وش الحل لعدم الاحراج

[الوافي.]

السلام عليكم ورحمة الله وبركاته[/URL]
مرة من المرات كنت مدعو من ضمن المدعوين لاحد الكشتات القريبة من البلد يعني معزوم ويبدو ان الضيوف اكثر مما توقع المعزب والغريب ان اكثرهم وصل قبل ان ننكب الرز بالصحون فانحرج صاحبنا
فانسليت من المجلس وارسلت رسالة له باني لدي ظرف وابعدت شوي واتصلت على بعض الربع اللي امون عليهم هناك واعطيتهم ا لاحداثيات ومعي اللحم والرز (لان سيارتي ما تخلى من اللحم والرز) وقلت حياكم الله تراي مزهب كل شي والحمد لله حلينا المشكلة وارتاح صاحبنا عندما علم بما فعلنا وايدنا على ذلك
فويش رأيكم بالحل

وهذا اللي خلاني احط هالموضوع عن عدد افراد الكشتة

[URL]http://www.mekshat.com/vb/showthread.php?t=534377 (http://www.mekshat.com/vb/showthread.php?t=534377)

[شاووش]

بيض الله وجهك انشهد انك جبتها ...
لاكن المعزب الله يهديه المفروض يحسب حسابه

[دلوووكه]

الحمد لله عدت على خير

المشكلة بعض الناس تعزمه و يجيك بس المشكلة يجيب معه ثنين ثلاثة بدون ما يعلم

[ابو صالح الرس]

الحمد لله عدت على خير

المشكلة بعض الناس تعزمه و يجيك بس المشكلة يجيب معه ثنين ثلاثة بدون ما يعلم
صدقت ياخوي

وانا كم مرة يحصلي هالموقف مع واحد وكذا مره يتكرر معه والصراحة كذا مره انحرج واخر مره صارت عطيته اياه كاش وطقيته بوجهه وقلت له ياخوي المره الثانيه اذا دقيت عليك وعزمتك تراي عازمك الحالك موب القاك تجي وجايب خلق الله معك بدون ما تقولي وتحرجني مع الناس
لان الي يجي يحسب انك ماخذ حسابه بالاكل وهو ما يدري انه ما عندك علم انه جاي احد وان شاف الاكل قليل قال هذا مقحط وغرابيل يابن الحلال خله على ربك

[صقرولدصقر]

اللقمه الهنيه تساوي ميه وانا اخوك ياوافي

وأنت كريم وفعلتك طيبه مانقول فيها شيء

[شرق المغيب]

الي اخبره ان اهل الصيد مايحبون احد يعزم عليهم

بس اذاهي كشته عادية اشوف ان الوضع عادي والكل لازم يتفهم ان الوضع كشته ماهي مناسبه او كرامة لضيف

طريقتك حلووه وزين سويت ولوني مكانك سويت سواتك

[(هزاع)]

ههههههههه
اعجبني موقفك وتصرفك
مشكور على الفزعه
لاكني الوم المعزب انتقاء الاصدقاء مفروض
وبه كلمة محفوفه تنقال بالعزيمه يعني تعال لحالك
انا ماعندي ميز مفتوح
وبعض اللجبلات فرقاهم عيد منقلين بطونهم يادافع البلا
لوني حول ديره مايخالف البخاري يسد بطونهم لاكن كاشت اكيد ابكون مطرف شوي عازم خمسه يجون خمس طعش

[ذيب النشاما]

وعليكم السلام ورحمة الله وبركاته

راينا أنك زين ماسويت وبيض الله وجهك
فكره طيبه مع وجود الرز والأدام معك.
وهذا عيب بعض الأشخاص يوم تناديه لحاله يجيب معه أحد بدون علمك.

تحياتي لك

[ملك الفكتوريا]

أما اللي يجيب معه ناس والله ما يستحي


المفروض يعطي المعزب خبر وما راح يقصر

ما عزمك الا هو بيعزك ومن معك بس مو بالطرقة هذي



وبعدين ماتوا اللي يعزون بالكشته

خلوها شبابيه

[koogak]

المصيبه اللي تدق عليه وتقوله اننا كاشتين في المكان الفلاني تغداء معنا
واذا دقيت عليه وهو في الخط وقلت له معك احد قالك لا واذا وصل لين معه 4 ابلش
معك اللحم والرز وكل شيء بس انت طابخ على قدكم!!

