له ميلة (ن) بالطرف لاجل ميزان.............الحل المنحات ...........حله ناصر العلي

[النبهاني]

بسم الله الرحمن الرحيم
السلام عليكم ورحمة الله وبركاته
لغيز من أول لخّه


لواهني من غاص في بحر الزمان = واستقر بعمق خمـس وعشرين
وانشد اللي باللغز مــاهوب بحلان = عن عودن كان وانقطع هالحين
له ميلة (ن) بالطرف لإجل ميزان = مسهاج يُسْجَع به طرب بتلحين


محبكم
النبهاني

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
الساقي...ساقي الماء
أو
المنحاة


هي مكان يحفر قليلا قدام القليب (البير) ليكون طريق تتردد فيه الحيوانات اللتي تستخدم لاستخراج الماء من البير ....ويكون طول المنحاة بطول عمق القليب او اطول قليلا ...ويكون طرف المنحاة البعيد عن القليب اكثر انخفاضا من الطرف الموالي للقليب يشكل منحدر حتى يسهل ذالك عمليه سحب الغرب من القليب لان السواني اثناء السحب تكون متحمله ثقل الغرب الملئ بالماء.. وذالك اثناء المشي في اتجاه الانحدار...ويكون على المنحاة جدار قصير او سياج من جذوع النخل واغصان الشجار

[الخامسي1]

بسم الله الرحمن الرحيم
السلام عليكم ورحمة الله وبركاته
لغيز من أول لخّه


لواهني من غاص في بحر الزمان = واستقر بعمق خمـس وعشرين
وانشد اللي باللغز مــاهوب بحلان = عن عودن كان وانقطع هالحين
له ميلة (ن) بالطرف لإجل ميزان = مسهاج يُسْجَع به طرب بتلحين


محبكم

النبهاني


لا واهني اللي ملاء قلبه إيمان ... لو كان عمره فوق تسعه وتسعين
الطير لو غرد على خضر الأغصان ... لاشاف من ميل الزمن صار مسكين
ونمشي على خط الزمن والعمر فان ... "منها خلقناكم" وفيها موطين
والله رفع بالدين والخلق انسان ... ولا للسعادة عمر والناس دارين
كم من شباب ضاع غفله ونسيان ... وكم شايب ً راسه سلاح الشياطين
وكم شاب نفرح به وهم ساس بنيان ... وايضا كبيرً صار قدوه بعد حين
هذي هي الدنيا سعادة مع أحزان ... والله يوزعها على العبد باللين
وكلاً مؤكد حجز رحلته يافلان ... ما تلغي الرحله دموع المحبين
والحمدلله صاحب الفضل رحمان ... أمن وأمان وعايشينً معافين
نقنع بما يعطي مثوبه وغفران ... وسخر لنا العالم من الغرب للصين
والعمر لوه يوم ونعيشه الأن ... أخير من قرنً على الشرك غادين
الرب واحد والرسالة بقران ... وصلو على محمد ألوف وملاين


مرور تقدير واعجاب ومجارات لشخصك الكريم دمت سالم ً يااباسالم

[الزعول]

صخ السانك نبهاني
اجل تبا تغيص في بحر الزمان
مالك الا تحط برجليك ثقالات جنوط تيدر
وبترجع للورا وتبي تشوف بعد حوت يونس
والرمغه
الرشاء والمخاله
اخبر عندنا في اشيقر عجوز ويوم سمعت حس المحاله في جريدة الجزيره صاخت ومرضت 13 يوم من اللهده

[ابو ماجد 2]

يازينك ويازين الغازك
مبدع يابو سالم
وش رايك بالقوطي اللي يوضع بشكمان مكينة الماء
ويوضع بشكل مايل من شان يحدث الصوت
اللي ياما وياما سمعناه الفجريات ايام نوم السطوح

[abdulaziz.net]

صح لسااانك يالنبهاني

وصح لسااانك يالخامسي



وش قولك بالراديو او انتل الراديو

[ا لجوا ل]

طيب وش رايك بقوس الربابه

[النبهاني]

وعليكم السلام ورحمة الله وبركاته

سلمت يالغالي
وصح لسانك
ويش قولك بـ
الساقي...ساقي الماء
أو
المنحاة



هي مكان يحفر قليلا قدام القليب (البير) ليكون طريق تتردد فيه الحيوانات اللتي تستخدم لاستخراج الماء من البير ....ويكون طول المنحاة بطول عمق القليب او اطول قليلا ...ويكون طرف المنحاة البعيد عن القليب اكثر انخفاضا من الطرف الموالي للقليب يشكل منحدر حتى يسهل ذالك عمليه سحب الغرب من القليب لان السواني اثناء السحب تكون متحمله ثقل الغرب الملئ بالماء.. وذالك اثناء المشي في اتجاه الانحدار...ويكون على المنحاة جدار قصير او سياج من جذوع النخل واغصان الشجار




