يامن على عرش الغطاوي تبوا..............................الحل صبر ...........حله الزعول

[ابو ماجد 2]

بسم الله الرحمن الرحيم

السلام عليكم ورحمة الله وبركاته


يامن على عرش الغطاوي تبوا =سهل الغطو والصعب عندك تساوا
فكاك صعب الغطو لو هو تلوا=رميك قدا مهما دروبه تلاوا
لغزي على شان النشاما يسوا=اللي جموع الغطو قدمه تهاوا
اعلاجٍ سمي لعلاج يامن تروّا=كم حي من هذاوهذا تشاوا
كم حي عقب الضعف في ذا تقوّا=كم نفس عند الكود في ذا تقاوا


مع تحيات ابو ماجد

منتديات مكشات . خيمة الالغاز

[ابوماجد-1]

ماشاء الله تبارك الله نشاط مميز ياسمي

وصح لسانك دائماً تبدع

تسجيل حضور ومتابعه لطيبين

[عطري]

و عليكم السلام و رحمة الله و بركاته
صح لسانك و صبحك الله بكل خير أباماجد
ماشاء الله تبارك الله
كان بعض الزملاء عندي يتقهون في المكتب و كنت فاتح لغزك سألت أحدهم قال :
فكس في الحقيقة جازت لي الرمعة خصوصاً إن اليوم كان الموضوع في إذاعة القرآن عن النكتة و الطرفة.
لذا أقول :
فكس الدواء
فكس (R) دوا البر :D:D:D:D

[ابو ماجد 2]

ماشاء الله تبارك الله نشاط مميز ياسمي

وصح لسانك دائماً تبدع

تسجيل حضور ومتابعه لطيبين



هلا ومليون هلا
هلا بالسمي
صبحك الله بالخير
صح بدنك والف شكر لمرورك الكريم وكلماتك الطيبه

[ابو ماجد 2]

و عليكم السلام و رحمة الله و بركاته
صح لسانك و صبحك الله بكل خير أباماجد
ماشاء الله تبارك الله
كان بعض الزملاء عندي يتقهون في المكتب و كنت فاتح لغزك سألت أحدهم قال :
فكس في الحقيقة جازت لي الرمعة خصوصاً إن اليوم كان الموضوع في إذاعة القرآن عن النكتة و الطرفة.
لذا أقول :
فكس الدواء
فكس (R) دوا البر :D:D:D:D
رفيق الصبح ارحب بك واهلي


هلا هلا هلا
هلا بالغالي
صباح الفل صباح الورد صباح الياسمين
شرفني مرورك يالغالي
الرمعه حلوه
ولكن مااعنيه دوا مباشرة وليس وسيله تذلل صعوبه
وقد جرى بالبيت الاخير لدور كلٍ منهما

[ابو ماجد 2]

سلمت وصح بدنك يادكتور
صح لسانك ملايين
نعم
الحل
.....
يالله يادكتورنا ماشاء الله عليك البيانات والمه
يحترن من يعبيهن

[عطري]

سلمت وصح بدنك يادكتور

صح لسانك ملايين
نعم
الحل
.....
يالله يادكتورنا ماشاء الله عليك البيانات والمه
يحترن من يعبيهن


ماشاء الله توني أدري إن معنا في الخيمة طبيب
أو أنك ترى مالا نرى.

[ناصر العلي]

سلمت وصح بدنك يادكتور

صح لسانك ملايين
نعم
الحل
.....
يالله يادكتورنا ماشاء الله عليك البيانات والمه
يحترن من يعبيهن


صح بدنك ياأبوماجد
والله يرفع قدرك
كلما جيت أفكر دخل على أحد
لي عودة إن شاءالله
تحياتي

[ابو ماجد 2]

ماشاء الله توني أدري إن معنا في الخيمة طبيب
أو أنك ترى مالا نرى.


