لمبة الزيت تأشر مع المكيف و مرات بدون مكيف

[الأمير ksa]

السلام عليكم و رحمة الله و بركاته


صباح / مساء الخير


أخواني عندي مشكلة ظهرت بعد تغيير رأس المكينة طلعت السيارة من الورشة و تفاجأت بلمبة الزيت تأشر و لما ادعس بنزين تروح توقعت إن السيارة ما فيها زيت و رحت لحقين الزيوت و غيرت زيت بدون سيفون لإن السيفون ركبوه بالورشة و الزيت اللي حطوه بالورشة جديد و ما يبين هل هو ناقص ولا لا من بعدها طفت اللمبة و بعد ثلاث أيام السيارة قامت تطفي مع المكيف و بدون المكيف فكيت الثروتل و الحساس و نظفتهم بالبيت لكن حست الدنيا عداد الضغط ارتفع فوق الاثنين و رحت لميكانيكي و فك الثروتل و حساس الدعسة ونظفهم و ركبهم و رجع العداد طبيعي ووزنه من المسمار اللي عند الدعسة تحت الواحد مع المكيف و بدون المكيف و إذا اشتغل المكيف يرتفع فوق الواحد وينزل لتحت الواحد ..
الحين أنا قدام أمرين للمبة الزيت و مع العلم السيارة من طلعتها من الورشة و لمبة الزيت ما هي راضية تطفي نهائيا افصل البطارية ترجع على طول ..


إما من وزن الدعسة بدون المكيف أشرت مرتين و مع المكيف تومض أو تأشر بس مو بإستمرار و لما ادعس بنزين مع الوقوف ولا المشي تطفي ..


أو أغير حساس الزيت لإن لمبة المكينة ماهي راضية تطفي ..


::


::


::


اللي جاء في بالي من المشكلة بعد فك رأس المكينة و تغييره :


إنهم ما ركبو السيفون كويس و سببه هالمشكلة لمبة التشييك و الزيت أو حساس زيت أو من وزن الدعسة ..


و كيف اوزن المكيف إذا اشتغل يصير الضغط على واحد لإني اتوقع المشكلة كلها وزن و المكيف يثقل و تولع لمبة الزيت و اعدس بنزي تطفي على طول


انتظر أرائكم


السيارة ابـــــــــــــــــيــــــــــــــــكـــــــــــــ ـا 2004


أجمل تحية ,,

[الأمير ksa]

أمس منظف الثروتل و الحساس و اليوم رح لحقين الزيت و سحب العيار و لقى الزيت مسود مو مرة


تتوقعون من تنظيف الثروتل و الحساس ولا له دخل بمشكلة الزيت مع العلم الزيت ماله اسبوع


في انتظاركم

[الأمير ksa]

رحت للورشة اللي فكوا رأس المكينة و صار الاتي :



فصلوا فيش حساس الزيت و حاولوا يفكون حساس الزيت و بالقوة طلعه الميكانيكي زين ما انكسر



المهم بدلناه بحساس جديد و شبك الميكانيكي الفيش و قالي الفيش سليم و ما فيه أي شي



طلعت من عندهم و الامور طيبة و الحمد لله و فريت اكثر من ساعتين مشاوير و الامور كويسة



بس بقت لمبة التشيك لإني ما فصلت البطارية لما غيرت الحساس و أبغى افصلها بأخر الليل و بعطيكم اللي يصير معاي



و إن شاء الله المشكلة كلها من الحساس



أجمل تحية

[الأمير ksa]

انتظر رأي أخواني أصيل حجازي و كبسولة1


أجمل تحية ,,

[سيف العز]

اللي جاء في بالي من المشكلة بعد فك رأس المكينة و تغييره :


إنهم ما ركبو السيفون كويس و سببه هالمشكلة لمبة التشييك و الزيت أو حساس زيت أو من وزن الدعسة ..


اعتقد ان المشكلة في السيفون

انا صارت معي في نيسان بترول وغيرت السيفون وانتهت المشكلة

واكتشفت ان السيفون تجاري

[الأمير ksa]

هلا سيف العز

غيرت الزيت و السيفون أصلي و راحت لمدة يومين

ورجعت أمس لإن السيارة بتطفي و لما دعست الامور تمام

و لمبة التشيك ما هي راضية تطفي لإنو فيه مشكلة بأحد حساسات المكينة و غير كيذا الكهربائي وزن الدعسة من المسمار اللي عند الدعسة و مرات يرفع له ومرة يقصر له و أتوقع الوزنية مو مضبطوه لإنها لإخر شي و السيارة ترتر كنها بتطفي مما يساعد على ظهور اللمبة و هذا طبيعي

لكن بفحص وان شاء الله خير

ف انتظار اخوي اصيل و اخوي كبسوله يفيدوني بخراب حساس الدعسة و اعراضه

و يعطيك العافية اخوي

اجمل تحية