يا تشوفون حل للباترول وإلا إشتروه

[abu sadem]

مسااكم الله بالخير

يا الربع المووتر علني وجاب لي الهم
باترول 94
أول ما شريته كان مهوب صافي

فتحنا الكلبليتر قالوا لازم يتغير ورايح فيها
وعندك فضاوه بالديلكو
غيرت الكلبليتر بواحد جديد ايدل بروك 600 رياضي
الديلكو شريت واحد مستعمل مافيه فضاوه
كويل و شاكوش وبويبينه و بليتين وبواجئ واسلاك بواجئ وسلك السالب كللللش جدييد


الموتر الحين صافي لكن تسمع عند الشكمان بق بق بق
تحس كهربته فيها مشكله بس مدري وينها
الريس مهوب ثابت يلعب ما بين آل 800 والواحد
أصلا صوت الموتر يرتفع وينزل من نفسه
علئ خفيف تسمعه
واذأ طفيت يتنافض مع أن وزن الديلكو سويته خمسين مره والى الحين ما ضبط


إشب فيه وألا شسوي ؟

[escape_man]

يمكن مشكلته زيادة هواء ... حاول تنقص عليه بالميزانية الي بالكلبريتر
تنقيص بسيط وجرب موترك بعد كل مره.

استغرابي من الريس .. كيف يرتفع وينزل وهو كلبريتر ومافيه ظفيرة وحساسات هواء.

[abu sadem]

وبعد فلتر البنزين غيرته

المهم أني. غيرت إشياء واجد وعيا لا يضبط
الموتر. عليه مرواح سوباروا

ناس يقولون يمكن الدنمو ضعيف ومسبب لك هالمشكله
وناس تقول غير الديلكو.

ولا أدري ؤش نهايته

[abu sadem]

أنا. قصدي من الريس. اللي هو إلأر بي أم

عداد الضغط يرتفع وينزل

[sgl2002]

اللي يقول الدينمو ضعيف فانت رح لاي كهربائي وقله ابي اقيس شحن الدينمو

اذا كان اقل من ١١ ففيه مشكلة


البقبقه اللي بالشكمان طبيعية جدا بالسيارات الكلبريتر وخصوصا الددسن والباترول

ارتفاع الضغط ولعب الهواء اتوقع انه من الكلبريتر لانه ماهو حق بلاده

والارتفاع والنزول هذي سببها كمية الهواء والبنزين ماهي مضبوطه صح

فتلقى البنزين يزيد فيزيد معه الهواء فيرتفع العداد

والعكس


في النهاية دام الموتر لا يقطع ولا يتفتف
فخله كذا احسن والا اشتر كلبريتر وكالة

[ls1.5700]

موترك يحتاج وزنة هوى
تحصل مسمارين بجنب الكبليتر مسمار رفع السرعه
ومسمار وزنية هوى وديه للمكانيكي وخليه يازنه مضبوط
مسمار الهوى هو المسؤل عن وزن خلط الهوى والبانزين

[الإستراتيجي]

شريت راح بـ 12 :good2:

[abu sadem]

بيض الله وجيهكم وماقصرتوا جاري وزن الهوا ونشوف


الاستراتيجي هههههه ما تصدق خبر ها

[العطاوي a511]

فحصت كمبيوتر ولا لا

[ابو فله]

أوزن الديلكو مضبوط والبليتين كذلك

[الإستراتيجي]

بيض الله وجيهكم وماقصرتوا جاري وزن الهوا ونشوف


الاستراتيجي هههههه ما تصدق خبر ها


هههههههههه طيب طيب الله يوفقك


شوف جرب تصور لي الكويل والثلاجة إلي فوقه البيضاااا


وعطني الصورة

[الخلاوي 15]

استغرب من الي يقول الكبليتر ماله ظفيره !

لا الكبليتر له ظفيره .. تأكد من الظفيره واسلاكها نصيحه

لأنها قد صارت معي وشكرا

[الزامل الاول]

هذا والله اعلم المسأله كلها ميزانيات وهي 1-كلبليتر 2ديلكو الموتر غير صافي

لاكن يجب وزنه عند شخص فاهم للوزنيات وحبذا ان يكون سعودي
بالتوفيق

[خبايا انسان]

اخوي انا حالتي كانت مثلك بالضبط ,,

نظفت الكربريتور وغيرت الفلتر وزينت البواجي وسويت تصفية شاااملة وكاملة للمكينه ,, لاكن بقى ال ( بق بق بق ) الي مع الشكمان نفس حالتك !


خذ العلم مني ركبت ديلكوا الكتروني والصفاوة صارت 100% بالاضافه الى تغيير في عزم السيارة الى الاحسن + صرفية بنزين اقل ,, والله اعلم

[escape_man]

استغرب من الي يقول الكبليتر ماله ظفيره !

لا الكبليتر له ظفيره .. تأكد من الظفيره واسلاكها نصيحه

لأنها قد صارت معي وشكرا

الكلبريتر مافيه حساسات ولا وزن اليكتروني وكل الوزنيات يدوية فلذلك مايحتاج ظفيرة الي هي من المفترض ان تكون واصلة لكمبيوتر السيارة.

