المساعد الشخصي الرقمي

مشاهدة النسخة كاملة : ابي افضل مروحه ومحل يركبها لباترول 96


المحلسي
05/10/2012, 11:23 AM
ياخواني الاعزاء
ابي افضل نوع للمروحه حق التبريد ورشه شغله تمام في الصناعيه الرياض
المحلسي
05/10/2012, 09:37 PM
مافيه احد يدلنا عن ورشه تركب المراوح وشغله زين بالرياض
ls1.5700
05/10/2012, 10:57 PM
هلا اخوي والله ماعندي علم بورش الرياض انا من حايل
انصحك ركب مراوح سوبارو سرعتين انا مجربهم ميه بالميه
مايخذن كهرب زياده او يضغطن على الدينمو
وتبريدهم ممتاز
توكل على الله وركبهم
mekshaat
06/10/2012, 02:15 AM
فيه مهندس سعودي مرهم مروحه بفكره جديده على شيروكي
6سلندر وأقوى من السوبارو وجربها بالطعوس والمكيف شغال
وكان يجور على السياره بالطعوس يقول توصل حرارتها حدود
الثلث طبعا جربها بالليل لأن الجو بالنهار ماكان يساعد انه
يطلع للطعوس ويجيب الدينمو حقها مستعمل وتكلف مع ترهيمها
حدود1500ريال تقريبا والسياره عنده بالورشه ممكن تروح له
ويشغلها قدامك وتشوف قوتها وعنده كهربائيين شغلهم ممتاز
ومكانه بالرياض.
مركز حراره
06/10/2012, 08:47 AM
ركب سوبارو وارتح
لطلب ارسل بلخاص
أصيل حجآ زي
06/10/2012, 12:41 PM
يمدحون حقت المكسيما / نيسآن


ويمدحون حقت البنز / مرسيدس .
ويمدحون حقت سبآرو .




لذلك لا تستعجل
وأستشر اللي ركبوها أو أستخدموها .
mjoodee
06/10/2012, 02:02 PM
هلا والله اخوي


انصحك ركب سوبارو كبيره ,, انا مركبها لي تقريباا 3 سنوات والحمد لله ما اشتكيت من شي.

ومركبها ب عنيزهـ ب 550 ريال عند الاختر
المحلسي
06/10/2012, 02:06 PM
اشكر الاخوان على تفاعلكم
عبقري91
07/10/2012, 01:06 AM
فيه سعودي ورجل حبيب وتخصص مراوح
ويعطيك عليها ضمان
الدائري الشرقي متجه من مخرج١٥ الى ١٦
طبعن تاخذ يسار مع 16 وجهك شرق لين تجيك اشارة نادك بعدها خش يمين فيه صناعيه هناك واول لفه او ثاني لفه يسار خذها يجي على يمينك
بعد الف او الفين متر ترا اذكره زمان ولو تروح هناك وتسئل عن السعودي الي يركب ويرهم مراوح يدلونك
وفيه واحد بحي الشفا بطل جاي من الشفا وجهك شمال كنك رايح للملك فهد تجي بنده يمينك بعدها فيه محطه بترمين والله ناسي اسمها
بس زي كذا او الادريس من المحطات الكبار قبلها خش يمين يجيك حرف تي خش يسار خامس فتحه على يمينك
خش معها لين حرف تي بيته اخر بيت يسارك عنده سيارات وشجر يشتغل جو بيتها
بس لازم موعد من الرحمه مشالله بلاسبوع الموعد
شغل مشالله صح ورجل نصوووح وضمان بشهور يعطيك يقاله المبارك او ابو ناصر اذا بغيت رقمه ارسلي على الخاص
مركز حراره
07/10/2012, 08:40 AM
وكذالك حناء نعطي ضمان ومجربه بس اهم شي حط الحساس تحت
abo mani3
07/10/2012, 08:22 PM
بكم تركبون مراوح كبار يا مركز حرارة
خبايا انسان
08/10/2012, 12:31 AM
وين مكانك يامركز حراره , وياليت رقم للتاوصل
قناص مزاجي
16/10/2012, 01:38 PM
لا تركب مراوح انتبه


صح انها تخلي الموتر يخف شوي بس انصحك خل مروحته فيه افضل واضمن لك


اذا انت عايف مكينتك ركبها


الاسباب


العطل فيها يجي مفاجئي ولا يمديك تتفاداه = والنتيجه تلف المحــــــــــــــــرك


مشاكل في الكهرباء سوف يكون عندك = والنتيجه قد تحترق الظفيره


الوقفات الطويله والمحرك شغال = النتيجه ارتفاع حرارة المحرك


خل موترك شد بلد اذا موترك نظيف ومحافظ عليه



هذا من باب النصيحه وانت حر


ملاحظه اي شخص يركبها لك لا يعطيك ضمان على توقفها وتلف المحرك


يعطيك ضمان على انها تشتغل فقط


ترى هذا جيب مو مكسيما او سبارو يعني بيجيه كرف بالبر

ولا يصبر الا شد البلد



دمت بووود