المساعد الشخصي الرقمي

مشاهدة النسخة كاملة : الدفلك GXR2003مايشتغل وش الحل؟؟


برنس الهدد
07/10/2012, 07:12 PM
بسم الله الرحمن الرحيم

السلام عليكم ورحمة الله وبركاته..

مساكم/صبحكم الله بالخير جميعاً

من يعرف ورشة بالرياض ممتازة لعلاج مشكلتي جزاكم الله خير مع رقمهم ان حصل

عندي الدفلك تأشر لمبته ومايشتغل ما أدري وش المشكلة هل هي تنظيف أو غير؟

بانتظاركم يالشقردية لاهنتو..
sgl2002
07/10/2012, 11:07 PM
يحتاج تنظيف حساس
Saad 11
08/10/2012, 01:13 AM
انصحك تمر العضيب ،،
ابومحمد 1390
08/10/2012, 09:56 PM
السلام عليكم اخوي
معي نفس موترك.ترا الدفلوك مايشتغل الا مع الدبل الثقيل
عشق الدبل الثقيل وبعدين يشبك معك,
ارجوا اني افدتك
برنس الهدد
09/10/2012, 03:04 AM
الله يجزاكم خير جميعاً

لكن السؤال هل فيه ورشة في الرياض متخصصة في الدفلك؟ ووين مكانها ؟
برديس
09/10/2012, 05:38 PM
المشكله عندك كنترول يجئ تحت الدرج الكبير
يقول كهربائي قبل شوي نصلحه ٤٠٠ ريال
وال كهربائي بالزلفي الرياض ما اعرف فيه احد
رقم الهندي ٠٥٣٥٣٠١٧٦٩ اكرر بالزلفي
برنس الهدد
10/10/2012, 09:48 AM
جزاكم الله خير جميعاً

الله ييسر لنا ورشة تفهم في هالموضوع

"عط الخباز خبزه لو أكل نصفه"
هرى ورى
10/10/2012, 05:40 PM
الله يسهل امورك وامور المسلمين ..

اتوقع المشكله عندك والعلم عند الله ان التروس حقت الدفلوك المشبوكه مع الدفرنس يبيلها تشحيم فقط ..
لانها تجيم مع الوقت ومع قلت الاستعمال ..

ولكن ما اعرف ورشه تفحص هالشغلات .. لعل الاخوان يفيدونك ..

بالتوفيق ..
برنس الهدد
14/10/2012, 12:42 PM
جزاكم الله خير كل باسمه

رحت للعضيب وقالو يكمن تنظيف وتشحيم وبيكلف 700ريال ..!!!!
ناااار أعوذ بالله:f
ابومحمد 1390
15/10/2012, 03:57 PM
تأكد قبل تسوي شىء في موترك اخوي برنس
معي مثل موترك,اذا شغلت الدفلك وهوواقف في الشارع مااااااااايشبك
واذا تعلق اوتمايل اشغل الدفلك ويشبك عاطول.طبعآ مع الدبل الثقيل
احلى مزاج
15/10/2012, 09:46 PM
هلا اخوي

عندك ولد المبارك يبخص به ورشته بالبيت بحي الشفاءابشوف رقمه واردلك
وحيد الدرب
16/10/2012, 09:58 AM
اذا كان أول مرة تستخدمه تاكد أنه مشبوك بالكهرب لأني سمعت أن الوكالة ما يشبكونه الا اذا طلبت منهم خوفا من الاستخدام الخاطئ .. والله أعلم
برنس الهدد
30/10/2012, 10:37 PM
الله يبيض وجيهكم جميعاً

أخوي أحلى مزاج بانتظار رقم المبارك الله يجزاك خير ومن شاركنا الموضوع