التايتانك حقت النبهاني والزعول(جديد)........الحل سترة النجاة ...........حله ابو ماجد

[ال-رايق]

السلام عليكم ورحمة الله وبركاته
اخواني مما لاحظته المحبة اللي مالها حدود بين اخواننا -النبهاني والزعول .طبعا لا يقول ابو زعله ليش تحطني صغير وهو اللي شاب بالنبهاني ويقول انت الشايب اللي يجيك شد عضلي اذا حليت لغز ((مزحه بيضاء))..وحبيت اوجه لكليهما هذا اللغز والرمع للجميع -واللون فوشي :Dياعيني على الموده-:

ليتنا ,,, ياربعنا داخل سفينه=اكبر من التايتانك عرض وطولي
والنبهاني وابو زعله في كبينة=دمجة النبهاني بدميجة زعولي
خمسة اشهر ماطفت فيها المكينة=وعن متون الباخرة ما من نزولي
وأسأل اللي يرسل الجيم الى سينه=يحل لغز بين ايديكم شمولي
وش نحيله تصبح في لحظه سمينه=منكم تحيا ودورها دور بطولي
وابو زعله ماسك النبهاني يدينه=بشاطيء جدّه يرطش وكلّه بلولي

****الحل بالقصّة****وسلامتكم
اخوكم/ال-رايق

[ابوماريا]

صح السانك يابو مهند وسلم بنانك
غالي ومسند على غالين

رمعة عجلة قبل تعسيلة الظهر

البالونه اللي بالدر كسون تنتفخ عند الحوادث

[ابوماريا]

ماشفت الحل بالقصة

العضلة

[الخامسي1]

السلام عليكم ورحمة الله وبركاته
اخواني مما لاحظته المحبة اللي مالها حدود بين اخواننا -النبهاني والزعول .طبعا لا يقول ابو زعله ليش تحطني صغير وهو اللي شاب بالنبهاني ويقول انت الشايب اللي يجيك شد عضلي اذا حليت لغز ((مزحه بيضاء))..وحبيت اوجه لكليهما هذا اللغز والرمع للجميع -واللون فوشي :Dياعيني على الموده-:

ليتنا ,,, ياربعنا داخل سفينه=اكبر من التايتانك عرض وطولي
والنبهاني وابو زعله في كبينة=دمجة النبهاني بدميجة زعولي
خمسة اشهر ماطفت فيها المكينة=وعن متون الباخرة ما من نزولي
وأسأل اللي يرسل الجيم الى سينه=يحل لغز بين ايديكم شمولي
وش نحيله تصبح في لحظه سمينه=منكم تحيا ودورها دور بطولي
وابو زعله ماسك النبهاني يدينه=بشاطيء جدّه يرطش وكلّه بلولي

****الحل بالقصّة****وسلامتكم
اخوكم/ال-رايق



عذرً الوقت لايتسع للمجارات رمز محبه وتقدير ومرور إعجاب منقطع النظير :



يا اله الكون باسمه نبتدئ ثم نستعينه ... في مجارات الرفيق الاخ وبحضور المثالي
السلام والتحية نكتبه يا سامعينه ... ومن قراء أيضاً شمله دون جيم ً للسؤالي
العصر قرب وضني . فيه واحد ظالمينه ... وكان تسائل عنه شغل المشاعر والخيالي
كيف بتركب بحور فوق بحرً عارفينه ... ابوسالم والزعول امر يالرايق محالي
انت تسجنا رضاء وكم ضحيه لك سجينه ... مبدعً في كل حال دايمً سيرك عدالي×

[الزعول]

صخ السانك يالرايق حتى تشبع
اه لوكنت ساعر ارد على قصيدتك
انحن مافي عايلتنا شاعر ولا بالوراثه ابشر والله بوارثه الصلع
الواحد منا راسه زي ركبته الله يجيب االنبهاني ابوسالم
بيرد عليك ثم يجيه شد عضل من جديد

[ناصر العلي]

وعليكم السلام ورحمة الله وبركاته
سلمت ياأبومهند
وصح لسانك


http://sphotos-a.xx.fbcdn.net/hphotos-snc7/c0.0.843.403/p843x403/301026_431889136846598_2078614844_n.jpg
http://www.zyzoomup.com/uploads/images/zyzoom-20ce395c38.jpg
ومؤيد لرمعة الغالي أبوفايز


http://www.synergy-athletics.com/wp-content/uploads/2010/09/big_muscles.jpg

[المزيدي4]

