دبل الباترول يطلب فزعتكم

[abu sadem]

السلام عليكم ورحمة الله وبركاته


يا الربع عندي حاله غريبه
اشغل الدبل الخفيف اجور على الموتر ولا فيه الا العافيه والثقيل بعد

لكن اذا طحت لي في ربااض وكنت ما نسمت هوا الكفرات

صار يطلع لي صوت قدم طقطقه يمكن بالكفرات اللي قدام
مدري وش الصوت بس ما يطلع الا بالثقيل واغلب اذا كنت لاف الدركسون

واذا نسمت وطلع معد يجي

مستحيل يكون جنزير لان ما يجي الا اذا طااح الموتر

[الحميضاني]

وعليكم السلام
موترك فيه فرارات ترى الفرارات يطلعن صوت اذا كان الهوب به فضاوه يطلع صوت انت ارفع السياره وحرك الكفر فوق وتحت وتبين اذا فيه فضاوه

[sgl2002]

انا اقول بداية خراب الجنزير

ولا يبين معك الا لاصار الموتر بغراز قوي


انت عشقه ع الزفلت ولف الدركسون وشف اذا سمعت طقطقه قوية فهو الجنزير

[أبوصالح9]

لا تخاف ولا شي هذي العكوس ومامنها اي خلاف اذا تبي تغيرها غيرها ولا اصبر لين تكثر دراهمك وطق لك جدد

[العطاوي a511]

عكوس بجيب اخبر العكوس بالصغار الدفع الامامي

[abu sadem]

يمكن الرجال يقصد العكس الداخلي فالدفرنش

والله يا ورشنا رايحتن فيها بالشرقيه

بشوف اول اذا فيه فضاوه

والله يستر لا يكون جنزير

[مقطع العروق]

لا تخاف ولا شي هذي العكوس ومامنها اي خلاف اذا تبي تغيرها غيرها ولا اصبر لين تكثر دراهمك وطق لك جدد


اخبر العكوس بالتويوتا مو بالباترول

لانه يجي دفرنس

[مقطع العروق]

حبيبي

سبق وصارت لي حدود ال 2 مرتين

والسبب جنزير الدبل

وترى السالفة عادية جداً وتصير كثير بالباترول لانه ماشاء الله دبله قوي

وهذي وجهت نظري واللي اشوفه

وان شاء الله الاخوان يفيدونك

لكن قبل كل شيء وش مديل موترك

اذا هو الباترول الشكل الجديد ما عندي علم انا اللي اكلمك عنه 4200 و 4500 و 4800

[abu sadem]

لكن اخوي ع الزفلت اجرب الثقيل ولاف الدركسون
وفالبر اذا كنت منسم وماشي عادي ما يطلع الصوت


ما يطلع الا اذا مغرز ولاف الدركسون
الحنزير لو انه يفرط كان بين بالزفلت !؟؟

[شبح الموت]

نفس الشي عندي ياابو سديم بالثقيل بس

اشك بالفرار اوصليب عمود الدبل معي اني غيرت الدبل كامل ومازالت المشكلة موجودة