اول مره بروح للقصيم

[سعــود]

السلام عليكم ورحمةالله وبركاته
اخواني في مكشات اخواني اهل القصيم بالذات طبعا مابي اطيل عليكم بالكلام تزهقون مني
نويت اروح انا وعائلتي القصيم طبعا ماقد رحت القصيم بحياتي لكم من اللي اسمعه عن التطور الحاصل فيها وكرم اهلها وحبهم للاكتشاف والتطور كل اللي ابيه منكم برنامج سياحي لمدة يوم واحد فقط طبعا يشتمل على اسواااق للعائلة تكون رخيصه مو ماركات عالميه وكلام فاضي واماكن رحلات بريه بس ومطعم زوين وشقق مناسبه بالاسعار وش الافضل سمعت ان فيه بريده وعنيزه والرس الله لايهينكم مابي خيارات كل اللي ابيه محل او محلين من كل واحد فيكم وتراه طلب ورجاء ماهو امر وهذي شرهتي عليكم يالقصمان ودمتم بود

[الاداري]

يوم واحد ما يمديك تروح به لسوق

يدلونك الاخوان

[دغيم1]

وعليكم السلام ورحمة الله وبركاته
حياك الله أخوي
يوم واحد وفي منطقة القصيم
مايصير الأفضل تبقى في بيتك
لأن القصيم تحتاج وقت طويل بل إجازة
فهناك مدن ومحافظات تحتاج إلى زيارة وهناك معالم يجب ان تقف عليها
فيوم واحد لايكفيك للطريق حتى تصل وتعود بإذن الله
راجع حساباتك لفترة أطول
تحياتي
اخوك / ابوفيصل
الرياض

[سعــود]

هلا اخواني اشكركم ع الرد ولكن انا بوصل القصيم الاربعاء وارجع الجمعه يعني ماحسبت اليوم اللي انا اوصل فيه واليوم اللي اروح فيه وبعدين انتم وش خسرانين تقولون لي لو انها ساعه وحده يمكن غيري يستفيد

[السنع كله]

اقترح ترجىء زيارتك للاجازة
ولوتسكن مع عائلة لتتعرف اكثر على انماط السلوك والعادات الطيبة ثم هم بدورهم يعرفونك على طبيعة المنطقة

[شيخ البلوله]

يهلا بالضيف هلا عين فراش والثانيه غطا

ابشر بسعدك انا من الرس وانصحك توجه لعنيزه

السكن وافر به بودل ومعروفه خدماته وهي ارقى شي

والحركان

اما الاسواق فعندك بوسط السوق مجمع عنيزه مول به اغلب الماركات

والمطاعم عندك الخيام وبابا علي وبه محل للعوائل

والمنتزهات عندك الحاجب او الغضا

مع ان منتزه الغضا به مخيمات لتاجير وبيكون يوم الخميس من اسعد ايامك ان شاء الله

واذا بغيت اي خدمه انا رهن اشارتك

[الوافي.]

يوم واحد ما يكفيك لزيارة اعظم سوق شعبي

سوق المسوكف بعنيزة

امضينا فيه يومين كاملين ولم ننتهي منه لانه كان فيه فعاليات وانشطة جماهيرية

[سعــود]

اقترح ترجىء زيارتك للاجازة
ولوتسكن مع عائلة لتتعرف اكثر على انماط السلوك والعادات الطيبة ثم هم بدورهم يعرفونك على طبيعة المنطقة

بيض الله وجهك اخوي على الرد وماقصرررررت كلامك عين العقل

[سعــود]

يهلا بالضيف هلا عين فراش والثانيه غطا

ابشر بسعدك انا من الرس وانصحك توجه لعنيزه

السكن وافر به بودل ومعروفه خدماته وهي ارقى شي

والحركان

اما الاسواق فعندك بوسط السوق مجمع عنيزه مول به اغلب الماركات

والمطاعم عندك الخيام وبابا علي وبه محل للعوائل

والمنتزهات عندك الحاجب او الغضا

مع ان منتزه الغضا به مخيمات لتاجير وبيكون يوم الخميس من اسعد ايامك ان شاء الله

واذا بغيت اي خدمه انا رهن اشارتك
اخوي شيخ البلوله عسى ربي لايحرمك الجنة ويصلح لك ذريتك يارب ردك يدل على معدنك وطيب اصلك وعساك مااملك الااني ادعيلك واقولك عسى ربي لايوريك مكروووه قل امييين

