حالكم
اتمنى لكم دوام
اليوم قدر الله علي وخبط الشروكي (خلط الماء والزيت )
ابي اسالكم كم تكلف قطع التوظيب وشغل ايديهم
ولا اغير مكينه ؟ كم احصلها المكينه النظيفه ؟
شاكر لكم اتمنى افادتي من اهل الخبره. وشكرا
دمتم بود
اخو ديمه

[اخو ديمه]

يالربع مااخبركم كذا سبعه ولا واحد رد
يالله دخيلك

[ls1.5700]

اخو ديمه حياك الله
شف حبيبي خلط الماء والزيت لاتعني تخبيط
المشكله عندك وجيه الراس
اوشعر بالراس مما يسبب تهريب الماء على الزيت
وفيه سبب ثاني قد يكون من السلندر فيه شعر مما يدي الى دخول الماء على البساتم ولا المكينه
بس الي انا شاك فيه وجيه الراس غيره
والله ييسر امورك
اي استفسار انا حاضر

[اخو ديمه]

الله يبقيك وشاكر مرورك
طيب فيه صوت طق مع ان السياره شغاله وتروح وتجي مشيت عليها تقريبا ١٥٠ كيلو بعد ظهور الطق بالمكينه وباقي شغاله

[ls1.5700]

طيب صلحت خلط الماء اولا
الطقطقه اذا كانت قويه وتزود مع الدعس على البانزين مستمره
قد تكون المشكله من السبايك

[اخو ديمه]

ايه الطقطقه تزود ولا صلحت شي

[اخو ديمه]

الحين احترت واحد يقول خبط والثاني يقول لا

[ls1.5700]

هلا اخوي
في بداية الامر تقول خلط الماء مع الزيت ماذكرت الطقطقه
شوف حبيبي وديه اقرب ورشه وشيك عليه وهم يعطونك الخبر الاكيد
اذا كان تخبيط ويلازم توظيب كامل لاتوظب
دور على مكينه من التشليح
مكينة الشروكي رخيصه مره وتحصل موديل جديد وتاخذها على الضمان
ومكينت موترك وديها رجيع
لو تبي توظبه تكلفك كثير

[manaf]

اخوي اذا سيارتك ٩٩ وتحت سعر المكينة من ١٨٠٠ الي ٢٠٠٠ اما اذا سيارتك ٢٠٠٠ الي ٢٠٠١ فحوالي ٢٥٠٠ الي ٢٨٠٠ مع الرجيع ودور المكائن وارد اليابان على الضمان وممشاها قليل

[Suliman-]

اذا المكينه خبطت وانا اخوك ، وانت رجال تقول الموتر بكده .


التوضيب احسن من رأيي لانك ماتدري وش المكينه اللي بتشتريها من التشاليح يمكن تقعد معك شهر يمكن سنه يمكن اسبوع

لكن اذا وظبتها عند واحد شغله نظيف وصح راح تكد معك ..

اذكر وظبت شروكي قبل تقريباً ثمان سنوات كل شي اصلي اكلت خمسه وعليها وجلدته 4 سنوات وبعته والمكينه تمام التمام

عاد الحين والله مدري وش الاسعار يفيدونك الشباب ان شاء الله


iphone