اذا شفت كلبريتر واصل فيه سلك كهرباء فهذي مو ظفيرة. غالبا يكون كهرباء لسخان الكلبريتر عن التشغيل الصباحي.

[عبدالرحمن السالم]

8
قادددمك منين طلعت ههههه

/

اذا تبي تريح راسك ركب مثل هذا
http://www.mekshat.com/vb/showthread.php?t=401684 (http://www.mekshat.com/vb/showthread.php?t=401684)

انا ماجربته ولا اعرف الرجال ولا بيني وبينه شى ، بس من ردود إلى ركبوه يمدحونه وارتاحو من الديكلو والكلبريتر وحوسته

موفق خير

[المسروحي]

اللي يقول الدينمو ضعيف فانت رح لاي كهربائي وقله ابي اقيس شحن الدينمو

اذا كان اقل من ١١ ففيه مشكلة


البقبقه اللي بالشكمان طبيعية جدا بالسيارات الكلبريتر وخصوصا الددسن والباترول

ارتفاع الضغط ولعب الهواء اتوقع انه من الكلبريتر لانه ماهو حق بلاده

والارتفاع والنزول هذي سببها كمية الهواء والبنزين ماهي مضبوطه صح

فتلقى البنزين يزيد فيزيد معه الهواء فيرتفع العداد

والعكس


في النهاية دام الموتر لا يقطع ولا يتفتف
فخله كذا احسن والا اشتر كلبريتر وكالة


كلام الأخ.. sgl2002
100%

[الإستراتيجي]

هههههههههه طيب طيب الله يوفقك


شوف جرب تصور لي الكويل والثلاجة إلي فوقه البيضاااا


وعطني الصورة


أخوي بعطيك العلم الوكاد حتى ما تقعد تجرب في الموتر

الثلاجة إلي تجي فوق الكويل بالعادة تكون بها المشكلة لما تشتري قطعة ماهي من الوكالة


الأمر الثاني الكويل بالعادة بعضها يعطيك الشرارة ضعيفة لو تكون أسلاك البواجي عندك سلك عادي أفصل واحد وروح منطقة مظلمة بالحيل يعني ظلام دامس أفصل وقربه من البوجي او من قطعة حديد بس أنتبه يدك لا يلفط بك

لو كان الشرارة لونها أزرق فهذا ممتاز وتوكل على الله الكويل والثلاجة ممتازة

ولو كان الكهرب أو الشرارة لونها أحمر أو قريب البرتقال أو زي هذه الدرجة فهو ضعيف وتحتاج تفحص كهرب الموتر

ويوم أقول صورها بالعادة تجي واضحه بس يالله توكل على الله وجرب الطريقة

بعد هذه الطريقة جرب

تروح محل وهي تجيها الحالة جرب تشغل جهاز الشرارة على الحذاف إلي هو في مقدمة المكينة والميكانيكي يعرف هذه الشغلة

شوف الشرارة هل هي موزونة صح على السنتر

إن كانها غير موزونه فجرب أوزنها صح وإن كانها صح فتأكد هل هي تنزل وترقى ولا ثابته

وحاول تشيك عليها فترة إلي يجيها الزود والنقص


لما تكون تتغير فهذه دلالة أن مكينتك فيها مشكلة بين العمور الكرنك وعمود التيمن والعادة يكون السبب من السير الداخلي (( الجنزير )) أو من الرأس نفسه فيه مشكلة

بس لما تقول أنه ما يشكي إلا من هذه المشكلة وتشغيل الموتر ممتاز يعني من تشغله يشتغل

ومن تنقر الموتر يشتغل

أقول الرأس حق المكينة زين

ولو ما تشكي من حرارة ولا تفتفه أقول زين الرأس ولا تشكي من تقطيع أثناء أول التشغيل الصباح الباكر هذه الأيام أقول كل حاجة ممتازة :good2:


ولو كان ما فيه مشاكل من هالأمرين فيبقى أن إضافاتك سببت مشكلة


فأعتقد لو تسوي بطارية إضافية وتجعل مراوح موترك على البطارية الإضافية يكون أحسن لك

فتسلم من مشلكة المراوح

وهل تبتل المشكلة ولا أثناء إشتغال المراوح ممكن سببها قوة المروحة

وملاحظة مهمه ممكن أنها هي إلي تسبب المشاكل حاول تفصلها مؤقتا تجرب وتشوف :good2:

يعني تفصلها أثناء التفتفه وتشوف لو راحت المشكلة فأعتمد بطارية إضافية أو أختبر الدينمو وقوته

وحتى لو كان ممتاز يبقى أن الإضافات ترهقه لأنه موزون على مستوى معين وأنت أوجدت إضافات أخرى :good:


أتمنى أني أفتدتك

[THE KILLER]

الله اعلم ان كان عندي موتر كان يطلع صوت بق بق بق بق وهي بخاخات من عند الشكماااان
وكانت المشكلة وزن بلووف وزنتها وصارت ممتازة

اذا كل شيء موزون عند كربريتر وهواء او تقيس شحن الدينمو مثل ماقلولك
اخر شيء شيك على البلوف هل يحتاج وزن او لا