يسلم اللي وافي عقله ودينه
أبو مهند شاعرٍ شعره زلالي
معجب بكل الذي تكتب يدينه
حكمة وإبداع وأبيات جزالي
وأبو سالم والزعول مقدرينه
يستحقون الكيف من صفر الدلالي
وابو فايز يوم يرمع مأيدينه
كفو ياللي دايمٍ نهجه مثالي

[صقر السديرات]

صح لسانك يا ابو مهند وبيض الله وجهك
والله يجمع شملنا ان شاءالله بس تكفى في استراحة والا شعيب اما السفينة تحوم التسبد وتجيب دوخة
قد ركبتها من سنين في رحلة للسودان للقنص ما تنفع ولا بريال
أسمع الله يطول عمرك انا رجال مليت من كثر ما ارمع ولاهناش
لكن ابقوم اايد وبس فرمعة ابو فايز العضلة ممتازة
والزعول وابو سالم كفو ويستاهلون
دمت بخير

[ال-رايق]

صح السانك يابو مهند وسلم بنانك
غالي ومسند على غالين

رمعة عجلة قبل تعسيلة الظهر

البالونه اللي بالدر كسون تنتفخ عند الحوادث


هلا وغلا بحبيبنا ابو فايز
وصح بدنك
ونوم العوافي
---
والرمعه لم يحالفها الحظ
تحياتي

[ال-رايق]

ماشفت الحل بالقصة

العضلة


بعيده مثل بعد محبتنا للي مايحبّك
وفقك الله

[ال-رايق]

عذرً الوقت لايتسع للمجارات رمز محبه وتقدير ومرور إعجاب منقطع النظير :



يا اله الكون باسمه نبتدئ ثم نستعينه ... في مجارات الرفيق الاخ وبحضور المثالي
السلام والتحية نكتبه يا سامعينه ... ومن قراء أيضاً شمله دون جيم ً للسؤالي
العصر قرب وضني . فيه واحد ظالمينه ... وكان تسائل عنه شغل المشاعر والخيالي
كيف بتركب بحور فوق بحرً عارفينه ... ابوسالم والزعول امر يالرايق محالي
انت تسجنا رضاء وكم ضحيه لك سجينه ... مبدعً في كل حال دايمً سيرك عدالي×


هلا وغلا باخونا الغالي /ابونايف
وطاري البحور ماجبناه الا لكونه سمي لك يابحر البحور
ياللي ماتكودك مجاراة ,,لكن الوقت والاشغال لها دور ومعذور
ومجربين مثلك حين يكون الوقت ضيق او اخر الليل والواحد من لحم ودم
الله يحييك
وماقصرت بهالبيات الطيبه يالطيب
وتسجيل اعجابك مفخرة واي مفخرة .
تسلم

[ال-رايق]

صخ السانك يالرايق حتى تشبع
اه لوكنت ساعر ارد على قصيدتك
انحن مافي عايلتنا شاعر ولا بالوراثه ابشر والله بوارثه الصلع
الواحد منا راسه زي ركبته الله يجيب االنبهاني ابوسالم
بيرد عليك ثم يجيه شد عضل من جديد


ولسانك وكلك وبدنك ياخونا/راع اوشيقر
هههههههههههههههههههههه
حلوه وراثة الصلع..والطول:D:good2:
وماعليه ربي معوضكم بحاجات واجد ,,,ويعلم الله لي في محبتكم تاريخ يقارب 30 سنة..
---------------
والنبهاني احرص له لايجيه مع العضل دوار البحر
وخل عنك العجله لا تطب قبله اذا خربت السفينة.
تحياتي

[البواردي05]

صح لسانك يالغالي ابو مهند
غالي مسند على غالين
وكفوو وجزل ومسند على جزلين
مرور اعجاب وتسليم عليك
وعلى الاخوان
دمتم مستانسين

[ال-رايق]

وعليكم السلام ورحمة الله وبركاته
سلمت ياأبومهند
وصح لسانك


http://sphotos-a.xx.fbcdn.net/hphotos-snc7/c0.0.843.403/p843x403/301026_431889136846598_2078614844_n.jpg
http://www.zyzoomup.com/uploads/images/zyzoom-20ce395c38.jpg
ومؤيد لرمعة الغالي أبوفايز


http://www.synergy-athletics.com/wp-content/uploads/2010/09/big_muscles.jpg


هلا وغلا بالعميد الغالي
وتسلم على كل حال
بالنسبة للصورة الاولى حسبي الله على شيطانك اول مرة اشوفها لكن ضابطين الدور هالعتاوي.
والصورة الثانية هههههههههههههههههههه
والصورة الثالثة بعيدة
تحياتي

