احد يعرف وين أحصل رز ( فوره ) ؟؟؟

[هبيس]

فيه رز قديم ايام زمان أسمه رز ( فوره ) يعرفونه الشيبان الي اعمارهم اكبر من 50 سنه

المهم الرز اعتقد مقطوع وغير موجود في السوق

كنت جالس مع الشايب والعجوز قبل كم يوم الله يطول في اعمارهم ويسولفون عن اول وجا طاري الرز

وقالوا يا حلالات برز فوره وقعدوا يتشهوون ويحتسفون

قلت ابشروا بأحاول اجيبه لكم ان الله قدرني

عاد فكرت وين ادور قلت ما لي غير الله ثم هالمنتدى ان ما عطوني العلم عز الله ما نيب لاقيه

عاد الي يخبر لي وين القاه له دعوه في ظهر الغيب وبالنسبه للسعر مستعد ادفع فيه دبل سعره الاصلي .

[M7akee]

الله يخليهم لك ويلحقك برهم

ماعندي خبر الحقيقه وان شاء الله نلقى العلم من باقي الاعضاء

[نجد العروبه]

مرحبا اذا كنت من الاحساء تلقاه متوفر بالبقالات الصغيره والمجمعات ياليتني اقدر اوصلك لكن اتمنى احد يقدر يوصلك

[مكشاتي مدني]

اخوي رز فورة تلقاة عند محلات العصيمي باسواق الربوة للخضار مخرج 14 عند الاشارة تلف يمين وشف المحلات اللي على يمينكطريق الخدمة قبل الاشارة تحصل محل العصيمي للمواد الغذائية قل لة ابي رز فورة هو اللي يوردة

[المستعين بالله]

رز الفورة المزة الاصفر عند الحمود باسواق العويس شبيه له ان ما كان هو

[Al3rands]

الله يهديك لاتقول شايب وعجوز الوالدين لهم حق عظيم واذا كنت من اهل الرياض اشارة م 14 اتجه شرق بعد مدخل سوق الخظار شف المحلات طب وتنق وعليكم بالف عافيه

[arkan-33]

قل امي وابوي او الوالدين او الغالين....لاتقول شيبان

[راعي الطعس]

الله يكتب لك الاجر

[هبيس]

الله يجزاكم الف خير ويبارك فيكم ويطول في اعماركم ويرزقكم من حيث لا تحتسبون ويصلح لكم ذرياتكم

تم شراء الارز من العصيمي ولا تتخيلون فرحتهم به وغدا ان شاء الله اوافيكم بالنتيجه بعد التجربه حيث تمت دعوه اثنين

من اصدقاء الوالد على العشاء وسيتم طبخ كبسه فوره لهم :D

بالنسبه لكلمة شايب وعجوز فأن لا اقصد بها الاهانه او التحقير او التقليل اعوذ بالله وانما هي وصف

لتقدمهما قي العمر والكلمتين وردتا في كتاب الله فشايب بمعنى ان الشيب قد غزا شعره وكلمة عجوز تدل على

معنى التقدم في العمر لا اقل ولا اكثر .

(قال رب اني وهن العظم مني واشتعل الراس شيبا ولم اكن بدعائك رب شقيا)

(الله الذي خلقكم من ضعف ثم جعل من بعد ضعف قوة ثم جعل من بعد قوة ضعفا وشيبة يخلق ما يشاء وهو العليم القدير)

(فكيف تتقون ان كفرتم يوما يجعل الولدان شيبا)

(قالت يا ويلتى االد وانا عجوز وهذا بعلي شيخا ان هذا لشيء عجيب)

[نجد العروبه]

الله يرزقك برهم ورضاهم وجعله مداخيل العافيه ولا تنسى الصور

[ياحلاة الربيع]

الله يخليهم لك ويعطيهم طولت العمر والصحه والعافيه

لا تنسى تعلمنا بالنتيجه في أنتظارك وعليكم بالعافيه

[الضباوي]

ما شاء الله تغبط على برك بوالديك الله يخليك لهم
ويرزقك بر عيالك
ويرزقنا بر والدينا فمهما عملنا لا نوفقهم حقهم