هل حباري الكراتين اذا صادها الطير يسمى صايد او معلم

[حشّار]

السلام عليكم ورحمة الله وبركاته
قبل فتره كنت عند واحد من الشباب وكان يكلم واحد على اساس يبيع طيره واسمعه يقول الطير صايد وحده
بعد ماخلصت المكالمه سألته طيرك متى صاد قال العام منت خابر الحبارى اللي شريت له وهديته عليها وصاد بدون تنسير قلت له مالك حق تقول الطير صايد طيرك معلم واختلفنا عند هالنقطه هو يقول الطير اللي يصيد بدون تنسير يعد صايد كرتون والا غيره
وانا ارجع لعرف شيباننا بالطير وأقول ماهو صحيح الطير اللي مسكت حباراه باليد كرتون والا مخلاص مادام مسكتها يد آدمي فهو طير معلم ولايصح انك تقول صايد
الطير الصايد اللي صاد حباراه من الروض ف

[الغافل]

صباح الخير كلامك صحيح يعتبر معلم

[أهم 1]

صباح الخير كلامك صحيح يعتبر معلم
:good::good::good:

[محمد النعيمي]

كلامك صحيح الطير الي صايد من الكرتون تعتبر علومه ولاكن الطير الي يهد عليها بدون تنسير قالبن انه يهد على حبارى الروض ولاكن ابراء للذمه يجب اخبار الشاري بالتفاصيل وصاحبك قد تكون وجهة نظره انه ان شاءالله بيهد

[عبدالرحمن 211]

تعلوم
تعلوم
تعلوم

[ابوعزيز2007]

والله يعتبر تعلوم وانا اخوك ولاكن وجهة نظر اخوي محمد النعيمي صحيحه

[حشّار]

يعطيكم العافيه
لكن اخوي محمد النعيمي هذي غيبيات ولا احد يعلم عنها شي يهد مايهد من اللي يضمن هذي نفس لكن انا كلامي انه لايقول صايد يقول معلم افضل من انه يقول صايد وابراء لذمه

[حمد الدجران]

السلام عليكم جميع اما بنسبه لي انا فصار علي قصه من كم سنه طير فرخ حر مغتر لشيوخ وجاني الطير وحش بغطابه وصقرت الطير وهدينا له خمس حباري بدون تنسير وصادها كلها وقلت في نفسي الطير ذا عباره صايد لان كل الطيور الي مرت علي وبنفس التعلوم كلها صادت وخرج علي الطير وقيضته ونقلته بكر واهديته رجال معروف بالصقاره وقنص الرجال بالطير وبعد فتره واجهته وكنت متشفق لعلوم الطير عساها اتبيض الوجه لاني خابر الطير جري وشجاع على الي شفته منه وش اعلوم الطير يابو فلان قال والله ماخليت عليه اقصور شي حليته ودعيته وجهزته ورويته احبارى درج وحبارى عقبها اطيار ولا جاها ولا له شف فيها ماكنه قد شافها وانا عقب الموقف الي صار لي معا ذا الطير اقول ان احبارى الكرتون او الخليص ماتحسب في رصيد الطير ولايعتبر الطير صايد الا بعد صيده احبارى الروض وهذا اعتبره راي شخصي وكلن له رائي

[حشّار]

مرحباً اخوي حمد وهذا الكلام الصحيح وكلام اهل الصنف من الشيبان
ومن واقع تجربه لي الحبارى اذا مسكت تغير شكلها حتى لو ما فيها شي بس سبحان الله الطير يعرفها حتى لاكوبرت لطير ماهي مثل حبارى الروض حبارى الروض لاكوبرت لطير يجي شكلها عجيب مايصمل عليها الا طيرها
×

[بيتر بن عدوان]

انا من ناحيتي اعتبره معلم ماهو صايد
ياخوك الحبارى بعد ماتخلصه من الطير تتغير عليك وحتى بعضهم تجفل من الطير ماتكوبر له مثل قبل ماتخلصه ؟

وججهة نظر

تقبلو مروري

[ايزاك]

كلام اخوي حمد الدجران صحيح من غير قصور في الباقين كان عندنا طير يهد على اللي مخلصه او من الكرتون واللي في الروض مايجيها وتقول اول مره يشوفها

[قلب ذيب]

ارحبو ا كل باسمه .
الحبارى اللي تهد للطير من ( المخلاه ) تسمى علومه .
اما كثر هدد الحبارى للطير ويصيدها درج فهذا يؤدي بالطير الى عدم الهدد على الحبارى من الروض لانه تعلم على كثر الحبارى المهدوده له وبعض الطيور يقبض على ذلك ولايهد على الحبارى الحقيقيه لانها يعرفها .
.. الطير اللي يجي الحبارى بدون تنسير منها ( شبه فصيل ) يعرفها من اول وربما يتعلم عليها في الارض وقريبه ولاتاتي الحبارى البعيده او الطيار , واعتقد ان الرجال اللي اخذ الطير ياحمد ماعرف يعلم الطير او يهده بالطريقه المثلى . والله اعلم .

