حداق بريطاني

[مخلد المحنا]

السلام عليكم ورحمة الله وبركاته

تحياتي لكم شباب مكشات --- اشتقنا لكم !

اخوكم الان في بريطانيا وصارلي فترة من وصلت وانا ادور لي فرصة اتزفر..

رحت محل العدة اللي يم البيت.. ودلوني على واحد يرتب رحلات.. عده وييم وتراخيص.. ومواصلات!

نفس الشخص طلعت معاه طلعة لفاح ما كانت جدا موفقه.. بس الاجواء والطبيعة شي يوسع الصدر..

عاد "ويليام" قالي انا بطلعك طلعة تعويضيه..

وهذا اللي صار امس..

من الصبح رحنا مكان يبعد عن البيت نص ساعة بالسيارة... وكان النظام حداق طفاحي محاياه...

والييم نحدقه طفاحي بقصبة وميدار ما ينشاف.. والييم دود فرش يلبط!!

http://i1092.photobucket.com/albums/i402/Mukled/2012-10-07/F8DCD55C-1391-46F3-91DB-ED6735968C9E-898-0000008AB5F57E66.jpg

طبعا هالدود ينشرى.. احنا نعرفه هالدود.. ايام محابل الطيور... خابره اصفر انا... بس هم يحطون معاه نشارة خشب باي لون والدود ياكله ويصير نفس اللون..!!

الييم تقريبا اي نوع من السمك الصغير.. اهم شي لا يتعدى 8 سم.. هذا المقاس الذهبي..

هالنوع اسمه بليك Bleak سبحان الله الصفط (القشور) فيه لمعه عجيبه... ةعلى كلام "ويليام" ان قشور هالنوع من السمك كانت تستعمل في صناعة الحلي والزينه في العصور الوسطى

http://i1092.photobucket.com/albums/i402/Mukled/2012-10-07/1B244D64-A450-444E-BB56-91426A87F2C2-898-0000008ABE3033EC.jpg

وهذا النوع اسمه روتش Roach هذي من افضل الطعوم..

http://i1092.photobucket.com/albums/i402/Mukled/2012-10-07/6BF4ABC1-096C-4C93-A2FC-553975BF219C-898-0000008AB9EB477D.jpg

المهم كانت الطريقة بس نصيد الييمه نشكها ونشوح..

وهذا المنظر العام للمكان...

http://i1092.photobucket.com/albums/i402/Mukled/2012-10-07/B33E229E-2AED-4E01-B397-0D6A9AECF22B-898-0000008ACBB14CC1.jpg

http://i1092.photobucket.com/albums/i402/Mukled/2012-10-07/DADC82BE-C7FE-4033-907C-12FBCA7451A1-898-0000008AC65F3C67.jpg

في انتظار المغطه

http://i1092.photobucket.com/albums/i402/Mukled/2012-10-07/6644CD0D-D9AE-441B-B07D-E9D6F03FBF2A-898-0000008AC18C8B29.jpg

فجأه اختفت الطفاحية وطار الخيط... يا جماعة الخيط 12 LB يعني شعر مقاسه شي وعشرين!! واللي ماغط الخيط شي عود... المهم بالتوجيهات من "ويليام" خطوة خطوة موادع احترافي وقدرت اقرب السمجه ولا هذا المتيح!! هالنوع اسمه "بايك" Pike ويعتبر رقم واحد بين السمك المفترس في الانهار والبحيرات.. شرس جدا وما يهاب البشر...

http://i1092.photobucket.com/albums/i402/Mukled/2012-10-07/7E2D9591-D322-4E15-A665-B1C1499950A2-898-0000008AD80C9E39.jpg

عاد هذا داخل فمه امواس ودبابيس ومسامير مالله به عليم!! شلون ربي قدرنا نوصله على خيط مثل الشعره.. الله اعلم..!! محترف هالوليام!

عاد مو هذا الوحيد اللي طلعته.. طلعنا غيره 4.. بس هذا الوحيد اللي تصور وهو اكبرهم!

