مرّ القراين يامسافر لشقراء(جديد) .............. حله ( المزيدي ) . الحل ( قاع ثرمدا )

[ال-رايق]

السلام عليكم ورحمة الله وبركاته
أبد,, مافيه الا سلامتكم
أنحن :D فاقدين ابو صالح وطرى علينا بهاللغز ..والرمع لكم جميعا لاعدمناكم.

مرّ القراين!! يامسافر لشقراء=وبلّغ ابو صالح جزيل السلامي
ثم اسأله عن حال هو فيه أدرا=عساه في حال تمام التمامي
حن نلتمس لغيابه اليوم عذرا=وان طال لا والله فيها كلامي
ثم اساله عن رجل من حول عذرا=في عكسه أزعل والده والعمامي
والعذرا متوسط بها حروف قشرا=مرض ومعروف اذا صار دامي



***توضيح***
مثل ماتقولون(شعيب الحيسية)هذا المطلوب
وسلامة الجميع
أخوكــــــم/ال-رايق
مكشات/خيمة الألغاز

[ابو اسامه 2]

وعليكم السلام ورحمة الله وبركاته

صح لسانك ملايين يا ابو مهند ولا يهون محمد



ابو الشبرميات يستاهل

وانت كفو وبيض الله وجهك على السؤال

جاري التفكير في هذه الرائعه

تحياتي لك

[صقر السديرات]

وعليكم السلام ورحمة الله وبركاته



صح لسانك ملايين يا ابو مهند ولا يهون محمد




ابو الشبرميات يستاهل


وانت كفو وبيض الله وجهك على السؤال


جاري التفكير في هذه الرائعه



تحياتي لك


ابو اسامة الحمد لله على سلامتك
فين الناس يا راجل
من طول الغيبات جاب الغنايم
اتمنى تكون بصحة ممتازة
دمت بخير

[ال-رايق]

وعليكم السلام ورحمة الله وبركاته

صح لسانك ملايين يا ابو مهند ولا يهون محمد



ابو الشبرميات يستاهل

وانت كفو وبيض الله وجهك على السؤال

جاري التفكير في هذه الرائعه

تحياتي لك



تسلم انت يالذيذ
وماشاء الله ملاحظ بالدرجة الاولى ودرجة الاعمال -ولايهون محمد -ههههههههه
ذكرتني بالصورتين اللي انت كنت حاطهن بعد ان وصلت من سفرتك الاخيره..حيرتني مدري اي منهما انت عشان اقعد افكر فيك (اللهم مانيب صائم).
لاتزعل الكلمة الاخيرة قايلها واحد غالي وتعرفه.هو اللي معلمني
تحياتي يامشرفنا الغالي/ابواسامه
(ويلكم هووم):D:good2:

[صقر السديرات]

صح لسانك ابو مهند
واصل ابن اجواد
اصيل يا ابو مهند
والله انا سا جين عن ابو الشبرميات
الله يكفينا شر الدنيا لكنك كفيت ووفيت الله يجزاك الجنة
ويرد ابو الشبرميات صحيحا معافى
من طرف الرمعات وسع صدرك
شعيب العصل
العذراء النفود
وفي وسطه صل
لاتكلف نفسك
انا في راس مشراف عسير المنالي
دمت متفقدا لاصحابك

[ناصر العلي]

وعليكم السلام ورحمة الله وبركاته
سلمت ياأبومهند
وصح لسانك
وماهي غريبة منك يالغالي نشدك عن ربعك
وأبوصالح غالي ومثله ينفقد
وشكله طاح بخيمة السواليف
تحياتي يالغالي

[ال-رايق]

صح لسانك ابو مهند
واصل ابن اجواد
اصيل يا ابو مهند
والله انا سا جين عن ابو الشبرميات
الله يكفينا شر الدنيا لكنك كفيت ووفيت الله يجزاك الجنة
ويرد ابو الشبرميات صحيحا معافى
من طرف الرمعات وسع صدرك
شعيب العصل
العذراء النفود
وفي وسطه صل
لاتكلف نفسك
انا في راس مشراف عسير المنالي
دمت متفقدا لاصحابك

هههههههههههههههه
وينك يابو علي ولا يهونون الاخوان
صديقك في راس مشراف عسير المنالي
حلوووووووووووووووووووووووووووووه
والله اني ضحكت من قلب الله يوسع صدرك بالعويفيه يابو فيصل
تعيش وتسلم
دمت مدخلا البهجة في صدورنا

[ال-رايق]

وعليكم السلام ورحمة الله وبركاته
سلمت ياأبومهند
وصح لسانك
وماهي غريبة منك يالغالي نشدك عن ربعك
وأبوصالح غالي ومثله ينفقد
وشكله طاح بخيمة السواليف
تحياتي يالغالي


تسلم والله حي اخيي الغالي/ابوعلي
وصح بدنك
وصدقت يمكن بالخيمة..لكن
أفى على غيرك
فلقد طقّست ودورت والسوافي واجد من البطى جعله مايبطي ولا انتم.
وذيب الفقارة(مدير المدراء)يدري بحكم تواجده
والله يمسيك بالخير ياخونا/ذيب الفقارة.
تحياتي للجميع

[المزيدي4]

الليل رايق والقمر فيه بدرا
لا فيه لا غيمٍ ولا به غمامي
يبان فيه الشاعر اللي يطرا
أبو مهند أقصده بالكلامي
شاعر جزل شعره تقولون دُرا
وليا رمع رمعه شبيه السهامي
ينشد عن اللي غاب من غير شرا
بو صالح اللي له جزيل احترمي
عساه يذكرنا ويومٍ يمرا
على إخوانه لو يرد السلامي
من بعدها نرمع وبالرمع سرا
(قاع القويرة) ما اعرفه بالتمامي

