تررررهيم مكيف خلفي

[صلهام sby3]

السلام عليكم. عندي باترول 4800 مكيف واحد امامي وتخبرون الي بيركب ورا في جونا هاذا بيلعب فيه الحر ودي ارهم له مكيف خلفي تضبط ولا ماتضبط وهل فيه ورشه متخصصه

[ابوراكان تبوك]

تضبط بس كم بتدفع أقل شي بيكلفك 7000 ريال

[صلهام sby3]

معقوله. ليش ونا ووش بركب كلها مكيف

[ابوراكان تبوك]

ليش مستغرب
يبغى لك كمبروسر كبير ومواسير وثلاجه وظفيرة خراطيش هواء وتعديلات على الديكور شغله طويله عريضة أسأل أي كهربائي خله يسجل لك القطع وسعرها مع تكلفة شغل يده
اذا مكيف الهايلوكس قبل اربع سنوات يكلف 4000 بدون تعديلات على الديكور وكل شيء جاهز ومع اختلاف الاسعار في الوقت الحالي اتوقع ان التكلفة أكثر من ذلك أيضاً

[الحر النداوي1]

موجود كهربائي يرهمها ياخذ شغل يده على ما اعتقد ١٥٠٠
وفيه واحد من الشباب بيركب عنده لمثل موترك
وقد ركبنا عنده ثلاجه ومكيف خلفي لباترول قديم ماشاء الله ضبطها بدون اي مشاكل

[You Like Me]

وعليكم السلام ورحمه الله

تفضل اخوي هالرابط والتكلفه بنفس الموضوع المشاركه رقم 12

تركيب مكيف خلفي للباترول 97 وخبر حصري (http://www.mekshat.com/vb/showthread.php?t=420298)

بالتوفيق لك يارب
ولا تنسى توافينا بالتقرير

[تمنيتك لي]

آنآ مثل حآلتك ودي آركب بس متردد

[عبقري91]

ورشة التركي يمدحونها
بصناعيه القديمه

[المحلسي]

ورشة التركي
يركبها لك حلاوه يمكن بحدود 1500 الى 2000

[محمد أبوإياد]

ياخوان أنا خارج الرياض كيف الوصول لورشة التركي وكم يجلس الموتر عنده . فزعة

[الحميضاني]

السلام عليكم
اخوي ما يبيلك ترهيم االظفيره موجوده وتاكد منها يعني يبيلك مكيف خلفي كامل مع مواسيره وديكوراته والكمبريسر نفسه ما يحتاج تغيره بس تغير المواسير

[العطاوي a511]

انحش عن التركي يرزقك الله لعابين اغلى من الوكاله رح الوكاله ارخص من التركي