[remth]

كثير تحصل والمشكله اذا قلت له ليتك معطيني خبر علشان ماتفشلني مع الناس يقول يدخلون بالبركه :confused::confused:
وإذا ماعزمته مشكله .
لاكن ياشباب انا عرفت ليش بعضهم يسوي هالطريقة .
فيه واحد من الشباب مره قعد يسولف وقال كلمه ماحسبلها (( يقول انا بعض المرات اعزم شباب على عزيمت فلان علشان الشباب يعزموني واضمن كل خميس عشى من الشباب الي اجيبهم )) :eek::eek::eek:
بالله عليكم هذي حياة .
والمشكلة اذا ماعزمته بعض الناس يدورونه ويتصلون عليه . وحلها عاد
واذا كثرت وحسبت حساب ناس زود . قاموا يلومونك ويتوعدونك بعقوبة الاسراف
والله حالة :(:(:(

[Rfal]

ماشاءالله عليك

[صقر البحيرات]

فعل طيب وتصرف حسن

اسمحلي بأن أدرج موضوعي الذي يتكلم حول موضوعك


تفضل بالزيارة


لاكنت على قد حالك .. وجاك ضيف .. والجماعة فاجؤك بالحضور ؟ماهو العمل؟ .. قصة واقعية (http://www.mekshat.com/vb/showthread.php?t=260212)

[هوى الشرق]

بصراحه موقفك حكيم
لي موقف صار لي مره طالعين في رمضان نبي نسوي سحورنا على النفود المهم دق علينا اثنين من الشباب وقالو وينكم قلنا على النفود نسوي سحورنا الله يحيكم ، المهم يوم جا وقت التقليط ودقينا على الشباب قلنا لهم وينكم ترى قلطنا قالو يالله حولكم شوي ويوم وقفو ونزلو إلا ومعهم شله من اخوياهم بصراحه تفاجأنا والعشاء يالله تلحق على لقمتين ، وبعدها صرنا ما نعطيهم خبر اذا طلعنا .

[هاوووي بحر]

السلام عليكم ورحمة الله وبركاته





مرة من المرات كنت مدعو من ضمن المدعوين لاحد الكشتات القريبة من البلد يعني معزوم ويبدو ان الضيوف اكثر مما توقع المعزب والغريب ان اكثرهم وصل قبل ان ننكب الرز بالصحون فانحرج صاحبنا
فانسليت من المجلس وارسلت رسالة له باني لدي ظرف وابعدت شوي واتصلت على بعض الربع اللي امون عليهم هناك واعطيتهم ا لاحداثيات ومعي اللحم والرز (لان سيارتي ما تخلى من اللحم والرز) وقلت حياكم الله تراي مزهب كل شي والحمد لله حلينا المشكلة وارتاح صاحبنا عندما علم بما فعلنا وايدنا على ذلك
فويش رأيكم بالحل


وعليكم السلام ورحمة الله وبركاته
زين ما سويت
حصل لي مره موقف قريب من موقفك لكن المشكله كنت المعزب :)
يوم جا الربيع اللي قبل العام الله يعيده ويعيد لياليه
نصبنا لنا خيمه في هذاك المكان وحفرنا للبرميل حق المندي وماخلصنا الا قبل الظهر بشوي
وقلت للربع هاه وش رايكم الليله نزبط العشا فالبرميل قالوا سم بالرحمن
ومريت على الشبك واخذت لي تويس ثني وبسم الله واذبح واصلخ وعلى الخيمه
ودقيت على خالي وانا بالطريق قلتله حياك على عشانا فالمكان الفلاني
قال تم
والخال مطوع وماشاء الله المطاوعه يحبون الخير واللمه ويبون البركه على قولهم :)
ويدق على خوياه حياكم الله اليوم عندنا بالمحل الفلاني
والمطاوعه ماصدقوا خبر
وبعد صلاة العشا جوال المطوع ماسكت كل شوي يوصف لواحد
شايف البرج خله يمينك وامش طوالي، أبو أنس الله يحفظك انتظر أبو البراء في محطة التوحيد :)
وكل شوي جايتنا سياره، وكل شوي يغرز واحد نروح نطلعه وحوووووووووووووووووووسه ذاك اليوم
لين وصل العدد 21 رجال وانها النشبه وش يعشي التيس ويش يخلي
بس والله العظيم ان المطاوعه صدورهم واسعه قلت لهم ياجماعة اعذرونا والله ماحسبنا هالعدد بيجي والعذر والسموحه ع القصور وإن شاء الله تزورونا مره ثانيه وتبشرون بالخير
بس الحمد لله العشا كفى :p
وصرت لاعزمته أحذره مية مره لايعزم ربعه
وسلامتكم يالربع