تكفون ياهل الخبره دلوني

[بدر القحطاني]

السلام عليكم ورحمة الله وبركاته
بسم الله الرحمن الرحيم
بصراحه اعجبني منتداكم والاعضاء المميزين والمعلومات المفيده وحبيت اسجل معكم لكي استفيد انشاءالله من خبراتكم

ياشباب عندي مشكله في قير الجمس سوبربان موديل :91 حجم القير 700 توماتيك

المشكله كتالي : اول شي التعشيقه الاولى يجي فيها نتقه او نتعه والتعشيقات الباقيه سليمه
وفي بعض الاحيان يصير العكس التعشيقه الاولى كويسه والتعشيقات الاخير يتأخر في التعشيق ولاكنه يعشق وفي بعض الاحيان زي الحلاوه تعشيقاته كويسه والله تعبت منه وانا اعتقد مو توضيب بس مدري وش السبب الورش اغلبهم يقول توضيب واللي يقول كمبيوتر واللي يقول حساسات واللي يقول فلتر فأنا ضايع بينهم فياليت تفيدوني بخبرتكم جزاكم الله خير

[بشير حسن]

عليكم السلام ورحمة الله وبركاته
حياك الله اخوي

بسألك متى آخر مره بدلت الزيت والفلتر ؟؟؟ وكيف حالة كيبل تعاشيق القير اللي يجئ راكب على قاعدة البخاخ

[بدر القحطاني]

انا شاري السياره من شهر ولا ادري هو متى مغير الفلتر ولاكن الزيت جديد
ولا اعرف وين كيبل التعشيقات

[BoOnD]

تحس الريت حق السياره مرتفع

او الدعسه معلقه

اذا ايه فهذا السبب من النتعه بالاول واختلاف التعشيقات ومشكلتها سهله باذن الله وهو حساس البنزين الي حول فلتر الهواء

[بدر القحطاني]

مافهمت عليك يابوند ولاكن الدعسه كويسه مو معلقه وبعدين وين الناس الباقيه بس اثنين ماكان العشم فيكم كذا انا قلت بلقى الحل على طول

[BoOnD]

اقصد الموتر تحس انه وهو واقف صوت الموتر مرتفع شوي ولا هو بهادي

هذا الشئ يسبب النتعه اذا عشقت

[BoOnD]

وحط ببالك الشئ المسؤول عن التعشيقات ولخبطتها ومن واقع خبره صارت لي بجمس 94

حساس الهواء الي قريب الكلبيريتر او الكمبيوتر ولكن ابدأ بالحساس بعد الاستشاره


مووووفق وللرفع

[بدر القحطاني]

الموتر عندي بخاخ وبعدين اليوم صار فيه تفتفه ويرمي اذا عشقة القير على p يصفى واذا عشقته قدام او وراء يطفي وجلس حوالي ساعتين وبعدين صفى وزبط بعدين هل حساس الهواء يسوي النتعه وعدم انتظام التعشيقات والله طفشني واذا وديته مهندس ماعرفله ماحصلت ورشه صاحيه ويخافون الله اذا تعرف ورشه في الرياض كويسه لا تبخل علي جزاك الله خير

[Magellan]

مشكلتك وانا اخوك بالديلكو مادامه يرمي
طبعا المواتر القديمة يحتاج لها واحد فاهم بالقديم لأن اغلب الورش تحولت للجديد فمعرفة الموديلات القديم يحتاج واحد خبرة عاصر الاجيال الماضية من السيارات
طبعا اخبر في الكوابرس القديمة ان اذا صار مشكلة في التعشيقات يوزونونه عن طريقة مجموعة كيابل او كيبل ماني متذكر تربط سلك الدعسه بمكان حول الكلبليتر ،،،
على فكرة موترك حلابات وليس بخاخ

[بدر القحطاني]

ياشباب انا محتاج ورشه ممتازه ومتخصصه في قيرات الجموس القديمه ومضمونه كل مره اروح لورشه يقول توضيب والموترمايحتاج توضيب اللي فيه كهرب بس مالقيت ورشه تشتغله اللي يعرف له ورشه لا يبخل علي