الساكتون النارية الروسية والبرنو والبرازيلية.....

[chevy 1989]

السلام عليكم ورحمة الله وبركاتة
اخواني حبيت اسالكم عن السكتون الناري لاني ان شاء الله باشتري وحدة
انا بغيت اللي توصل مسافات وصوتها خفيف وش تنصحوني فيه وسلامتكم

[v506]

البرازيليه سوقها ضعييف لاكن حاره في الرمي
البرنو تسوق ودقيقه وسمعتها طيبه
الروسيه حلوه ولهيب شينه وتقضي اللزوم ونص

لاكن البرنو أطيبهن وأغلاهن

[chevy 1989]

مشكور اخوي v506 لكن
هل البرنو صوتها عند الطلق قوي ولا خفيف
انا بغيت بس اللي صوتها مو قوي افيدوني وجزاكم الله خير

[chevy 1989]

سبحان الله وبحمده

[ابوعاشة]

اخوي الصوت على الرصاص فيه انوع من الرصاص صوته خافت وفيه العكس الصوت ماله دخل بالسلاح

[.أبوعبدالله.]

عليك بالبرنو ... تراها تبيض الوجه

من واقع تجربة



والربع ان شاء الله يفيدونك أكثر

[مدمن مررقوق]

ان كانك تبي الصوت الخفيف خذ لك فشق ايلي الابيض او الاخضر صوته خفيف اما نوع الخرازه ما يفرق

[chevy 1989]

هههه انا احسب نوع الخرازة مشكورين اخواني وبيض الله وجيهكم

[محمد آل سيف]

شباب تكفون
الي عنده برنو للبيع
يراسلني
انا صاااااامل وادور وحده من فتره
0550024249

[قاهر البدن]

ربي يرزقكم الاجميع

[الصارم66]

اخذ لك برازيليه وركب عليها دربيل قولد ايجل كلها تطلع عليك ب4500
ورايح تدعي لي انا مرجب البرازيليه وتطلق الوجه فيها عذروب واحد وهو في كل
البنادق التماتيك كل وقت يبيلها تنضيف عشان ماتردف
البرنو طيبه ولكنه اسعارها خياليه
وسلامتك

[نايف العلي]

افادوك الرجال بيض الله وجيههم

[نايف العلي]

ياااخوان اسعد الله صباحكم او مساكم عندي قوس وسهم امريكي جديد حجمه f6 مموه الون اللي له رغبه يتصل برقمي بعد اذن الاداره 0533360258 طبعا لاحد يسال عن المسافات والله شي مو طبيعي عندي اثنين منه استخدام شخصي واحد للبيع

[أبوحفص1]

ممكن صورة له
وكم حدك فيه

[الشقردي 205]

الساكتون الروسيه تولا ممتازه وتقضي لزومك مافيها قصور ..


والبرنو اكيد شيخة السكاتين الناريه لكن سعرها غالي ..

[ابوسعد 2011]

اخوي كل الخرازات تقضي اللزوم والبرنو سمعة على الفاضي عادية جدآ افضل الخرازات اللماني و الامريكي في الجودة و المتانة ولايهمك اذا قالو شيخة و ماشيخة هذي دعايات من اشخاص ماجربو الى نوع واحد فقط اي شيخة وهي كان سعرها قبل 4 سنين ب الفين و اللمانية في نفس السنة ب 12 الف وابشرك اللماني سعر 10 الاف من اكثر من 10 سنين ولك الاختيار وهذي وجهة نظري لايزعل احد

[قناص عمان 007]

معاك قناص عمان أنا شاري برنو 98 وما شاء الله وحش اللهم لا حسد

[ابوسعد 2011]

اخوي قناص قسم با الله اني شاريها شبة جديدة موديل 97 ب 900 ريال قبل خمس سنين و رجال من معارفي في نفس السنة شاري المانية كريكو مستعملة ب 10500 ريال وش رايك وش الاغلى من سنين عشان جودتة مهوب خجم البرنو تباع ب 7 الاف هههههه اشتري اي خرازة سعرها معقول وغير مبالغ فية واقنص بها وصلى الله وبارك على نبينا محمد بلا برنو بلا اسعار فلكية :)