عاد واحنا قاعدين ولا اشوف لوبستر نهري يتهاوش مع صاحبه.. جان اخمط اليزة واسحب واحد فيهم اتطمش عليه...

http://i1092.photobucket.com/albums/i402/Mukled/2012-10-07/05775BB4-1BFC-43A0-9663-7876C365A57B-898-0000008AA6E79914.jpg

كنت برجعه .. جان يقولي ويليام "ممنــــــوع" وفيها غرامة :eek:

شرح لي ان هالنوع من اللوبستر اسمه Red Light Crayfish وتم احضاره من امريكا وقام بالقضاء على جميع الانواع المحلية من اللوبستر.. ولهالسبب تم اعتباره نوع دخيل ولا يسمح بارجاعه للنهر لو تم صيده.. يا تاخذه تاكله او تذبحه.. وحتى ممنوع تتركه جنب النهر..

http://i1092.photobucket.com/albums/i402/Mukled/2012-10-07/84237283-768A-4B07-8574-2081D88EADE4-898-0000008AA1FCEF97.jpg


ويسلم راسكم وتعيشون.. وتقبلوا تحياتي..

اخوكم

مخلد المطيري

[@ بحار مجيرمة @]

ماشاء الله تبارك الله

وش هــ الزين اخوي مخلد


حتى خرمة الصيد من بريطانيا الله يعطيك العافية

بس قلي عسى سمكهم مثل سمكنا

بالهناء والعافية عليك

تحياتي لك

[accentkool]

ماشاء الله تبااارك الله
التقرير ابدااااعي وبجد خشيتنا جو بريطاني فضيع
احداث الرحلة اكثر من روعة من تصوير وصيد
والله يعطيكم الف عافية اعجبتني الرحلة كثير
وسلملي عالحداق ويليلم

[Rabtor F-22]

يالله حي مخلد وويليام

ويالبيه يالنهر .. ذكرتني بنهر فرانكفورت بألمانيا

اللي عاجبني بهالتقرير كله .. تصميمك على الصيد حتى وانت بالخارج

حلوة التجربه واخذ الخبرة

بالتوفيق واتمنى ماتحرمنا من تقرير آخر لرحله جديدة

[k.fares]

ماشاء الله وش هالزين حتى في بريطانيا

بس كيف طعم سمكهم ؟؟

وااصل ولاتحرمنا من تقاااريرك

تحياتي

[baracuda]

احلى تحية للصيادين في بلاد الفرنجة
ياخي يعجبك الوضع المنظم عندهم كل شئ وله قوانين
الله يهنيك بصيدك وبالعافيه عليك مع الاخ ويليام :)

[الرحموني]

تقرير جميل وخروج عن المألوف من التقارير

يعطيك العافية يا مخلد المحنا

تحياتي وتقديري

[مجنون عجلان]

ماشاء الله عليك صدق انت كفوا وري الفرنجه شغل العرب الله يقويك ويعطيك العافيه

[HUNTERELF]

وعليكم والسلام ورحمه الله وبركاته
مشاء الله عليك تقرير رائع جداً
بالف عافيه عليك .
مهما اخلاف المكان راح يبقى الحداق صديق العزيز.
بالتوفيق يالغالي

[صياد بالسيف]

ما شاء الله تقرير روعة

والمكان جميل ومتعة الصيد فيه أجمل

الله يوفقك وترجع سالم..

[نصري1]

يعطيك العافية اخي العزيز
تقرير مميز

[الوحش79]

ويش هل تقرير يامخلد


جاي ترعبنا بهل اشكال
سمك غريب عنيف
وقبقب لوبستر كانه عقرب بري
(-:

ياخي هونت انا ماراح اجيكم

وعليك بالعافيه المتعه والتشويق

[egy lion]

ما شاء الله تقرير رائع
وفعلا النوع ده من اللوبستر فظيع اول ما وصل عندنا مصر اضر جدا بالثروه السمكيه
ويعتبر وباء علي البيئه النهريه عندنا في مصر
لكن حلاوته اما تفصل راسه عن جسمه وتاخد اللحمه البيضا اللي فيه وتحطها في السناره وترمي
السمك يعشق لحمته وكأن السمك بينتقم من اللوبستر

[ماسيوم]

السلام عليكم ورحمه الله...
ماشا الله صيد حلو اهم شي راحت خرمه الصيد والمره الثانيه خليها بحريه بالتوفيق انشا الله تقبل تحيااااااااااااااااااااا..

