شريت شيروكي وانا ماعرف به شي (( بلشت في شروكي )

[القلب المحروم]

السلام عليكم وبعد
شريت من اسبوع شيروكي ربع قير عادي 2000 والغريب طبلونه بس انبير السرعه والبنزين ((وانا جديد على عالم الجيوب بس ظروف العمل والتعيين الجديد في البر ))


والاشياء اللي قالي الفحص كثيرة واهمها :

1- انه يبي له دزق كلتش وصعب تعشيقه ولازم تنزل قير وتغير كرسي اذا نزل:mad:
2- الحرارة نار :f حتى ابفتح كبوته مره ماقدرت ومدري وش الحل فيها ناس قالو لي سوباروا وبلف مرسدس وحساس كابرس (( وقالي واحد ركب انبير فكيف اركبه ))
3- وش أفضل زيت مكينه لاني ودي اغيره وهل للدبل زيت
4- والمكيف مايشتغل مادري وش سالفته
5- تنديه من صوفه المكينه الخلفيه ودوة الدركسون ( خفيف ) هل ابادر بها او اصبر

وأشياء اخرى بس ذكرت المهم
هل تعرفون لي ورشة تضبط لي ذولي الاشياء بالرياض
لاني امشي فيه يوميا 130كم رايح ومثلها جاي =260 ومنها 40 كم بر:s

ساعدوني تكفون وكم تكلف الاشياء كلها مع القطع والشغل النظيف

انتظركم اخوكم القلب المحروم ( 0555108231 ) بعد إذن الادارة




شكرا

[manaf]

الكرامة وبس رجال تحطة على الجرح يبرا ماقد دخلت سيارتي عندة ورجعت له مرتن ثانية ونصوح ويعلمك الصحيح لا لف ولا دوران وسعرة حليو

[MANSOR QATAR]

والله ياخوي نصيحتي لك بيعه وافتك منه
وشوف لك موتر غيره
واهم شي يكون ياباني

[عبقري91]

الله يوفقك
لاتصلح بع مراح تخلص مشاكله
هذا طبعه
بيعلك لين تخسر الي وراك ودونك
ولا يعتمد عليه بلمناطق البعيده
هو يطرب لاكن علته خرباته
وياكثر الي اشتكو
منه

[القلب المحروم]

طيب وين القى ساعة الحرارة لاني ابولف له وبكم

[متقاعد مبكر]

خذ له ساعة حراره امريكي تحصلها عند اي قطع غيار وقيمتها 50 ريال

[salih100]

هو اذا ارتفعت حرارته ولعت لمبه في الطبلون وعليها رمز الF موب لازم تركب امبير بس غير حساس مرسدس للحراره وركب مروحه ثانيه مع المكيف والله يعينك ع ختلاته

[شرق المغيب]

نصيحتي لك بيعة مع البراد الناس تدور الجيوب في هذه الايام

لايمر الشتاء وانت مابعته

ماينفع الشيروكي استخدام

[qwertyu987]

المشكله ماهي في الشروكي , المشكله في اللي يروح المعارض يدور سيارة برخص التراب ومهربده وتهريب زيوت ومكروفه وياخذها بأقل سعر , ويقول الحقوني إبتلشت في الشروكي .

وسامحني اذا زعلتك

[hightech]

كثير من الاخوان شاروا عليك تبيعة وانا اضم صوتي معهم وانصحك تبيعة لان الشروكي

يبغالها واحد هاوي ورش وصناعيات وشقى وغثا مثلي سابقا

بعه قبل مايبيعك مالك ومال وجع الراس واذا مصمل رح الفلبيني نستور في شارع بندر

وافتح ملف والله يعينك ويوفقك

[انسان مو بسيط]

على كلامك دا ياخوي بيع احسن كل هاالتصليح يكلفك واجد غير وجع الراس
وترى الشروكي موتر انا مجربه 4 سنوات موديل 99 ما في مثله بس اهم شي تاخد موتر حي
تحياتي

[ابومتعب7541]

ياخوي انا قبلك استخدمت شيروكي موديل 2000واستخدمت شيروكي 2002 اذا تبي نصيحتي وشوري ابعد عنه تراه ابو الختلات كل ماتصلح عله تطلع الثانيه وبالنسبه للحراره والله لو ترجعه شد بلد مافيه فايده . بس برضو ما أنكر انه جبار في المراقي والطعوس . لاكن يعيبه خراباته وقطعه الغاليه هذا انا بعته وشريت باثفندر 2005 ماشاء الله عليه يازينه . لاتتردد في بيعته في وقت الشتاء . وسلامتك

[القلب المحروم]

جزاكم الله خير على النصيحه بس خلاص تدبست به وكان على قد دراهمي وقتها
طيب عندي شيئين
1- ابغا طبلون سعودي 6 انبيرات للشروكي تعبت بالتشليح وما لقيت

2- طيب من يعرف لي احد يضبط لي الكلتش والقير بالرياض غير المطويع لانه غالي
وكرامه ماعنده وقت ((ياحبذا شرق الرياض))