الي عنده خبره بقير الاند كروزر الاوتو...يتفضل

[بني سبيع]

السلام عليكم
اخباركم ان شاءالله بخير..؟

ياشباب انا عندي مشكله غريبه صار لها فتره
عندي لاندكروزر 2004 اوتو ماشي 316 الف تقريبا

طلعت لي مشكله بالقير...اول ما امشي يعشق الأول مافيه مشكله ...اذا جا وقت تعشيقة الثاني.... يا انه يحن الموتر يبدل متأخر او يحن ويبدل يعني كأني داعس كلتش ويبدل ..ان شاءالله فهمتو وش اقصد

واليوم طلعت لي مشكله غريبه اعس الموتر مايرجع نمر ابد...يعشق اول وعلى طول يروح رابع ...ويطيح العزم ادعس عشان يرجع نمره بس مافيه اي فايده


والغريب بالموضوع يا اخوان ...اوقف واطفي السياره واشغله ترجع 100% ولاكأنه فيها الا العافيه


الي عنده خبره ياريت يساعدني هل هو كلتشات القير او حساس او المشكله بالقير مع العلم اني محافظ على تغيير زيت القير واخر مره غيرته عنده الـ300 الف والحين ماشي 316

[joblak]

سويجات الكهربا اللي بالقير تجي اربع سويجات اذا ما خاب ظني فحص الكمبيوتر يبين اي واحد خربان بشرط ما تفحص الا والمشكله فيه لا تفحص وانت مطفي ومشغل تكون ماسح الكود ماراح يبين الخلل

[ls1.5700]

شف ياطويل العمر هذى الرابط
يمكن نفس مشكلتك وحلها
http://www.mekshat.com/vb/showthread.php?t=505284

[بني سبيع]

سويجات الكهربا اللي بالقير تجي اربع سويجات اذا ما خاب ظني فحص الكمبيوتر يبين اي واحد خربان بشرط ما تفحص الا والمشكله فيه لا تفحص وانت مطفي ومشغل تكون ماسح الكود ماراح يبين الخلل

يعطيك العافيه

بس مافهمت شنو المقصود بـ لاتفحص وانت مطفي ومشغل تكون ماسح الكود
اتمنى توضح اكثر يالغالي

[بني سبيع]

شف ياطويل العمر هذى الرابط
يمكن نفس مشكلتك وحلها
http://www.mekshat.com/vb/showthread.php?t=505284

اعتقد مشكلتي غير عنه تماما

لان الي بالموضوع على طول الحنه وبالتعشيقه الثالثه

انا اطفي الموتر وارجع اشغله يرجع تمام

بس مايمنع نشيك عليه والله يعطيك العافيه

وبأنتظار باقي الاخوان

[joblak]

يعطيك العافيه

بس مافهمت شنو المقصود بـ لاتفحص وانت مطفي ومشغل تكون ماسح الكود
اتمنى توضح اكثر يالغالي

يعني سلمك الله لا تفحص السياره بالكمبيوتر الا والمشكله موجوده انت تقول اذا طفيت وشغلت راحت المشكله معناتها الفحص ماراح يبين وين الخلل يعني استعمل الموتر واول ما تطلع المشكله على طول افحص كمبيوتر والقير مشكل معك علشان يبين الخراب اتمنى اني افدتك

[بني سبيع]

يعني سلمك الله لا تفحص السياره بالكمبيوتر الا والمشكله موجوده انت تقول اذا طفيت وشغلت راحت المشكله معناتها الفحص ماراح يبين وين الخلل يعني استعمل الموتر واول ما تطلع المشكله على طول افحص كمبيوتر والقير مشكل معك علشان يبين الخراب اتمنى اني افدتك

الله يعطيك العافيه يالغالي واشكرك على التنبيه
راحت عني النقطه هذي ...

[ls1.5700]

طيب اخوي المشكله من قبل تغير الزيت
او بعد تغيير الزيت

[مسفر الاكلبي]

غير البواجي واسلاك البواجي المشكله كهرب

[mekshaat]

نفس مشكلتك تقريبا صارت مع واحد من الشباب وتبهذل بهذله من ورشه لورشه ولافيه
فايده وداه للوكاله وعطوه أعطال بالمكينه الين وداه لورشه قالو له بلف بدي وتقريبا
كلامهم صحيح اذا خرب مايرجع نمره من الرابع المهم جابو بلف بدي ولاضبط ولقو
المشكله من كمبيوتر السياره نفسه فيه عطل مايتحكم بالقير وغيره وضبط القير وصار
كمبيوتر السياره ملخبط يعطي أعطال غير صحيحه وهذا دليل انه عطلان ويحتاج تغيير..

[بني سبيع]

طيب اخوي المشكله من قبل تغير الزيت
او بعد تغيير الزيت
المشكلة لاقبل ولابعد تغيير الزيت ...المشكله طلعت فجأه بعد مممشى 16 الف على زيت القير ....