[chevy 1989]

مشكورين اخواني وما قصرتم ولكم مني جزيل الشكر

[E Teacher]

برنو ولا غير البرنو
مع احترامي لجميع وجهات النظر من الأخوه الأعضاء

[ابونجم 1]

اخوي قناص قسم با الله اني شاريها شبة جديدة موديل 97 ب 900 ريال قبل خمس سنين و رجال من معارفي في نفس السنة شاري المانية كريكو مستعملة ب 10500 ريال وش رايك وش الاغلى من سنين عشان جودتة مهوب خجم البرنو تباع ب 7 الاف هههههه اشتري اي خرازة سعرها معقول وغير مبالغ فية واقنص بها وصلى الله وبارك على نبينا محمد بلا برنو بلا اسعار فلكية :)

السلام عليكم
اخي الغالي ابوسعد مع احترامي لرايك ولكن بقولك شي قبل خمس سنين تقريبا وأكثر من كذا بشوي تو ورود البرنو وجات نوعين صناعة التشيك وصناعة جنوب افريقيا (وكلهن طيباتن مافيهن كلام ),وشي طبيعي بيكون سعرها رخيص لأن توها جايه وما جربوها الناس فلذلك الناس كانت متخوفه منها , وكانت الألمانيه ام خده هي الدارجه وماخذه السمعه كلها وماكله الجو على غيرها مثل الأمريكيه مثلا ,
واول ماجات البرنو الناس قالوا عنها انها ماتسوى وان الضرّاب حقها تعبان وانه يخرب بسرعه , ولكن بعد ماجربوها الناس , أثبتت جدارتها بكل المقاييس , وعلى فكره والله اني شاريها بـ 800 ريال بكيسها جديده بقراطيسها , وشريتها بـ 1200 ريال بعد ذلك وشريتها بعدها 3400 وبغيت اشتريها بـ 4000 ورفض راعيها بعد ماعطاني البيعه والله يرزق الجميع ,
المقصد وانا اخوك ان انخفاض سعرها اول ماوردت مايعني انها رديه بالعكس هذا شي طبيعي .
زانا ماأذم الألمانيه الألمانيه طيبه ولكن يعيبها الثقل لأن حديده ثقيل جدا ولكن البرنو خفيفه وراكده وماأذكر انها قد تعطلت عند أحد من وردت الا وحده عينتها عند واحد من الشباب لقيتها مالها قفل منكسر الظاهر .
وللمعلوميه انا أتكلم من واقع تجربه ,جربت البرنو ام خمس التشيكية والجنوب افريقيه وكلها وزنتها وحده على رقم 25 الا وحده عينت وزنتها غلى 50 , وجربت الأمريكية ام 16 اللي تعبا من مجرى لها تحت رقبيتها وهي تجي تماتيك وبصراحه ماهي بذاك الزود وأكبر مشكله ماكل فشق يصلحلها ولازم تنظيف مستمر ودايم تقطع بالفشقه, وجربت الألمانية ام خده ام خمس وطيبه لكن حديدها ثقيل وماهي بركادة البرنو وأكيد الوزن له دوره , وجربت الألمانيه ام عشر ولها سعفه مثل ام خمس ولكنها تماتيك ولاهي بشينه لكن مشكلتها نفس الأمريكيه التماتيك , وجربت الماقنم الأمريكيه القصيره ونفس مستوى الأمريكيه ام 16 ,,,,
وعلى فكره تراني والله أدور البرنو ولاتقول اني أمدحها علشان عندي , لا والله اني ادورها لي فتره ونعم انا معك ان سعرها مبالغ فيه مثلها مثل غيرها من السلاح هالأيام
ولك فائق احترامي وتقديري