توضيب الباثفندر

[البركة]

السلام عليكم
عندي باثفندر 2004 قير عادي وابوضبه هاليومين ومحتار باي ورشه بالرياض
فيه احد جرب مخرطة وحيد اللي بصناعة الشفاء وكم تكلف

[البركة]

للرفع الله يرفع قدركم

[البركة]

لاإله إلا الله

[عبقري91]

فيه ورشه بصناعية الدائري
مخرج ١٨
الوصف وانت جاي من مخرج ١٦ متجه ١٧ بعد المخرج امسك الخدمه تجيك شركة الصافي
يمينك طبعن يجيك اجباري يمين تمشي بتجاه الغرب لين يجيك حق الحوادث اطلع مع لوحته يمين يصير وجهك شمال
تمشي لين يجيك مسجد على يسارك هو خلف المسجد
ياهو المسجد الاول او المسجد الثاني طبعن فتحت الورشه شرق
اسمها ورشة الثنيان تخصص باثفندر
صاحبها سعودي
نصوح ولو تاخذ رقمه من النت هو يوصفلك احسن

[البركة]

الله يجزاك الجنة ياخوي
أبو إبراهيم مختص بالباثفندر بس مايوضب
مشكور على الرد

[عبقري91]

والي سمعت توظيبه معقد ومكلف
رح الصناعيه القديمه دور مكاين يبانيه
ارخص من التشليح
اذكر معي ٢٠٠٢ قوته٣٣٠٠
خلط معي وطقيتله وحده ب٣٠٠٠ قبل سنتين

عاد الحين بكم والي قوتها ٣٥٠٠ اكيد اغلا
وبقوه

[الشامخ 66]

فيه الي مقابل ورشة الثنيان ورشة الدوسري
وقبل فتره كان معي باثفندر 2005 قير عادي وضبتها عند ورشتن اعرف راعيها بصناعية العاصمه
وشغله ولا احسن منه

[البركة]

الله يجزاكم خير على التفاعل
الموتر دخلته عند ورشة الدوسري

[الساهي 2]

يا جماعة أنا معي باثفندر 2005 قير عادي قبل شهر بدء يتفتف بسيط غيرت بواجيه وزادت التفتفه ,, رحت لمكانيكي لقا احد البواجي عليه زيت ,, قال عندك بلف و لو صلحته بعد فترة يبدا يدخن ازرق ,, احسن لك وظبه أو غير مكاينته...

وش رايكم .
هل التوظيب ينجح ؟

[الساهي 2]

ويا راعي الموضوع ( البركة )

عطنا تقييم للورشة و التوضيب و التكلفة أقرب ما لي بوظب موتري

[PATHFINDER 4]

الله يكون بعونكم وزين ماسويت يوم تروح لورشة الدوسري عنده خبره بتوضيب الباثفندر
التكلفة حدود 7000 تزيد وتنقص
وبعضهم يسقط مكينة يابانية 3500 بس المشكلة ماتدري عن وضعها والغش وارد في هالامور

[دحوم الغامدي]

أخوي الثنيان ماعنده توضيب.

حتى لو تلاحظ أنا كاتب موضوع قبل فترة بخصوص توضيب الباث لان واحد من العيال صخن موتره وصار نده مشكله فالمكينة.

المهم وضبه عند الدوسري وللأسف الشديد ماضبط.

ترى شغله فموتر خويي أي كلام والله الى الحين وهو يحوس عشان الحراره ماضبط الموتر حرارته احيانا تتعدى النص مع العلم ان الدوسر ي خلانا نغير الرديتر وركبنا مروحة تبريد اضافيه وللاس مافادت. اتوقع انه ماضبط مسح الراس.


عشان كذا اذا بتشتغل عنده حرص عليه انه يضبط الموتر بالذات الحرارة.

[البركة]

اللي يسأل عن الموتر توي مطلعه من يومين
الأمور زينه إن شاءالله
كلف قطع مع شغل يد 6500
والعمود سليم يعني موب توضيب كامل

[دحوم الغامدي]

أتمنى تتأكد من شغله.
قبل ينتهي الضمان. وتأكد هل مسح الرأس والا لا وتأكد من البلف الامامي اللي فيه كوع ومن البلف اللي تحتالثلاجة هل ركبها والا لا.
والله نصيحة لك وانا خوك ترى موترنا للحين وحنا نعاني من الحرارة وبالاخير اتضح انه مو مركب بلوف ويوم ركبنا البلوف صارت الحرارة توصل H وبالاخير طلع لاوضب مكينة ولا شي الرجال مركب وحدة مستعملة.
والحين شيل وحط معه ولكن بدون فايدة الضمان شهر وانتهى الشهر.

[الساهي 2]

اخوي كم اخذ شغل اليد .... مريت على ورشة عندنا قال باخذ ٢٢٠٠ شغل يد و لا اضمن لك المكينة يعني ما فيه فترة ضمان قلته بشاور وارد لك ... و الا قطع الغيار على كلامه اذا فكيت المكينه قلت لك وش تبي

[البركة]

أخذ شغل يد مع المخرطة 3500 ريال وضمان شهر

[الساهي 2]

مشكور ع تفاعلك و الله يبارك بالموتر اللي عرفنا بك .