هههههههه
هلا بك هذا دكتور يديه متمرسه للتشريح
لكن تشريح الالغاز
هذا طال عمرك ناصر العلي

[عطري]

هههههههه

هلا بك هذا دكتور يديه متمرسه للتشريح
لكن تشريح الالغاز
هذا طال عمرك ناصر العلي


و الله و النعم فيه و فيك و لا يهون الاخوان
غني عن التعريف الله يحفظه
و يبدو إني مثله كلما بديت افكر بالحل جاني أحد أو اتصال أو طلعت لمهمة و تبقى الصفحة مفتوحة .....

[ابو ماجد 2]

صح بدنك ياأبوماجد
والله يرفع قدرك
كلما جيت أفكر دخل على أحد
لي عودة إن شاءالله
تحياتي


والله اني توقعت هذا
وانا خابرك راعي تركيز عالي
بس علمني وين العمل اغدين ارسل بزاريننا انا وابو مهند وابو نايف وكل المتضررين من خلوتك
نرسلهم حولكم من شان يلجون ويفسدون عليك خلوتك
وبالتالي تسلم الغازنا
هههههههههه
هلا بك يابو علي
مزوح
والا انت اكبر من ساهم بكمية المطروح هنا
الله لايحرمنا من هالتواجد

[ابو ماجد 2]

و الله و النعم فيه و فيك و لا يهون الاخوان
غني عن التعريف الله يحفظه
و يبدو إني مثله كلما بديت افكر بالحل جاني أحد أو اتصال أو طلعت لمهمة و تبقى الصفحة مفتوحة .....


نعمت حالك
خذوا راحتكم
مقيمين وعلى ماء
وش عندي الا مقابل هالنت

[مزن الشمال]

طيب هو حل اللغز ولا وش السالفة
من كلامك ان حل الغز الحل يعني

[ابو ماجد 2]

طيب هو حل اللغز ولا وش السالفة
من كلامك ان حل الغز الحل يعني

صباح الخير
اللغز لازال طليق
يحتري ذبحته
انتظر مرماعك يالغالي

[عطري]

في الحقيقة عندي رمعة لكن قريب شفت لك أو لغيرك لغز كان نفس الحل
و هي : حمية مريض السكري
و حمية من أكتوى و نحوه
رمعة أحطه عن راسي و ارتاح منه و أشوف غيرها بإذن الله.

[ابو ماجد 2]

في الحقيقة عندي رمعة لكن قريب شفت لك أو لغيرك لغز كان نفس الحل
و هي : حمية مريض السكري
و حمية من أكتوى و نحوه
رمعة أحطه عن راسي و ارتاح منه و أشوف غيرها بإذن الله.



مالك لوى يالغالي
انتظر مرماعك القادم
ولا تنس البيت الاخير
وبعدين مسمى مااريده مذكر

[عطري]

محاولة أخرى : تشريح

[ابو ماجد 2]

محاولة أخرى : تشريح


لايزال طليقا اخوي عطري
تحيتي لك وتقديري

[الزعول]

صخ السانك ابوماجد
رمغه
الصبر اخو الحلتيت
والصبر
فيه مثل يقول لو صبر الكاتل على القتيل ماكتلوه

[عطري]

صخ السانك ابوماجد
رمغه
الصبر اخو الحلتيت
والصبر
فيه مثل يقول لو صبر الكاتل على القتيل ماكتلوه

و الله إنك جيد يالزعول رمعة زينة جعلها في قلب اللغز.

