اهل الجيوب لاهنتوا أفيدوني ولكم دعوة بالخفا

[قناص مهداوي]

جيب gx 97 كبريتر افضل بانزين 91 او 95 لاهنتوا

والزيت اللي على الأقمشة والهوبات قدام وش السبب منهو

[ابو فيصل 99]

البانزين انا افضل 95
والزيت اما من الصوفه حقت الدفرنش او من الاصلاح حق البريك

[قناص مهداوي]

البانزين انا افضل 95
والزيت اما من الصوفه حقت الدفرنش او من الاصلاح حق البريك

اخوي ابو فيصل كيف الصوفه حقت الدفرنس وش جابها عند الكفرة

[الإستراتيجي]

البنزين الأفضل دائما 95 لعملية أحتراق أسرع


الزيت إلي تشوفه تحصل مجتمع زي الشحم ولا زيت خفيف جدا

والفرامل يجي فيها هوااء وينقص زيتها ؟

ممكن من الدفرنس من الركبة حقته

لأن بعض الجيوب تجي عكوس ومقصات

وبعضها تجي ركبة ودفرنس كامل للكفر

[ابو فيصل 99]

اخوي ابو فيصل كيف الصوفه حقت الدفرنس وش جابها عند الكفرة
رح لااقرب مكانيكي خله يشوف الزيت صارت معي قبل كذا
وخله يفحص لك الرمان الامامي حق الدفرنس مهم جدا

[قناص مهداوي]

يالله ترزقهم بالجنه حنا وجميع مسلم

[قناص مهداوي]

البنزين الأفضل دائما 95 لعملية أحتراق أسرع


الزيت إلي تشوفه تحصل مجتمع زي الشحم ولا زيت خفيف جدا

والفرامل يجي فيها هوااء وينقص زيتها ؟

ممكن من الدفرنس من الركبة حقته

لأن بعض الجيوب تجي عكوس ومقصات

وبعضها تجي ركبة ودفرنس كامل للكفر

عند الجيب دفرنس قدام

[قناص مهداوي]

الركبة تهرب من الدفرنس الى الكفر ويجي زيت على القماشات والهوبات كذا يعني او من التهريب من زيت الفرامل بس زيت الفرامل ما ينقص عندي

[أبوصالح9]

لاتقرب 91 ابد

عبي 95 من تجربة معي نفس موترك وكنت اعبي 91 لكن شفت انه ردي بالعزم ويكربن وغيرت 95 والحمد لله نشاط وصفاوة

بالنسبة لزيت اذا تبي شوري رح لاكثر من ثلاث ورش وشف وش الراي اللي يجمعون عليه من غير قصور باخواننا بالمنتدى لان الفحص على النظر مهب من خلف الشاشات واللي شافته عينك مهب مثل اللي تسمعه اذنك

موفق خير

[مجنون عسل]

يالغالي انا وجهة نظري ان البنزين 91 / 95 نفس بعض اللهم الون متغير والسعر فيه فرق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بالنسبه لتهريب مثل ما ذكرو الاخوان تاكد من اين مصدر الزيت وهذا اقرب ميكانيكي راح يخبرك عن التهريب

[ماجد ابو فيصل]

91 لاتشب فيه حتى النار 95 عطيت الله

[راع الركايب]

الزيت طال عمرك من الصوفه الخارجيه تحتاج تغيير ولو غيرت الرمان معاها افضل دامك تبا تغير الصوفه
قد صارت معي شاص2009 كنت ماشي وشديت على الفرامل واليا الدخان يطلع من عند الهوب، طلع تهريب زيت وانا اوديه للميكانيكي وطلعت الصوفه الخارجيه(لان فيه صوفه داخليه واخرى خارجيه ) وغيرت معها الرمان
(اهم شي حط شحم اصلي ) وسلامتك،،،،،

[الإستراتيجي]

الركبة تهرب من الدفرنس الى الكفر ويجي زيت على القماشات والهوبات كذا يعني او من التهريب من زيت الفرامل بس زيت الفرامل ما ينقص عندي


ممتاز أخوي وصلت للحل

عندك زيت الدفرنس وزيت الفرامل هو المتواجد عند الكفر


زيت الفرامل مادام أنه ما ينقص ولا يجي في فراملك هواااء يعني تضغط تحس أنك تبي تدبل فرامل عشان يمسك زين فهنا أقول لك مافي الفرامل مشاكل ولا زيتها


أما من ناحية الزيت يجي عند الكفر وعلى الهوب

بالعادة سيارات الجيب تخرب الركبة أو الرمانات إلي في الدفرنس في آخره

وتحتاج :

1- تشوف المكان سليم ولا متآكل

2- تغير الرمانات أسلم لك .

3- تغير ما يلزم عند الكفر و المعني للرمانات صوف سواء داخلي وخارجي أو لوحده

4- مكانيكي ممتاز يركبها لك صح

5- تكون الورشة فيها معدات مهوب كماش وشاكوش

لأنه للأسف ما يخرب مواترنا إلا الورشة إلي ما عندها العدة اللازمة تحتاج عدة خاصة

ولا تنسى تزود زيت الدفرنس بزيت أصلي وتراه غويلي الفترة هذه

وتركب شحم



سؤال أخير : هل تحصل زيت على الجنط يطلع أثناء السفريات الطويلة ؟

أو شحم


البنزين لا تنسى 95 ولا عليك من البقية ترى 91 الله بالخير وسمعت أنه يأثر على مكينة السيارات الجديدة

وهناك سيارات رياضية في المملكة تحتاج بنزين 98 وللأسف غير موجود


والبنزين درجات وكل ما أرتفع أرتفع الأوكتان وهذه القضية ما جت إلا بعد سحب الرصاص من البنزين


الله يجعل إلي جاب الرصاص في البنزين يكون أسلم قبل ما يموت أو يسلمون عياله كان الموتر ما يخرب أبد ومحركاته ممتازة

على كل حال أعتقد أن النسبة هي 86 و 89 و 91 و 95 و 96 و 98 و 100


الموجود في السعودية 91 و 98

و الـ 98 سريع الإشتعال جدا ولا يصلح للسيارات القديمة

و 91 أبطأ في الإشتعال ولا يصلح للسيارات الحديثة


والبنزين هذا أعتقد أنه مخلوط و أنه يجينا من الخارج ولا يتم إعداده في المملكة أو أن المكونات الكيميائية تجي من الخارج للأسف ماعدا البنزين البترولي يعني الأساسي .


علما أن فيه سنة سبقة إصداره عانينا من مشاكل البنزين أول ما جااانا والكل يعرف كيف تخربطت أمورنا وكيف أننا غيرنا أمور في المحرك أهمها البواجي

وسبب هالخلط لأن المحركات تتآكل لو كان بنزين طبيعي وممكن يسبب إنفجااااااار ويشتعل في درجات الحرارة العالية

وللتأكد حط بنزين نوعين 91 و 95 في غضارتين في الليل وتعال الفجر وشفه يكون تبخر الـ 95 أسعر

وحط 91 و 95 الصبح وتعال الساعة 4 العصر وشفه ممكن تحصل الاثنين جافات وممكن ال 95 يسبقه .

نسبة تطايره في الهواء أسرع وأعتقد 98 أسعر منهن


وللتأكد من الأشتعال ضع 95 و ضع 91 كل في جهه وشب فيها :D

شف الشعلة الأقوى وأرسلها للألومبياد السنة القادمة :p