انا بدور ورشة بالقصيم عندنا تضبط لي المكينة و تعطيني ضمان لو شهر

[عبدالله 9437]

مشكور ع تفاعلك و الله يبارك بالموتر اللي عرفنا بك .

انا بدور ورشة بالقصيم عندنا تضبط لي المكينة و تعطيني ضمان لو شهر



إذا انت بالقصيم وضب عند الخضير ببريده بصناعية الخضيراء

اخبر يعطيك ضمان عن نقص الزيت وعن الحراره

وانا ما جربته لكن اسمع عنه

[البركة]

الله يوفقك أخوي الساهي 2
ونصيحة مر على ورشة الدوسري وتفاوض معه بالسعر وكان موترك تماتيك يمكن يكون السعر أقل
وإذا أنت بالقصيم وبتروح لورشه هناك أحرص على حاجتين
أولا إن تكون الورشة معروف إنه توضب باثفندر
ثانيا الضمان أقل شي شهر
وإذا حصلت مثل ماقلت لك وسعر أقل توكل على الله

[medo112]

أتمنى تتأكد من شغله.
قبل ينتهي الضمان. وتأكد هل مسح الرأس والا لا وتأكد من البلف الامامي اللي فيه كوع ومن البلف اللي تحتالثلاجة هل ركبها والا لا.
والله نصيحة لك وانا خوك ترى موترنا للحين وحنا نعاني من الحرارة وبالاخير اتضح انه مو مركب بلوف ويوم ركبنا البلوف صارت الحرارة توصل H وبالاخير طلع لاوضب مكينة ولا شي الرجال مركب وحدة مستعملة.
والحين شيل وحط معه ولكن بدون فايدة الضمان شهر وانتهى الشهر.

السلام عليكم أخوي ..
أول شي أنا ولد الدوسري ..
لما تجي السياره بدون بلوف ما نشتري له ونركب .. لان صاحب السياره ما فكها الا بقناعه عنده وومكن يقول محد طلب منكم تركبون البلوف ..
وما قد فكينا أي بلف بدون ما يقول لنا صاحب السياره ..
ثاني شي .. أسأل أي واحد قد وضب عندنا ورجع لنا بمشكله في فترة الضمان ولا حليناها له ..
ثالث شي .. أثبت صحت كلامك أن حنا مركبين لك مكينه مستعمله ..
بس تتكلم كيذا من راسك ..
ألا أذا أنت طالب أنك تركب مكينه مستعمله تجيبها انت أو نجيبها حنا ..
بعدين قيمة المكينه المستعمله أغلا من قيمة التوضيب ..
يعني بشتري لك مكينه بـ 13 .. وباخذ منك 7000 او اللي هي في الحاله هاذي أنا الخسران ..
رابع شي .. ما فيه أحد ما يخطئ .. بس أذا كان الخطا منا حنا نتحمله ...
خامس شي .. شغلة تاخذ السياره وترجع لنا بعد شهرين ثلاثه تقول السياره أحترت .. ويطلع أديترك مسكر أو مروحتك خربانه أو ماشي عليه بدون مويه وتقول مسؤليتكم وتوضيبكم هاذا مو صحيح ولا نتحمله ..
سادس شي ... الله لايسامحك ولا يحللك في كلامك انك جاي توضب وركبنا لك مكينه مستعمله وان حنا غشيناك ..

[وليه ياباشا]

والله يا اخواني انا وضبت مكينة الباثفندر 2008 وماضبت طلع فيها صوت سبايك والله العالم اول ماشغلها الصباح يطلع لي صوت قرقره يمكن دقيقه وتروح شوي شوي والمشكله اني فكيت المكينه مرتين وغيرت السبايك مرتين وماضبطت وهذا انا بلشان فيها فنصيح لاتفكون المكينه الا عند واحد خبير ويتحمل المسؤليه مو مثلي اه بس مرتين وماضبت ولكن الله يسامح اللي ماعرف يوضبها لي زين ويضبطها بعض الناس يقول لك انا اعرف وهو الله يهديه مايعرف او ان فيه مشكله بالتوضيب وهو ماعرفها ما ادري بس انا من جد كرهت السياره والمكينه الى الان وصوت قرقره يطلع كل ماشغلتها حتى وهي حاميه !!؟ رغم اني مغير طرمبة الزيت جديده والجنازير جديده والشدادات وشحطاتها برضه جديده بس ارجع واقول لاتفكون المكينه الا عند متخصص بالباثقندر ويعطي ضمان يعني تمرنها الف فقط ولو قال لكم لازم 3000 قله لا والف لا بمرنها 1000 وبكرفها واجيك اذا طلع فيها مشكله علشان الشغل الزين ينعرف انه من 1000 كيلوا تمرين يبين واذا طلع صوت فيها ترجعها له وتقول صلحها وانت تتحمل جميع تغير القطع واصلي بعد لاتسوون مثلي ....
وهالحين بدور لي ورشه والا انا افكها واوضبها واذا زانت فاحمدلله واذا شانت فنغيره بوحده مستعمله والشكوى لله .

[نواف السالمي]

1-كم سعر مكينه الباثفندر 3.5
2-هل تركب على باثفندر 2001