[البواردي05]

صح لسانك ياوالدنا وحبيبنا
نرمع ونقول
ماء زمزم
دمت بخير
بنروح ندور النوم الان راجع من الدوام

[هيل]

السلام عليكم ورحمة الله وبركاته
هلا بالجميع هلا باأخي العود والله أبيض وجهك لغز
شبابي ماشاءالله عليك
طيب يابعد حيي وش رايك
بالتطعيم أومصل أو داوه بالتي هي الدائو
والله أني ناسي نظارات بالبيت والشوف تهبع
تخياتي

[ال-رايق]

صح بدنك ياأبوماجد
والله يرفع قدرك
كلما جيت أفكر دخل على أحد
لي عودة إن شاءالله
تحياتي


حي الله الجميع
ويابوعلي
مداخلة واحد ملقوف:
شرط المسألة ان اللي داخلين اذا ظهروا يقولون جعل والدينه في الجنّة
وهذي اراهن انك راعيها وكفو
والسلام

[ال-رايق]

وعليكم السلام ورحمة الله وبركاته
وصح لسانك يابو ماجد وان شاء الله ان اموركم زينة ومن تحب
فقط مرور للسلام
والرمع لاحقين ان شاء الله خير

[ابو ماجد 2]

صخ السانك ابوماجد
رمغه
الصبر اخو الحلتيت
والصبر

فيه مثل يقول لو صبر الكاتل على القتيل ماكتلوه
ماشاء الله تبارك الله
ماأروعك وماأروع مراميعك
كفو كفو كفو كفو كفو
نعم
صبر
صبر عند العطار علاج شعبي
وهو ماعبرت عنه بأن الضعيف فيه يتقوا
الصبر من الصبر على الاشياء وهو ماعبرت عنه بأن النفس فيه تتقاوا
صح لسانك ملايين
ولله درك وتستاهل كل كلمة ثناء

[ابو ماجد 2]

و الله إنك جيد يالزعول رمعة زينة جعلها في قلب اللغز.

رمعه زينه من زين وتأييد زين من زين
بيض الله وجهك انت والزعول

[ابو ماجد 2]

صح لسانك ياوالدنا وحبيبنا
نرمع ونقول
ماء زمزم
دمت بخير
بنروح ندور النوم الان راجع من الدوام




صح بدنك
هلا باللي زها اسمه
الحل عند الزعول

[ابو ماجد 2]

السلام عليكم ورحمة الله وبركاته
هلا بالجميع هلا باأخي العود والله أبيض وجهك لغز
شبابي ماشاءالله عليك
طيب يابعد حيي وش رايك
بالتطعيم أومصل أو داوه بالتي هي الدائو
والله أني ناسي نظارات بالبيت والشوف تهبع
تخياتي


هلا ابو عبدالله
وعليكم السلام ورحمة الله وبركاته
وجهك ابيض ياطريدي
مالك لوى والحل عند الزعول
الحل الصبر عند العطار
والصبر مثل اللي صبرنا فيه على شقاوتك ايام ماكنت صغير
وهاانت ماشاء الله تتحملني وتصبر علي عند الكبر

[ابو ماجد 2]

وعليكم السلام ورحمة الله وبركاته
وصح لسانك يابو ماجد وان شاء الله ان اموركم زينة ومن تحب
فقط مرور للسلام
والرمع لاحقين ان شاء الله خير


هلا بك يابو مهند
الله يسلمك من الشر
واللغز قال به الزعول ماشاء الله عليه

[الزعول]

[/COLOR][/SIZE]
ماشاء الله تبارك الله
ماأروعك وماأروع مراميعك
كفو كفو كفو كفو كفو
نعم
صبر
صبر عند العطار علاج شعبي
وهو ماعبرت عنه بأن الضعيف فيه يتقوا
الصبر من الصبر على الاشياء وهو ماعبرت عنه بأن النفس فيه تتقاوا
صح لسانك ملايين
ولله درك وتستاهل كل كلمة ثناء
[/COLOR][/SIZE][/center]
صخ بدنك الله ابيض وجهك

[abdulaziz.net]

كفوووووووو يالزعول


وصح لساااانك يابو ماجد

[ابو ماجد 2]

صخ بدنك الله ابيض وجهك


صخ كلك
وبيض الله هالوجه

[ابو ماجد 2]

كفوووووووو يالزعول


وصح لساااانك يابو ماجد


هلا بك اخوي عبدالعزيز
شرفنا مرورك الكريم
وصح بدنك