[حمد؟؟]

وعليكم السلام ورحمة الله وبركاته
حي الله الشيخ ابو مهند
ان شاء الله طيب
والرمعه
ممكن
قاع الجمجمه

[ال-رايق]

الليل رايق والقمر فيه بدرا
لا فيه لا غيمٍ ولا به غمامي
يبان فيه الشاعر اللي يطرا
أبو مهند أقصده بالكلامي
شاعر جزل شعره تقولون دُرا
وليا رمع رمعه شبيه السهامي
ينشد عن اللي غاب من غير شرا
بو صالح اللي له جزيل احترمي
عساه يذكرنا ويومٍ يمرا
على إخوانه لو يرد السلامي
من بعدها نرمع وبالرمع سرا
(قاع القويرة) ما اعرفه بالتمامي


حي الله اللي لاغدا الليل مسرى=يطرب عميله مثل بدر الظلامي
شاعر معاني نظم ماهيب نثرا=مثل الجواهر في عيون الأنامي
أسج مع شعر يقوله وانا اقرأ=خطر أتوه وكنّي صاحب غرامي
له السلام اعداد زرفال حمرا=تبرى لها جرة ورود هيامي
والنصف الاول جابه اللي مضرا=بالطيب من نسل الخيار الكرامي
=========باقي اسم العذرا يابو سعد/وتسلم على كل حال=======

[ال-رايق]

وعليكم السلام ورحمة الله وبركاته
حي الله الشيخ ابو مهند
ان شاء الله طيب
والرمعه
ممكن
قاع الجمجمه


ياهلا وغلا بالغلا كله
البدر مثل ماقال ابو سعد اللي والله انه مقدي يوم رحب فيك بلغزه
والحمدلله على السلامه
وترى فيه نظام جديد صار بعدك وهو تطبيق حب اهل القصب(يقولون حب اهل القصب طق)
والمفروض نقيم عليك هذا الحد..لغيابك اللي نتمنى انه في صالحك وانك تكون بخير .
وصح بدنك
والرمعه مثل ابو سعد جيبوا اسم العذراء والتوضيح والله بالابيات.
تحياتي

[المزيدي4]

طيب يا أبو مهند
نرمع ونقول :
قاع ثرمداء
http://www.mekshat.com/vb/showthread.php?t=480471
وإن شاء الله تكون حول الإجابة
والا حول الضلع عشان نتبنقه من قريّب

وتراي مع حبي لنجد وأهلها إلا أني ما أعرف كثير من معالمها

[ال-رايق]

طيب يا أبو مهند
نرمع ونقول :
قاع ثرمداء
http://www.mekshat.com/vb/showthread.php?t=480471
وإن شاء الله تكون حول الإجابة
والا حول الضلع عشان نتبنقه من قريّب

وتراي مع حبي لنجد وأهلها إلا أني ما أعرف كثير من معالمها





كفو وانشهد انك تستاهل البيرق
البواردي/أبو سعد
الحل/قاع ثرمدا
التوضيح /
الله لايهينه أبو سعد =ضيف وجاب المعاميل بالرابط.
عكس مزعل ابوه وعمانه=عاق(قاع)
عذرا وسطها مرض دامي(رمد)والرمد اذا طال ادمى العين.
تحياتي للجميع
وماشاء الله عليك نتفته ,,وانت رب المنزل ما انت ضيف وقبل ارحب فيك يرحبون فيك اهلها والغانمين شرواك ...والقاع هذا ماتلقى مكان فيه وقت الربيع وياسرع مايزين ..وله فرق عن الخد اللي حوله.
وتسلم

[الخامسي1]

يارمعةً كتبت مع الرد خضرا .... دار العناقر ومن سكنها كرامي

جابك كفوو ابوسعد دون صبرا ... ثم قدمك لابومهند حزامي




كفوو بالجميع وبيض الله وجيكهم والحاظرين

[المزيدي4]

كفو وانشهد انك تستاهل البيرق
البواردي/أبو سعد
الحل/قاع ثرمدا
التوضيح /
الله لايهينه أبو سعد =ضيف وجاب المعاميل بالرابط.
عكس مزعل ابوه وعمانه=عاق(قاع)
عذرا وسطها مرض دامي(رمد)والرمد اذا طال ادمى العين.
تحياتي للجميع
وماشاء الله عليك نتفته ,,وانت رب المنزل ما انت ضيف وقبل ارحب فيك يرحبون فيك اهلها والغانمين شرواك ...والقاع هذا ماتلقى مكان فيه وقت الربيع وياسرع مايزين ..وله فرق عن الخد اللي حوله.
وتسلم




كفوك الطيب يا أبو مهند الله يبيض وجهك
وأنت تستحق وسام التميز في كل علم طيب
وترحيبك بي يدل على كرم أخلاقك ومعدنك الأصيل

والله يجيب الوسمي والربيع وتزين كل الديار
وتنشرح الصدور

[المزيدي4]

يارمعةً كتبت مع الرد خضرا .... دار العناقر ومن سكنها كرامي

جابك كفوو ابوسعد دون صبرا ... ثم قدمك لابومهند حزامي




كفوو بالجميع وبيض الله وجيكهم والحاظرين


مشكور ياللي شفته اليوم مرا
وسجل لنا بيتين تروي الظوامي
الكفو له ويجار من كل شرا
حيثه كريم من قروم كرامي