[الجره جديده]

اختصار الموضوع
حبارى من الروض يعني على كيس الطير هذي تقدر تقول الطير صايد وحده
لكن اي حبارى على كيس اهله سواء شارينها او عازلينها او ماسكينها
ويدرجونها للطير تسمى تعلوم
والمفروض انه يقول للي كلمه يبي يشتري الطير يقول حنا شرينا له حبارى ووريناه الحبارى وهد عليها مايقول صايد
لان اللي صايد يعتبر صاد من الروض

[خيال الهيلا]

معلم باختصار

[حصريا001]

السلام عليكم جميع اما بنسبه لي انا فصار علي قصه من كم سنه طير فرخ حر مغتر لشيوخ وجاني الطير وحش بغطابه وصقرت الطير وهدينا له خمس حباري بدون تنسير وصادها كلها وقلت في نفسي الطير ذا عباره صايد لان كل الطيور الي مرت علي وبنفس التعلوم كلها صادت وخرج علي الطير وقيضته ونقلته بكر واهديته رجال معروف بالصقاره وقنص الرجال بالطير وبعد فتره واجهته وكنت متشفق لعلوم الطير عساها اتبيض الوجه لاني خابر الطير جري وشجاع على الي شفته منه وش اعلوم الطير يابو فلان قال والله ماخليت عليه اقصور شي حليته ودعيته وجهزته ورويته احبارى درج وحبارى عقبها اطيار ولا جاها ولا له شف فيها ماكنه قد شافها وانا عقب الموقف الي صار لي معا ذا الطير اقول ان احبارى الكرتون او الخليص ماتحسب في رصيد الطير ولايعتبر الطير صايد الا بعد صيده احبارى الروض وهذا اعتبره راي شخصي وكلن له رائي

انا مع كلام اخوي حمد http://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gif

[(هزاع)]

تعتبر تعلوم
كلمة :صايد تطلق على الطير اللي صاد بالروض حباره لم يتم صيدها من قبل
وغيرها تعلوووووم

[بو عزه]

صح كلامك يعتبر معلم

[بوخالد الكعبي]

لا يعتبر صايد الطير نفداك

كثر العلايم للطير بالذات لحباره اذا علمت على اكثر من وحده ويجي اتهدد على حباره من الروض او طارت قدامه
بيخليها يالغالي

تدري ليه لاانه تعلم على العلومه اللى مب قويه و حباره السلم او في وقت المقناص تجيك قويه و طيارها قوي

مب مثل اللى هو خابر ضعيفه و بسرعه تحط له اذا وصلها

( طير واحد من الربع سبحان الله من كثر العلايم مايجي اللى للعلومه تقول يعرف انها علومه مب سلم تهده على العلومه يرويك عرضه و يصير ارهابي في الهجوم و لكن سبحان الله لين جيت تفكه على السلم يقول مافيها لحم ابد ولا يهد عليها )


فانصح انا كل صقار يعلم مره وحده فقط لتشجيع الطير على الصيد و يعرف لحباره

ولا يكثر له من العلايم اللى ترديه

[جلاد الحباري]

الحبارى اللي تمسك باليد او يصيدها طير تسمى علومه والطير لا قالوا صايد فالمقصود الحبارى اللي على كيسها القفريه اللي من الروض ما مسها لا طير ولا ادمي

[صقار الأسياح]

انشدني انا واعطيك شوف عيني العام جربناها مع عدة طيور 2فروخ وواحد قرناس ذبحت حبارى طبعا معزوله ماهي حقت كرتون وبالروض ماناضرن بالحبارى

[نجم404]

تعلووم
تعلووم
تعلوووم

[اماراتي 10]

يسمونها علومه وإذا طارت الحباره وارتفعت وملقت وصادها تسمى تعلوم طيب

[مدهل الوحوش]

هاذي تعلوم كرتون ولاا خليص المهم ابراء الذمه ياربع الدعوه كوم ريش والصدق من سمات الرجال (شرواكم) وانا مع كلام الاخوان الي قبلي

[حشّار]

يعطيكم العافيه ياشباب وماقصرتوا والهدف من الموضوع ان الناس اللي يبيعون الطير على انه صايد وهو ماصاد ينتبهوا ترى المسأله ذمه لا يبيعون ذممهم عشان زود 500

[عتيج الصوف]

يعتبر معلم