ظهور الوبر في القصيم

[النبقي]

السلام عليكم ورحمة الله وبركاته

لقد ابلغني احد الأصدقاء ان قريبه قد امسك بحيوان لايعرف اسمه
فبعد مشاهدته واخذ الصور له واستشارة احد كبار السن اتضح انه ( الوبر )
اما قصة الامساك به فهي غريبة لان صاحبنا لديه مزرعة وكان هناك
( ضربون ) يأكل الدجاج والحمام فخرج ليصطاد الضربون
فخرج عليه هذا الحيوان الذي لم يراه من قبل فبعد عناء شديد امسك به حيا
واليكم هذه الصور وارجو المعذرة لعدم وضوح الصور بالشكل المطلوب

http://www.mekshat.com/pix/upload/images18/mk16859_image(288).jpg

http://www.mekshat.com/pix/upload/images18/mk16859_abr.jpg

[ظبياني920]

عليه بالعافيه يطيب

[ذيب الشفا]

ماشاء الله ........ وبر Xl وعليه بالعافية ....... ولو يربيه افضل

[الوافي عزام]

ما شاء الله عليه
بس اتوقع انه منحاش من بيت احد والا جايبه احد ودخل للمزرعه بالصدفه
لأن الوبر مايعيش الا في الجبال وخاصه بالشمال والجنوب ؟؟؟؟؟؟؟؟؟؟؟؟؟؟؟؟؟؟؟؟؟؟؟
والله اعلم .

[ابرق العزاف]

اخوي الوبرا متوفره وبكثره في جبال ابانات

وقطن وشعبا وغيرها كثير تحيه طيبه

[الوافي عزام]

كلامك صحيح ياباسل بس وين ابانات وقطن عن القصيم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الا ان كان للوبران هجره وانا مدري :confused:

[برهووووومي]

من زمان ماذقت مرقت الوبر جربها ودعيلي وبقلي معك امزح عليك بالعافيه

[الضاري]

مره وانا أمشي بالشارع لقيت وبر فوق سيارة واقفه بجانب أحد المنازل

أستغربت المنظر وبر وفوق سيارة المهم طبق من السيارة وأختفى تحتها

وانا واقف الا الوبر الثاني يركض من فوق السور ...

قلت ياولد لايكون بساسه الشوارع قلبن وبران

المهم ما دريت الا وطلع واحد من الشباب طاير من جنبي

وينهو ؟؟ وين راح ؟؟

علمته عن مكان الوبر اللي تحت السيارة ..

وبعد ما مسكناهن .. علمن بالسالفة

مشتري وبران وحاطهن بشبك داخل البيت وبجنب شبكهن شبك ارانب

وطلعن مع جحوره الارانب

وتعال تفرج شف شلون المطاردات بالحوش

[عبادل العاصمي]

أريد أن أسأل عن أماكن تواجدها

عشان السنة الجاية يكون المقناص في القصيم

[ثعل البرد]

حلوة يالضاري