يا جماعة محتار بين سيارتين ويا ليت أحد يفيدنا وأهل الخبره يفزعولنا ..

[أبو عمر 501]

أنا صراحة محتار بين سيارتين أبي رايكم

السيارة الأولى
باترول فتك رفارف سود موديل 2007



أو



إكستيرا موديل 2010 وفوق


طبعا كل السيارتين القير عادي



رايكم من كل الجوانب وبذات الصبر والتحمل ..


:) بإنتظار ردودكم :)

[باترول 1987]

باترول ....

[محصل ديون]

لاتنسي صلاة الاستخاره والله يبارك لك فيما اخترت

[أبو عمر 501]

باترول ....

مشكور على المرور .. وليش قلت باترول ؟؟

[أبو عمر 501]

لاتنسي صلاة الاستخاره والله يبارك لك فيما اخترت

جزاك الله خير على قول المثل ( ماخاب من إستخار ) .. الله يكتب إلي به الخير ..
مشكور على المرور :)

[jeep 2001]

الباترول افضل واوسع وارخص قطع غيار وكلن يعرف يشتغله ويكفي انه تانكيين ومكيفين وثلاجة ويجي دفلك
اما الاكستيرا مكينة وقير وبس مافيه مواصفات

[سيد النشاما..]

مافي مقارنة والباترول افضل بمراحل كثيييييييرة

[أبوشريدح]

بالتــوفــيق

[قناص مزاجي]

كلها ممتازه

[PATHFINDER 4]

اللي يميز الاكستيرا عن الباترول النشاط بس
اما الباترول يتحمل وقطع متوفرة وفيه انظمة مثل الدفلك وتانكيين واوسع من الاكستيرا واريح

باختصار الاكستيرا موتر (مكينة ودبل) بس ما فيه اي انظمة حتى التكييف الخلفي مافيه

واخيرا الباترول يمسك سعره افضل من الاكستيرا
وانا من عشاق الاكستيرا لكن اذا كنت مكانك وعندي دراهم الموترين ابشري الفتك والله يكتب لك مافيه الخير

[تمنيتك لي]

آلــبآترووول

آنآ معي بآترول نفس اللي تبحث عنه

بإختصآر إني لآيمكنني وصفه لأنه عآلم ثآني

والله يحطك بآلخيرهه

[ابوعبدالله 93]

لاتدور غير الباترول نصيحة لوجه الله

[خبايا انسان]

,,,, باترول +1

[ابو هشام]

مافي مقارنه

الباترول هو الافضل في كل شي عدا الفزه

[تميم2222]

كلها زينه ... وحسب استخدامك ...بس يفرق الباترول ... شعبيه اكثر

[السرحان502]

اذا كنت بتاخذ الباترول فحسب حساب البنزين ,,,, ترى الاكستيرا اقتصااااااااااااادي جدا مفارنة بالفيتك

ولا تنس الاستخارة

[نايف المليحي]

نعم باترول مفخرة الارض

[باترول 88]

اذا جينا للواقع الاكستيرا افضل
اولا انك راح تاخذ موديل جديد واستخدامه وممشاه بسيط بعكس الباترول الي نادر تلقاه نظيف واغلب الي يستخدمونه يستخدمونه للكرف والصيد يعني من الصعب تحصل نظيف
ثانيا صرفيه البنزيل وهي من صالح الاكستيرا ومعروف الفتك مكينته ما تغيرت من 2002 وصرفيه وااجده
ثالثا مكيينه الفتك حساسه من الداخل يعني مثل رااس المكينه حساس جدا كثثير اششوف فتكات موديل 2007 و2008 مفكوك رووسهن من الحراره واذا تبي تتاكد ادخل قسم الصياانه وشف كثير من المواضع عن حراره الفتك
رابعا النشاط من صالح الاكستيرا بحكم انه اخف من الفتك
خامسا وهي نقطه مهمه ان الاكستيرا القير عادي يجي 6 تعشيقات والفتك 5 ومعرووف الفتك محششور قير يعني تمشي 160 وتسمع حنه المكيينه
وايضا الاكستيرا الخليجي وخاصتا العماني يجي قير عادي ودفلك ومانع انزلاق و abs وسعهره معققول

طبعا هذي وجه نظري
وبالنسبي لي اعشق الفتك لو كنت مكانك اخترت فتك ولاكن لاجينا للواقع الاكستيرا افضل