طلب من أهل الكيف

[مستعجل]

أبي اعرف وش الطريقة اللي تخلي الشاي محكور

[راع الفويلق]

ياطويل العمر الي يحكر الشاهي اول شي جودة الورق المستخدم ثاني شي الابريق ونوعيته والاهم هو وزنيت السكر والشاهي وبراد على النار علاج الوسواس القهري ومع الايام تظبط معك الامور وسامحنا على القصور:good2:

[ابوهاني8]

يقولون 10 كااسات ماء مع كاسة وحدة سكر يطبخ يغلي الماء والسكر ثم نطفي النار عنه بعدها يضاف نصف كاسة شاي ورق يفضل الربيع بعدها يترك 10 دقائق وبالهناء

[يارب عونك]

هذي طريقتي

هذا الابريق
http://static.hawaacdn.com/PE/2011/10/06/05/show_image_in_imgtagphpfilenameresized2F-1.jpg


تحط فنجال ونص سكر فيه بدون مويه . . على نار هاديه . . لما تحس اطراف السكر تحمرت وذابت . . تكون في مويه مغليه ب ابريق ثاني . . . تصبها على السكر . . وتتركه يغلي كم ثانيه . . بعدين ضيف له فنجال شاي الربيع. .


الشاي تحط كميته على حسب لوتبيه ثقيل او خفيف . . .



اتمنى فهمت طريقتي . .

[مستعجل]

شكرًا للجميع لكن ألاحظ أن بعض محلات الجلسات الشعبية تلقى عندها شاهي خيالي معمول من شاهي ربيع

أخي (يارب عونك ) كمل بعد إضافة الشاهي هل يغلى أو لا

[ابوفهيدان]

مايحتاج بسيطة بس خلك مركز وبتدعيلي ان شاء الله

1- خل الماء يفوح اولا ثم ضيف السكر وخله يطبخ 5 دقايق والغطاء مفتوح
2- حط ورق الشاي وعلي طول ابعده عن النار وخله 10 دقايق

وذوووق

[يارب عونك]

ايه اخ مستعجل خله يغلي ثواني بس واتركه يخدر . .

[ابورايف]

حياك الله

الأمر بسيط جداً

الشاهي المحكور مل البريق ماء وشب عليه من يوم تشوف البريق خذا له فوره ضع السكر

وطف عنه النار

الا أنك مجهز الشاهي أذا كان تلقيمه أغسله وكبه في البريه

أتركه كم دقيقه ثم عدل مزاجك

تقبل مروري وردي

[تساهيل1]

مايحتاج بسيطة بس خلك مركز وبتدعيلي ان شاء الله

1- خل الماء يفوح اولا ثم ضيف السكر وخله يطبخ 5 دقايق والغطاء مفتوح
2- حط ورق الشاي وعلي طول ابعده عن النار وخله 10 دقايق

وذوووق


ابد هذي الطريقه اللي ماعليها غبار طبعا السكر حسب مزاجك

والوزنه المزبوطه اللتر له بياله ونص سكر


وبعدين لازم تصلح لك كم براد عشان تعرف مزاجك من ناحية السكر وثقل ورق الشاي
وتاكد انك رتح تعدل وتبدل وتصير فنان من ثاني براد بس اهم شي الاتهتم وتشيل في نفسك انه بطلع مظبوط او حوسه

صلح وتذا ماجاز لك سم بالله وفي راس قشعه وضبط الثاني

وعدل بالمقادير ونتمنى لك كاسة شاي خادره تمخمخ راسك بعد كبسة حاشي زيادة شحم وفلفل

وبالتوفيق