طيري ناقض وش الحل

[احمدابراهيم]

يالربع عندي طير ناقض ونازل وزنه 150
وش الحل ??

[عابر الموج]

انتبه من القمل لايكون فيه شي ترا القمله بالطير تنزل الطير وكذلك الدود الداخلي وماقلت لنا الطير يعلف ولا لا وهل فيه شي من الريش يسوق وماهو وزن الطير عند خروجه من المربط وهل قمت بشنذرة الطير كل هذه الاسئله ضروريه للاجابه على تساولاتك تقبل تحياتي

[احمدابراهيم]

الطير فحصته ومافيه شي و صاكه امواسه و مصفي يوم كان فالمربط وزنه 1000 ويوم طلعته قصرت عليه و وزنه 730
وش الحل

[بدوي نمبر ون]

وشو الطير
اكيد ١٦في١٦ اللي وزنه الف من طلع من المربط كانه كذا
لاطاوعك الطير ومشا معك بالدعو تمام ابدا ارفع الطير
بعد ما تتاكد انه مافيه شي

[احمدابراهيم]

شاهين 15.5 وعندي سؤال يالربع ياريت تفيدوني
الطير طلعته من المربط ودعيته 10 ايام ويجي
وفجأ جيت ادعيه شفته مايجيني يأخذ لفه ويصف
بس اذا هديت له يروح واذا صادها رحت عنده يأخذ الحمامه ويطير فيها شوي لين يتعب وبعدين اروح له بشويش وامسك ب الحمامه
وش الحل