أنا من ناس عزتهم جبله

[راع الزلفي]

أنا من ناس عزتهم جبله
خلقنا الله من روس الجبالي
شموخي فوق هالسحب المطله
ونفسي ما تبي غير المعالي
اعز النفس عن زله وخله
ويرخص لاجلها حالي ومالي
أموت بعز ولا احيا في مذله
وهذا طبعنا باول وتالي
نحشم المحترم وايضا نجله
ومن يغلط ندوسه بالنعالي
ولا لاحدن علينا فضل لله
عن المخلوق طاوين الحبالي
رضينا الله ثم الدين مله
وعلى الله اعتمادي واتكالي
وهو حسبي وانا من تحت ظله
إلهن فوق كل الخلق عالي
تعالى له جميع الكون كله
ولا نعبد سواه بكل حالي

كلمات / محمد العثمان السكران

[نديم المجره]

صح لسان الشاعر
ويعطيك العافيه
تحياتي

[بن عويف]

صح لسان الشاعر
واعتلا شانك يا راع الزلفي
وقصيده وافيه وجزله
ولاهنت

[يوسف الخليفة1]

حياك الله أخي الفاضل راع الزلفي

هل القصيدة لك

[راع الزلفي]

صح لسان الشاعر

ويعطيك العافيه

تحياتي

صح بدنك يا العريفي

[راع الزلفي]

صح لسان الشاعر
واعتلا شانك يا راع الزلفي
وقصيده وافيه وجزله
ولاهنت

صح بدنك يابن عويف
ولا هان ذوقك

[راع الزلفي]

حياك الله أخي الفاضل راع الزلفي




هل القصيدة لك


الله يحيييك يا أستاذي
وللمرة الثانية نعم القصيدة لي: (راع الزلفي=محمد العثمان السكران)

[نديم المجره]

الله يحيييك يا أستاذي


وللمرة الثانية نعم القصيدة لي: (راع الزلفي=محمد العثمان السكران)




طيب وشفيك معصب (ماتنلام)
بس ترى المشرف ينسى من كثر المواضيع
وانت اسلوبك يحسس الواحد ان القصيده منقوله وكذلك شعرك من جزالته يعتقد من يقراءه انه لاحد الشعراء القداما لانه من وجهة نظري يشابه شعر ابن سبيل وابن لعبون وابن رشيد (لا تنغر علينا)
ولو وضعت لقبك بين()خلف او تحت الاسم الصريح كان اتضحت الصوره اكثر
محمد العثمان السكران
(راعي الزلفي)
الله يسعدك
تحياتي

[راع الزلفي]

ياحبي لك يانديم المجرَّة..
وأبشرررر بس الاستاذ يوسف بيني وبينه هالبيتين وهو حلال الغاز..

العود كان صويحبن لي مخاويه
وقضَّى معه عامين واقفت مطاياه
وخلاه لي يايوسف اتعب والاويه
واصبحت راع العود غالي عطاياه
يالله عساها ماتخيّب هقاويه
وتزيد حسناته وتمحى خطاياه