ما يمصعك الشر ما شاء الله عليك مصعت رقبته
لله درك وكفووووووووووووووووووووووو يادكتوووووووووووووووور
نعم هو المنحــــــــــــــــــــــات
بيض الله وجهك على الشرح الوافي
وانا ذكرت مسهاج لان فيه روحه وجيه
ويسجع به طرب لان اللي يسني دائما يغني ويهيجن يوسع صدره مع السواني
سلمت يابو علي ويسلم غاليك

[ابوماريا]

سلمت يالنبهاني على اللغز الوافي

وكفووووو يا دكتور

[البواردي05]

جاز لي طرقك والقاف مليان=حر من سرعته ماتلمحه عين


مشيت على درب المراجل بميزان=ولك بالشعر طالة وبالقاف تلحين
بحر الوفاء مليان لولو ومرجان=وانت من ذاك البحر ماخذ الزين
ياشيخ فالقلب قدرك عدة اطنان=منته بأي واحد والقلب ضعفين
فختامها ياخالق الانس والجان=تغفر لنا ذنب به القلب مسكين


صح لسانك وعلا شانك


الرمعة سبقني بها الدكتور

الله يطول بعمره وعمر الجميع

[النبهاني]

لا واهني اللي ملاء قلبه إيمان ... لو كان عمره فوق تسعه وتسعين


الطير لو غرد على خضر الأغصان ... لاشاف من ميل الزمن صار مسكين
ونمشي على خط الزمن والعمر فان ... "منها خلقناكم" وفيها موطين
والله رفع بالدين والخلق انسان ... ولا للسعادة عمر والناس دارين
كم من شباب ضاع غفله ونسيان ... وكم شايب ً راسه سلاح الشياطين
وكم شاب نفرح به وهم ساس بنيان ... وايضا كبيرً صار قدوه بعد حين
هذي هي الدنيا سعادة مع أحزان ... والله يوزعها على العبد باللين
وكلاً مؤكد حجز رحلته يافلان ... ما تلغي الرحله دموع المحبين
والحمدلله صاحب الفضل رحمان ... أمن وأمان وعايشينً معافين
نقنع بما يعطي مثوبه وغفران ... وسخر لنا العالم من الغرب للصين
والعمر لوه يوم ونعيشه الأن ... أخير من قرنً على الشرك غادين
الرب واحد والرسالة بقران ... وصلو على محمد ألوف وملاين




مرور تقدير واعجاب ومجارات لشخصك الكريم دمت سالم ً يااباسالم




صح لسانك يابو نايف واعتلا شانك ولله درك انا اشهد
كانت مجرد اماني وحصلنا على حص وياقوت من بحر ابداع ابو نايف
كم تمنيت اني شاعر واجاريك مير الشكوى لله
بيض الله وجهك يابو نايف

[النبهاني]

صخ السانك نبهاني
اجل تبا تغيص في بحر الزمان
مالك الا تحط برجليك ثقالات جنوط تيدر
وبترجع للورا وتبي تشوف بعد حوت يونس
والرمغه
الرشاء والمخاله
اخبر عندنا في اشيقر عجوز ويوم سمعت حس المحاله في جريدة الجزيره صاخت ومرضت 13 يوم من اللهده



صختك العافيه يابو زعل
حسبي الله على ابليسك تبي تودينا زمان الحوت
ول على اللهده اللي هذي سواياه وتصنع جريدزيون
الله يجيب المطر
مع احلى الاماني

[النبهاني]

يازينك ويازين الغازك

مبدع يابو سالم
وش رايك بالقوطي اللي يوضع بشكمان مكينة الماء
ويوضع بشكل مايل من شان يحدث الصوت
اللي ياما وياما سمعناه الفجريات ايام نوم السطوح




زانت معانيك يازعيم
كان هنا شي فهو طشاش ماعندك يابوماجد
ورمعتك ولا أجمل بس اني ذكرت مسهاج وابو علي ماقصر
ياااااه يابو ماجد اثري ماني لحالي بس لو علمتن كان متماسكين الايدين بس ما ناصل حوت الزعول
تشرفت بحضورك يازعيم

[ناصر العلي]

ما يمصعك الشر ما شاء الله عليك مصعت رقبته

لله درك وكفووووووووووووووووووووووو يادكتوووووووووووووووور
نعم هو المنحــــــــــــــــــــــات
بيض الله وجهك على الشرح الوافي
وانا ذكرت مسهاج لان فيه روحه وجيه
ويسجع به طرب لان اللي يسني دائما يغني ويهيجن يوسع صدره مع السواني
سلمت يابو علي ويسلم غاليك


هلا بك يالغالي
وكفوك الطيب ياراع الطيب
وبيض الله وجهك بالدارين
تحياتي وتقديري

[النبهاني]

اخواني


عبدالعزيز


الجوال


ابو فايز


البواردي


العذر والسموحه منكم على تأخري بالرد
والسبب تكرار انقطاع الاتصل بالنت
والجهاز ما ابريه ماهو بعيد عن راعيه
وكلي اسف على ما حصل ولا اخفيكم اني سعدت بحضور الجميع
ولا انسى ان اقول للبواردي صح لسانك والله على عذوبة هالابيات وليتي شاعر واجاريه
دمتم وصدوركم وسيعه