رح لا عدمتك فوق جمس مصفح/اهداء للمزيدي(جديد).حله(الزعول)الحل(الردمية-المسحية-الدباية)

[ال-رايق]

السلام عليكم ورحمة الله وبركاته
اخواني في اللغز الاخير قلت لبو سعد ترى صقر الله يسلمه مجهز لكم الملعبة
وبدلا من هالكلام حبيت اوجه له لغز تقديرا لشخصه والله الكريم .
والرمع للجميع

يالمزيدي مانيب راعي تمصلح=واذا اكرهك اقول لك ياحبيبي
رح لا عدمتك فوق جمس مصفح=يطربك عزمه يالسنافي طريبي
روّح لبو فيصل قبل لايسفّح=ووصل سلامي وانت مانته غريبي
وياويش بنت من ظهر عود أملح=لكنها من دك بقعا تشيبي
سوّت بها ضلوع محاديب تكثح=والناس ترغبها لأجل القريبي

وسلامتكم
اخوكـــــــم/ال-رايق
مكشات/خيمة الالغاز

[شاعر الجوف]

صح لسانك ولنا عودة ولكن مرور إعجاب ..^_^

[ال-رايق]

صح لسانك ولنا عودة ولكن مرور إعجاب ..^_^


تسلم الله يرفع قدرك اخونا/شاعر الجوف
وصح كلك يالغالي

[ابوماريا]

صح السانك يالغالي وسلم بنانك
وأبو سعد كفووووو ويستاهل

مرور تقدير وجاري التفكير

[ال-رايق]

صح السانك يالغالي وسلم بنانك
وأبو سعد كفووووو ويستاهل

مرور تقدير وجاري التفكير


تسلم اخونا الغالي/المثالي
وصح بدنك
رفع الله قدرك
وبانتظار مرورك العزيز

[عطري]

و عليكم السلام و رحمة الله و بركاته
صح لسانك يا أبا مهند و يستاهل أبو سعد أكثر عقب اللغز الأخير
الذي فجر القرائح لا عدمناكم.
إذا كان الحل موقعاً فلا أعلم
و جاري التفكير،،،

[ال-رايق]

و عليكم السلام و رحمة الله و بركاته
صح لسانك يا أبا مهند و يستاهل أبو سعد أكثر عقب اللغز الأخير
الذي فجر القرائح لا عدمناكم.
إذا كان الحل موقعاً فلا أعلم
و جاري التفكير،،،



ياهلا وغلا بالفوّاح على قولة الفارس الله يحفظه ومن يقرأ
--------------
وصح بدنك يالغالي
واللي يدخل مخيخ الواحد منكم هو المبروك بارك الله فيك .

[الزعول]

صخ السانك راايق
تهقاه مهيب هالدبايه
فيذا وحده في ديرتنا
كلها صدامات ورفارف من الدساتنhttp://www.alrahalat.com/vb/uploaded/227_61319739362.jpg

[ال-رايق]

صخ السانك راايق
تهقاه مهيب هالدبايه
فيذا وحده في ديرتنا
كلها صدامات ورفارف من الدساتنhttp://www.alrahalat.com/vb/uploaded/227_61319739362.jpg



ان كان تقصد ؟؟؟؟؟؟؟؟؟؟؟؟؟؟؟؟؟؟؟
ليتك توضح باسم ثاني فأقول لك قبل صح لسانك ماشاء الله عليك وانشهد انك من الطراز الالماسي
انتظر جوابك او احد الاخوان للتوضيح معنى دباية
وشكرا

[الزعول]

ان كان تقصد ؟؟؟؟؟؟؟؟؟؟؟؟؟؟؟؟؟؟؟

ليتك توضح باسم ثاني فأقول لك قبل صح لسانك ماشاء الله عليك وانشهد انك من الطراز الالماسي
انتظر جوابك او احد الاخوان للتوضيح معنى دباية

وشكرا

ماعرف لها اسم ثاتي غير الدبابه
بش مثل الصوره

[ال-رايق]

صخ السانك راايق
تهقاه مهيب هالدبايه
فيذا وحده في ديرتنا
كلها صدامات ورفارف من الدساتنhttp://www.alrahalat.com/vb/uploaded/227_61319739362.jpg




كفووووووووووووووووووووووووووووو
والله ماشاء الله عليك
من الطراز الألماسي اسم الله عليك
-----------
البواردي ومن بعيد/أخونا الزعول
الحل/كما في الصورة =الردمية-المسحية-الدباية
التوضيح/
من ظهر عود املح=الاسفلت الاسود
وشيبت بها دك بقعاء(السيارات:redcar::redcar:)
والضلوع الحدب=البطانيج
ومرغوبة لاجل القريبي=اكيد الناس تبيها توصلهم
واكيد ابو زعله الغالي عنده استراحه او مزرعه حول رمحين الله يهنيه بها.
تحياتي للجميع
واعيد واقول انت يالزعول :good2:كذا:good2:

[الخامسي1]

السلام عليكم

مقطوع ً سره في باريس


الجادة
الجرة
الردميه

الخ


من الجوال ياطيب الفال

[ال-رايق]

السلام عليكم

مقطوع ً سره في باريس


الجادة
الجرة
الردميه

الخ


من الجوال ياطيب الفال

وعليكم السلام اخونا الغالي/ابو نايف
قصدك جاي على ظهر التايتانك؟!
اساله فيس تو فيس
خذ المكرفون يابو زعله عندك الرد
انا برّا الردميه ههههههههههه

[الزعول]

كفووووووووووووووووووووووووووووو



والله ماشاء الله عليك
من الطراز الألماسي اسم الله عليك
-----------
البواردي ومن بعيد/أخونا الزعول
الحل/كما في الصورة =الردمية-المسحية-الدباية
التوضيح/
من ظهر عود املح=الاسفلت الاسود
وشيبت بها دك بقعاء(السيارات:redcar::redcar:)
والضلوع الحدب=البطانيج
ومرغوبة لاجل القريبي=اكيد الناس تبيها توصلهم
واكيد ابو زعله الغالي عنده استراحه او مزرعه حول رمحين الله يهنيه بها.
تحياتي للجميع


واعيد واقول انت يالزعول :good2:كذا:



good2:

صخ السانك يالرايق
سير علينا بالديره ترانا قريبين حولك اذا انت من اهل شقرا
والاستراحه بعد ماهي بعيده عنك وخلنا نتعرف اكثر عن قرب وبشرك اني بخير ونعمه وكل ذو نعمة محسود
الله يكفي الشر

[ال-رايق]

صخ السانك يالرايق
سير علينا بالديره ترانا قريبين حولك اذا انت من اهل شقرا
والاستراحه بعد ماهي بعيده عنك وخلنا نتعرف اكثر عن قرب وبشرك اني بخير ونعمه وكل ذو نعمة محسود
الله يكفي الشر


تسلم والله يالغالي
ومحل مايخلى من هله
وعساك متهني دوم وسعيد,,وعن هل الشر بعيد.
شقراء يالغالي ,,ديرة خوال عيالي ,,ولي فيها ربع شرواك ,,ومنذ مبطي مامريت عليهم تعرف من بدا الشيخ يسوق ويودي اهله ,,
واذا مريت ابشر وان شاء الله ما تدري لو طلعنا حولكم واتصلنا .
يشرفني واعتبر العزيمه وصلت.

[الخامسي1]

كفوووو والله ياراعي اوشيقر ابو زعل
وبيض الله وجهك ووجه ابومهند على ذا اللغز المرتب مبدع ومتجدد دائماً

ولا على الحاظرين زود

دمتم بخير

[المزيدي4]

بسم الله الرحمن الرحيم
السلام عليكم ورحمة الله وبركاته
أشكرك أخي الغالي أبو مهند ولا يهون محمد
على إسناد اللغز والله يرفع قدرك ويعلي شأنك ويبيض وجهك
والمعذرة يا أبو مهند توي أدخل الآن وأشوف اللغز بسبب الانشغال
وبيض الله وجهك على كل حال والمجاراة ما تهيأت لكن نعوضك في المرات القادمة بإذن الله
وكفو والله يا أبو زعل على الحل ..

[ال-رايق]

كفوووو والله ياراعي اوشيقر ابو زعل
وبيض الله وجهك ووجه ابومهند على ذا اللغز المرتب مبدع ومتجدد دائماً

ولا على الحاظرين زود

دمتم بخير


نجدد لك الترحيب يابونايف
كما جددت الزيارة
ونشكرك على الاشادة وكيف لا وهي من واحد مثل اخونا الخامسي
تحياتي وتقديري

[ال-رايق]

بسم الله الرحمن الرحيم
السلام عليكم ورحمة الله وبركاته
أشكرك أخي الغالي أبو مهند ولا يهون محمد
على إسناد اللغز والله يرفع قدرك ويعلي شأنك ويبيض وجهك
والمعذرة يا أبو مهند توي أدخل الآن وأشوف اللغز بسبب الانشغال
وبيض الله وجهك على كل حال والمجاراة ما تهيأت لكن نعوضك في المرات القادمة بإذن الله
وكفو والله يا أبو زعل على الحل ..




ارحب يابوسعد
ومعذور
اصلا انا حطيته بوقت متأخر
وصح كلك يالغالي ولا خلا ولاعدم.
تقديري لشخصك الكريم.