[RO MY O o]

السلام عليكم يانفسي اصيد في نهر بس انت صدت بدالي بالعافيه هالاسد الي صدته ومايندرت عن البلاوي الي في فكه بس اهنيك على الحماس

[عجائب البحر]

سمكهم غريب سبحان الله سمك الانهار يختلف عن الي في البحر تقرير جميل بس المناظر هناك لحالها تكفي تقبل مروري

[ابوتركي1]

عليكم السلام ورحمة الله وبركاته
ماشاء الله تبارك الله
الله يعطيك العافيه وبالعافيه
تقرير جميل وصيد اجمل
الله يردك سالم غانم
وعوااااااافي

[الميمونى تو]

جزاك الله خير اخوى مخلد يمال الجنه

اسعدنى وافرحتنى بالتقرير

اخوك ابو حمود المطيرى

[hunter78]

ما شاء الله تبارك الله
حيا الله هالوجه الطيب
سبحن الله كل صيد وإله نكهة ، خاصة مع الأجواء الاوربية الرائعة والطبيعة الخلابة
الوالد الله يحفظه ويحفظ كل آبائنا درس في يوغوسلافيا في السبعينيات وكان يصطاد من هذي الوحوش :D وعدة الصيد من قصبات ومكينات (من نوع D.A.M )صناعة المانية الغربية ،ما تزال موجودة وبحالة ممتازة للآن رغم صار عمرها فوق ال40 سنة بس وش يقول الواحد الاصلي والغالي سعره معاه :good2:
الصراحة امتعتنا كعادتك بالصور والتقرير لكن احزنني شيء واحد :(
صديقك وليم اظهر وبشكل غير مباشر مدى احترام الاوربيين والاجانب بشكل عام للقانون (الرقابة الذاتية عندهم قوية جدا) فتلقاهم يلتزمون بقوانين الصيد البري والمائي وأحجام وأعداد الطرائد بينما نحن المسلمين تجدنا معظمنا يخالف القانون وما نلتزم الا إذا كان الشرطي او ساهر فوق راسنا
الله يهدي ابناء المسلمين ويصلح حالهم
آمين
الف شكر مجددا وبالتوفيق

Sent from my LT26i using Tapatalk 2

[برهوم جدة]

يامرحبا والله .. ربنا يوفقكم بالدراسة وتجيبوا الشهادات واما الصيد طيب بس اسماكهم تلوع الكبد واغلب اسماكهم افاميها زي فم البطة حتى شفت سمكة في برنامج على قناة اوروبية FISHING TV والله وجهها كأنه وجه عري. عموما لا مقارنة بين سمكمنا وسمكمهم فسمكمنا طرب وهم سمكمهم يا شكل تمساح والا بط والا عراري .. والغريب السمك ابو شوارب . وانا اتوقع ان النظرية انهم جابوا بساس وبط وتماسيح وابوشوارب وغيرها من هالاسماك وسووا لها تزاوج يعني في ذي الانهار عندهم . يارب كرم النعمة

[وليد الغربة]

ماشاء الله تبارك الله

توثيق جميل وماقصرت والله

[rmosa]

ما شاء الله صيده طيبة ..بس بيتاكل ولا لأ...
ربنا يردك لأهلك سالم غانم

[عجااااج]

ماشاء الله رحله مشيقه شدتني ولله

اللهم لاحسد وفقك الله ودوم الوناسه


اعجبني النظام والتزامهم فيه عندنا يارجال الهوا ينظف الشاطي واللي يطيح البحر


يسحبه الموج عجبا لنا متا نهتم ونحافظ على شواطينا ومتنزهاتنا


تحياتي لك

[رائد ابو محمد]

ما شاء الله حجم رائع

مشكور اخي مخلد على هذا الموضوع
وبالعافية عليكم اخي