[بني سبيع]

نفس مشكلتك تقريبا صارت مع واحد من الشباب وتبهذل بهذله من ورشه لورشه ولافيه
فايده وداه للوكاله وعطوه أعطال بالمكينه الين وداه لورشه قالو له بلف بدي وتقريبا
كلامهم صحيح اذا خرب مايرجع نمره من الرابع المهم جابو بلف بدي ولاضبط ولقو
المشكله من كمبيوتر السياره نفسه فيه عطل مايتحكم بالقير وغيره وضبط القير وصار
كمبيوتر السياره ملخبط يعطي أعطال غير صحيحه وهذا دليل انه عطلان ويحتاج تغيير..

الله يعطيك العافيه... بس خويك المشكله كانت معاه على طول ولا نفسي بالضبط يطفي الموتر ويرجع يشغله ولابه شي ...

وعندي استفسار يالغالي كيف عرف انه كمبيوتر السياره خربان...فحص السياره كمبيوتر وبين معاه ...؟؟

[ls1.5700]

يبين اخوي كان المشكله كهربائيه تعرف القير فيه حساسات كثيره
شي داخل القير وشي خارج القير
توكل على الله وفحصه كمبيوتر وان ماكسرت عيبت هههه
فحص بـ 150 ريال احسن من كل واحد يقول غير وبدل
تشخيص المشكله يسهل حلها

[mekshaat]

الله يعطيك العافيه... بس خويك المشكله كانت معاه على طول ولا نفسي بالضبط يطفي الموتر ويرجع يشغله ولابه شي ...

وعندي استفسار يالغالي كيف عرف انه كمبيوتر السياره خربان...فحص السياره كمبيوتر وبين معاه ...؟؟

ماعندي علم بالضبط لكن اللي أعرفه انه لاعشق الرابع مايرجع نمره
وكيف الورشه عرفو انه كمبيوتر بكل بساطه ماهو شطاره بالورشه
فيه طريقه يسوونها الورش في المشاكل الصعبه وهي طريقة نفك
ونغير ونجرب يعني اصلاح المشكله بالصدفه لكن هو يوم فحص
سيارته بالوكاله كان فحص الكمبيوتر حقهم يعطي أعطال بالمكينه
ومنها مشكله بالكرنك ولا اقتنع بكلامهم لأن الكمبيوتر كان يعطي
عطل خطأ وصارت بكمبيوتر سيارتي بعد التماس الكمبيوتر يعطينا
أعطال خطأ وغيرنا القطع اللي طلعت بالفحص ولاضبط وقال لي
المهندس كمبيوتر على طول قلت كيف تأكدت قال كمبيوتر السياره
فيه ميموري يحتفظ بالأعطال واذا شبكت جهازي عليه يعطيه الأعطال
اذا كان شغال مضبوط واذا طلعت مشكله بميموري كمبيوتر السياره
يبدا يلخبط ويعطي أعطال غير صحيحه وبالحاله هذي معناها الكمبيوتر
تعطل ويحتاج تغيير وخويي عنده علم بمشكلة سيارتي مع الكمبيوتر
لكن على كلامه مانبه الورشه للكمبيوتر أنت افحص سيارتك بالكمبيوتر
اذا عطاك العطل وحدده لك صلحه واذا ماضبط دور لك على كمبيوتر
مستعمل وجرب اذا ضبط والا رجعه.

[بني سبيع]

ماعندي علم بالضبط لكن اللي أعرفه انه لاعشق الرابع مايرجع نمره
وكيف الورشه عرفو انه كمبيوتر بكل بساطه ماهو شطاره بالورشه
فيه طريقه يسوونها الورش في المشاكل الصعبه وهي طريقة نفك
ونغير ونجرب يعني اصلاح المشكله بالصدفه لكن هو يوم فحص
سيارته بالوكاله كان فحص الكمبيوتر حقهم يعطي أعطال بالمكينه
ومنها مشكله بالكرنك ولا اقتنع بكلامهم لأن الكمبيوتر كان يعطي
عطل خطأ وصارت بكمبيوتر سيارتي بعد التماس الكمبيوتر يعطينا
أعطال خطأ وغيرنا القطع اللي طلعت بالفحص ولاضبط وقال لي
المهندس كمبيوتر على طول قلت كيف تأكدت قال كمبيوتر السياره
فيه ميموري يحتفظ بالأعطال واذا شبكت جهازي عليه يعطيه الأعطال
اذا كان شغال مضبوط واذا طلعت مشكله بميموري كمبيوتر السياره
يبدا يلخبط ويعطي أعطال غير صحيحه وبالحاله هذي معناها الكمبيوتر
تعطل ويحتاج تغيير وخويي عنده علم بمشكلة سيارتي مع الكمبيوتر
لكن على كلامه مانبه الورشه للكمبيوتر أنت افحص سيارتك بالكمبيوتر
اذا عطاك العطل وحدده لك صلحه واذا ماضبط دور لك على كمبيوتر
مستعمل وجرب اذا ضبط والا رجعه.
الله يعطيك الف عافيه يالغالي ماقصرت
وبفحص الموتر بأذن الله بأقرب وقت
واعطيكم النتيجة ....