[ال-رايق]

يسلم اللي وافي عقله ودينه
أبو مهند شاعرٍ شعره زلالي
معجب بكل الذي تكتب يدينه
حكمة وإبداع وأبيات جزالي
وأبو سالم والزعول مقدرينه
يستحقون الكيف من صفر الدلالي
وابو فايز يوم يرمع مأيدينه
كفو ياللي دايمٍ نهجه مثالي


يامرحبا تراحيب المطر
بابو سعد
بالاخ الغالي
وتسلم على كل كلمة جاريتنا فيها ومن درر بحر المعاني اهديتنا الله لايضرك
والتأييد بعد الضلع الحمر عن تهامه
لك تقديري واحترامي

[ال-رايق]

صح لسانك يا ابو مهند وبيض الله وجهك
والله يجمع شملنا ان شاءالله بس تكفى في استراحة والا شعيب اما السفينة تحوم التسبد وتجيب دوخة
قد ركبتها من سنين في رحلة للسودان للقنص ما تنفع ولا بريال
أسمع الله يطول عمرك انا رجال مليت من كثر ما ارمع ولاهناش
لكن ابقوم اايد وبس فرمعة ابو فايز العضلة ممتازة
والزعول وابو سالم كفو ويستاهلون
دمت بخير


هلا والله باخينا الغالي/ابو فيصل
وشرهتك على اللي يحب البحر وتاييدك بعد الحمر..لكن الربع اذا ركبوا فيها حلال والله يرزقنا بقوارب النجاة.
تحياتي
ودمت لماحا وملاحا:D:good2:

[البواردي05]

ايش رأيك بــ:
السفينة والباخرة
سفينة نحيلة واذا كبرت اصبحت باخرة
:D:D:D:D:D:D:D

[ال-رايق]

صح لسانك يالغالي ابو مهند
غالي مسند على غالين
وكفوو وجزل ومسند على جزلين
مرور اعجاب وتسليم عليك
وعلى الاخوان
دمتم مستانسين


يامرحبا باخونا الصغير عمرا الكبير في غلاه
وصح بدنك
والله يسلم عمرك جعلك ماتشوف شر ولا من يعز عليك
دمت بسعد نتمناه لك من القلب
آمين الله يوفقك..ويرزقك بما تحب ويحقق لك مناك.

[ال-رايق]

ايش رأيك بــ:
السفينة والباخرة
سفينة نحيلة واذا كبرت اصبحت باخرة
:D:D:D:D:D:D:D



تسلم على الرمعه
والحل موجود اكيد وشي ضروري بالبواخر
تحياتي

[ابو ماجد 2]

صح لسانك يابو مهند
كعادتك جزل
غالي ومسند على غالين
وش تقول بسترة النجاة
فيه نوع تسحبها وتنفخ بالهواء

[ال-رايق]

صح لسانك يابو مهند
كعادتك جزل
غالي ومسند على غالين
وش تقول بسترة النجاة
فيه نوع تسحبها وتنفخ بالهواء



صح بدنك يالزعيم
واشادتك فخر واعتزاز لي ,,,لـــــــــــــــــــــــــــــــــــــــــــذا أقــــــــــــــــــــــــــــول:
كفوووووووووووووووووووووووووووووو
ثم
كفوووووووووووووووووووووووووووووو
القناص الماهر وله عادات/أبو ماجد لله درّه
الحل/سترة النجاة
التوضيح/ وابو ماجد ماشاء الله وضح المطلوب,,,نحيلة متسفطة ثم سمينه بعد نفخها بالهواء
ومنكم تحيا=الناس هم اللي يملونها.
والقصة تحكي الذهاب للبحر والبقاء لمن اراد الله له البقاء بطوق النجاة.
تحياتي للجميع
وما نبغى زعل يابوسالم ولا الزعول.

[البواردي05]

صح لسانك مرة أخرى
وعوايد الزعيم الله لايضره
مالنا في حضوره حضور
العين ماتعلى على الحاجب
بيض الله وجيهكم
ودمتم مبدعين

[ابوماريا]

سلمت يابو مهند

وكفووووو يابو ماجد

بيض الله وجيهكم