المساعد الشخصي الرقمي

مشاهدة النسخة كاملة : أبي رايكم


برق شقراء
06/08/2006, 01:07 PM
الله لا يهينكم ياشباب أبي سكين حلوة وسعرها معقول ومكان بيعها في الرياض
aziz2727
06/08/2006, 01:15 PM
الاخ برق شقراء

هلا يك ،، مر محل الرمايه في شارع التخصصي عنده سكاكين اشكال والوان واكيد بتحصل الي تبي .. اما عن الانواع الجيده ما عندي خبر فيها وان شاء الاخوان بيفيدونك .
بن نويشر
06/08/2006, 01:19 PM
يا برق شقراء ....

عليك بشارع الوشم وأنت جاي من طريق الملك فهد المحلات التي قبل وبعد مطعم عمو حمزة ... عندهم سكاكين على كيفك وأشكال وأنواع مختلفة .
الملتاااااااع
07/08/2006, 04:04 AM
والله ياخوي شوف وشو قالو الأخوان عزيز وسنيدي كلهكم كلامهمم صح وبتلقا السكين اللي بتعجبك انشالله ...
عمار السفينه
07/08/2006, 11:41 AM
عليك بالسكاكين الاسبانيه يالشقراوي :)
الضاري
07/08/2006, 12:31 PM
شفت سكين مع واحد من الشباب بصراحة غريبة

كلها قطعة واحدة مع نصابها

شكلها لك علية شوي لكن فعلها وخصوصا مع العظام يخررررع

سألتة عن نوع السكين قال هذي سسه سياره مطروقة ومصلحة سكين

وما فية أمل تنعفط يمين أو يسار وسعرها بحدود الـ 70 ريال

وحاطها دايم في درج موتره من زود الحرص عليها
سكّين
20/08/2006, 04:23 AM
اووه ياسكيني بالعيد اللي راح

الله يخلف عليّه ويعوضن بغيره وبحل ياللي ظافه
الكلاسك
22/08/2006, 01:06 AM
فيه مره من المرارير رحت لمكتبه ادوات مدرسيه واشتري ذاك المشرط اللي كنه سكين واخليه عندي لين جاء عيد الضحيه واعطيه الوالد الله يسلمه قت سم اذبح بهذا اخواني كلهم انتقدوني وش انت جايب مشرط وشو له المشرط ما يصلح وانواع القرقه طبعا هو مسكته كنه سكين لكن الحديده قصيره يمكن طولها 7 سم الى 10سم المهم مجرد انه حطه على رقبة الذبيحه الا وهو قاطعها وانتها من ذبيحتين بدون ما يعملها اي تسنين وفي العيد اللي بعدها طلبو مني نفس السكين قلت لهم راحت عليكم السكين انقرضت اختفت من السوق
الضاري
22/08/2006, 02:24 AM
الله يستر عليك يالكلاسك فكره ماطرت على أحد قبلك
صدى الهوجاس
22/08/2006, 02:36 AM
عليكك بالسكاكين اليي تكون مطليه بالكربون ويكون لونها اسود00000000000000000000000
لو تنقعها سنه ماتغير فيها شي00000000000000000
ولك الخيااااااااااااااااااار
googl11
09/05/2007, 07:55 AM
حسب علمي خل واحد خراط ( فني خراطه ) هو اللي يختارلك السكين وشف
لان الحديد انواع حسب علمي فيه شي للصدمات وفيه شي للتقطيع الصلب او اللين ورق او لحوم مع عضم وووووووووو والله اعلم
برق شقراء
09/05/2007, 01:14 PM
مشكورين يا شباب وما قصرتوا..
الوفي
09/05/2007, 03:01 PM
شفت سكين مع واحد من الشباب بصراحة غريبة

كلها قطعة واحدة مع نصابها

شكلها لك علية شوي لكن فعلها وخصوصا مع العظام يخررررع

سألتة عن نوع السكين قال هذي سسه سياره مطروقة ومصلحة سكين

وما فية أمل تنعفط يمين أو يسار وسعرها بحدود الـ 70 ريال

وحاطها دايم في درج موتره من زود الحرص عليها

أخوي الضاري هذي وين نحصلها فيه اذا تكرمت
عاشق السيل
17/05/2007, 09:39 PM
أخوي إذا كنت بشرق الرياض رح لمحل اسمه المقناص عنده سكاكين على كيف كيفك بس جهز دراهمك ..

مكانه : إذا جاك مسجد الراجحي على يمينك لف مع مخرج 15 يمين يكون وجهك شرق وبعدين خذ يوتيرن كأنك راجع للدائري يجيك المحل على يمينك على طول يفتح جنوب ( انتبه تتعداه ترى المحل صغير بس فيه العجب ) ..


تقبل مروري ومشاركتي وموفق إن شاء الله ،،،،،



عاشـقhttp://www.mekshat.com/pix/upload/sign/images/mk49539.gifالسيل
كانو1
08/08/2007, 06:12 PM
في هذا المنتدى تقرير مفصل عن السكاكي مسويه خوينا راعي الهدد
والله ما أعرف أحط الرابط بس أعتقد صفحة رقم 1 بعنوان لا يفوتكم
الصمان 2
08/08/2007, 07:44 PM
اما فكرة المشرط

روعة

تصلح للدخاخل

وطبعاً المشرط يكون له جراب حتى ما يخرب

ماشاء الله عليك يالكلاسك

فكرة روعة ، وسعره بيكون رخيص مقارنة مع المحلات المتخصصة .

واليوم راح اشتري مشرط من النوع الممتاز .

.