[سعــود]

يوم واحد ما يكفيك لزيارة اعظم سوق شعبي



سوق المسوكف بعنيزة



امضينا فيه يومين كاملين ولم ننتهي منه لانه كان فيه فعاليات وانشطة جماهيرية

اخوي الوافي اشكررررك من اعماق قلبي على ردك اللي اثلج صدري عسى ربي يثلج صدرك ويدخلك نعيم جناته

[اسد الطوارق]

(بريدة)

السكن
بودل وغيرها كثير جداوأنصحك بالشقق الموجودة على طريق الملك فهد او الملك خالد

الاسواق
النخيل بلازا والحسون سنتر ومبارك ستايل

التراثيات
سوق الجردة والمتحف

محلات الرحلات
السنيدي وعروق الشمال

المتنزهات والحدائق
حديقة البلدية والحضاري وحديقة الملك خالد وحديقة البصر ومنتزة الملك عبدالله (كلها تحط فرشتك وتصلح شاهي بس)

الملاهي
الحكير لاند والعثيم مول

المطاعم
فيشون وتاج محل وسينيز

(عنيزة)

السكن
وأنت تمشي تبي تلقى شقق كثير على يمينك ويسارك وأنصحك تسكن على طريق الملك عبدالعزيز وفيه عندهم فندق النخيل زين وفندق عنيزة وأسعارهن زينه

التسوق
العثيم مول والسوق القريب من مسجد ابن عثيمين

المتنزهات
فيه عدة شاليهات على طريق الدائري الغربي ومتنزهات الغضا وغيرها (كلها جنب بعض)

التراث
سوق المسوكف وبيت البسام التراثي

(الرس)

السكن
لا تتعدى شقق رامات وبس

التسوق
الرس مول

المطاعم
الميار واشاز وفيشون

الترفيه
حديقة المراجيح

[خوي السرور]

اهلا بك ضيفا كريما
في بريدة طريق الملك عبد العزيز من اقصى جنوبه الى شماله يمر بك بمدينة التمور ومعالم عديدة واسواق وبرج بريدة الشهير وشقق مفروشه وغيرها كثير

[سعــود]

(بريدة)



السكن
بودل وغيرها كثير جداوأنصحك بالشقق الموجودة على طريق الملك فهد او الملك خالد


الاسواق
النخيل بلازا والحسون سنتر ومبارك ستايل


التراثيات
سوق الجردة والمتحف


محلات الرحلات
السنيدي وعروق الشمال


المتنزهات والحدائق
حديقة البلدية والحضاري وحديقة الملك خالد وحديقة البصر ومنتزة الملك عبدالله (كلها تحط فرشتك وتصلح شاهي بس)


الملاهي
الحكير لاند والعثيم مول


المطاعم
فيشون وتاج محل وسينيز


(عنيزة)


السكن
وأنت تمشي تبي تلقى شقق كثير على يمينك ويسارك وأنصحك تسكن على طريق الملك عبدالعزيز وفيه عندهم فندق النخيل زين وفندق عنيزة وأسعارهن زينه


التسوق
العثيم مول والسوق القريب من مسجد ابن عثيمين


المتنزهات
فيه عدة شاليهات على طريق الدائري الغربي ومتنزهات الغضا وغيرها (كلها جنب بعض)


التراث
سوق المسوكف وبيت البسام التراثي


(الرس)


السكن
لا تتعدى شقق رامات وبس


التسوق
الرس مول


المطاعم
الميار واشاز وفيشون


الترفيه

حديقة المراجيح

اخوي اسد الطوارق عسى عظامك وعظام من خلفوك للجنه ياااااارب اللي ذكرت دليل سياحي كامل قمت بنسخة ووضعته في مفكرة الجوال وعساه في ميزان حسناتك يااااارب

[سعــود]

اهلا بك ضيفا كريما
في بريدة طريق الملك عبد العزيز من اقصى جنوبه الى شماله يمر بك بمدينة التمور ومعالم عديدة واسواق وبرج بريدة الشهير وشقق مفروشه وغيرها كثير
اخوي خوي السرور عسى ربي يعطيك الصحه والعافيه ماحييت واشكرك من اعماق قلبي على الرد والافاده