ابي رجل يعطيني راي ماهي روايات

[حطاب الشمال]

السلام عليكم ورحمة الله وبركاته وبعد
اخواني في ها المنتدى انا نويت اشتري جيب نيسان فتك وصدع راسي من النصايح واحد يقول اشتر
واحد يقول انحش عنه وتفلح كثير خرابات وخاصه في الكهربا والحراره وووووو وانا الصراحه احبه بس ابي راي من واحد مجرب وخاصه في الاعطال واحسن موديل
اتمنى القا الاجابه والعلم الاكيد منكم 0000000000000000000000 والسلام اختام والدنيا كفا الله شرها

[SAS2]

والله ما جربتة بس والله ثم والله ان خويي صدع راسة من السفاري الي معة مرة دينمو المروحة حقة المكينة ومرة دينمو مروحة المكيف

ومرة كلمته بالرياض لقيتة فاطس من الحر وحرارة المكينة H وكل ما كلمتة اقول توصي شي يقول شف هالقطعة بكم تلاقيها

وكم مرة نطلع الكتلوج حق السيارة عشان نشوف الفيوز الخربان وين مكانة

المهم انا طولتها عليك بس الزبدة الرجال لو معه دراهم كان باع سيارتة وشرا غيرها هذا كلامة والله يشهد وبالتوفيق انشالله

[حطاب الشمال]

الله يجزاك خير

[You Like Me]

وعليكم السلام ورحمه الله
والله يالغالي ان لقيت لك نظيف وممشاه حليو لا يفوتك
انا اشهد انه عز الخوي ان بغيته في راحه والا في خط والا في بر
بس اهم شي عليك بالنظيف لا تآخذ واحد مدمور شي طبيعي بتقول خرابه واجد
وان كان امورك زينه لا تآخذ الا من مديل 2006 الدفعه الثانيه وفوق
الله يوفقك وييسر امرنا وامرك

[sgl2002]

والله ياخوك لو الباترول كثير الخرابات كان ماشفت اهل القنص واهل البر واهل المدن كلهم باترولات وياكثرها

وماهو بس هنا الا بكل دولة

لكن مشكلة الباترول ماتلقى النظيف واكثرها مدموره

الباترول مشكلة الحرارة فيه لان الرديتر تلقاه مسدود وراعيه يعبيه من ماء التحلية وحايسه حوس

اهم شي اذا اخذت باترول افحص رديتره ومراوحه وطرمبة مويته وواظب ع تشييك نظام تبريده وبعدها انسى انه يحتر

الامر الثاني اي سيارة تكثر اكسسواراتها تكثر مشاكلها الكهربائية

لذلك احرص ع النوع ابو رفارف سود

وانا كلامي هذا عن تجربة طويلة بالباترولات والى الان ما اشتري غيرها وهي موتر البر الاول


لكن وين تلقا نظيف؟؟

[hsdt]

اخي اذا تبي العلم الاكيد اسئل المكنيكين تجد عندهم الخبر الاكيد

[قناص الأشهب]

هنا في هذا المنتدى قليل من يعطيك العلم الأكيد الا ما ندر لأنهم يتكلمون بعنصريه كأنهم هم اللي صنعوه
أو أنه يمدحة ولا جرب غيرة يعني مفروض أنه يجرب غيرة علشان يحكم
ولكن بعطيك وجهت نظري وعسى الله اني أوفق فيها
أولا يشهد الله علي ان موتري باترول نيسان ولا أملك غيرة
البترول موتر يطربك بكل المقاييس وأغلب خراباتة من كثر الجور اللي يجية لأنه نشيت وممتع في سواقته تخيل لو أنك تسوق موتر ثقيل نسبيا وغير نشيط أكيد بتكون راكد معه والعكس لو أنه معك موتر نشيط ومريح ووذف بتاخذ راحتك معه وبتبي تتونس وبتقنص وبتشد معه ... هذا البترول مشكلته يهيضك في السواقه
عشان كذا قليل تحصل نضيف واللي يبي ينطرب على البترول بيدفع واجد علية
ولكن شهدة لابد تذكر أشوف الاند كروزر أقل خرابات بحكم تجربتي عليه سابقا فقد أمتلكت لاند موديل 93 وأمتلكت باترول موديل 90 ولكن لن أنسى الوناسة وراحت البال مع الباترول

[حطاب الشمال]

الله يجزاكم خير

[wafian]

لا صوت يعلى على صوت الفتك بشرط النظافة

مكينه و قير و دفرنشات

قوة و راحة و طرب

اما بالنسبة للخرابات فهاذا يعتمد على السواق او على مالك السيارة

و الموتر اذا بتعطيه يعطيك و يطرب راسك

و الله يقسم لك خير

[asd112]

السلام عليكم ورحمة الله
اخوي العزيز انا واحد من الناس معي فتك 2002 رفارف سود اشتريته مستعمل ماشي 120 الف والان ماشي 278 الف ولله الحمد مثله مثل اى سيارة في الخرابات ...والصيانه مهمة جدا الان لها السيارة معي اكثر من 3 سنوات وانا سادس واحد يشتري السيارة
واول ما اشتريتها كانت تقطع ومو صافية قالت لي الشركة كمبيوتر وديتها عند واحد فاهم بمكة وراني انها كويلات والسلك فيه لسعه ويهرب كهرباء و.............
اخر الكلام طولت عليك اذا لقيت نظيف اول ما تاخذه نصيحة سوي صيانه مثلي انا الان بعد ثلاث سنوات غيرت التالي
لديتر وكالة
طرمبه موية
خراطيش
سيور
طرمبة بنزين
صفاية
والموتر ما شاء الله تبارك الله 100
اخوي الصيانه الصيانه والمحافظه
ولا يهمك الحرارة اذا الصيانة موجودة والمحافظه
ابو حسن مكة المكرمة اي استفسار انا جاهز

[تمنيتك لي]

شف ي الأممممير مآعليك من كـلآم النآس

وآنآ وأعوذ بالله من كلمة أنا بعطيك العلم آلوكــآد

آنشهد بالله العظيم ان الفتك هو الموتر هو الخوووي ومايضيمك

وأذ تبي نصيحة خذ لك من 2007 وطآلع لآن شآلو سالفة المسمار والخرابيط هذي

وآنآ من عآشقين آلفتك انا معي فتك 2007 له 5 سنوآت معي مآشكى شكى شئ

وجربت سيآرآت غيرهه بس مالقيت احسسسن منه

ماغير اغير زيوتة وقماشاته اللاشياء المهمه وخذ نصيحة أخ لخوهه لآ يفوتك الفتك أقسم بالله أنه عآلم ثآني

أن بغيته يطرب رآسك أنشهد بآلله أنه أطربك وخلآك تغني من آلونآسه بس خذ نظــــــــــــــــــــيف ونوع الـ gl اللي رفرفه أسود

وهذآ العلـــــــــــــــــــــم الوكـــــــــــــــآد مهي روآيــــــــــــآت

والله يوفقك ويحط بالخيرهه بس انت استخر وربك مآيخيب آملك