حراره غريبه لباترول مكينه لكزسس (فزعتكم يالنشامى)

[باترول 88]

السلام عليكم ورحمه الله وبركاته
عندي باترول عليه مكينه لكززس

تجيني بعض الاحيان حراره غرريبه
يعني اكون ماشي ومشغل المكيف والحراره ع الربع وفجئه ترتفع للاتش
وبعض الاحيان وانا واقف ترتفع فجئه

افتح الكبوت واحصل الخرطوش الي يطلع المويه من المكينه الى الرديتر يطلع بخار وضغط عالي
والمويه الي برديتر ماتدخل لمكينه يعني احصل المويه بارده
افتح الخرطوش الين يطلع البخار واعبي موييه الين يطلع الماء من الخرطوش واركبه وتزبط الحراره لمده يوم تقريبا

فحصت عند كثثير من الورشات وقالو لي طرنبه المويه ضعيفه
غريتها وكلفت علي 700 ريال بدون اي فايده
غيرت الخراطيش وشيكيت على الرديتر ومافي فايده

انا شكيت ان الحراره من روس المكينه بس الي يخليني مو مقتنع اان الحراره تجي فجئه والي اعرفه ان اذا خرب راس المكينه ترتفع الحراره بستمرار وايضا الزيت لم يختلط مع الماء
وانا ادرس بجامعه الخرج وكل يوم امسك خط من الرياض بعض الاحيان ما اشتكي من الحراره ولا شي يعني اروح وارجع بنفس اليوم ولا ترتفع الحراره
وبعض الاحيان ترتفع

الصرااحه انا مالقيت حل والمشكله كل يوم اداوم بالخرج وكل يوم لازم ترتفع على الحراره بالطريق وتبهذلت
وان شاء الله القى حل لمشكلتي باسرع وقت

[شعيب المسمى]

شيك على بلف الحرارة احتمال كبير منه

[باترول 88]

فاك بلف الحراره من زمان
والله يجزاك خير على ردك

[ls1.5700]

احتمال كبير المشكلة من الاديتر مسكر فيه انسداد
وشيك على غطاء الاديتر ترى له دور كبير برفع الحراره في بعض الاحيان يكون مسكر ومايفتح
لالسماح للماء الخروج للقربه ويكون حاشر الماء داخل الاديتر وما يلقى منفس للخرج الا الخرطوش يطلع منه الهوى والماء سوا
وشيك على الهوز الي رايح للثلاجه قد يكون مسكر
والمراوح لها دور كبير شيك عليها شوف تعطي هوى قوي او ضعيفه
وبعدين اذا تبي تاكد من الراس شوف الغطاء حق الزيت عليه رغوه بيضاء او لا

[ابو شجاع]

السلام عليكم ورحمه الله وبركاته
عندي باترول عليه مكينه لكززس

تجيني بعض الاحيان حراره غرريبه
يعني اكون ماشي ومشغل المكيف والحراره ع الربع وفجئه ترتفع للاتش
وبعض الاحيان وانا واقف ترتفع فجئه

افتح الكبوت واحصل الخرطوش الي يطلع المويه من المكينه الى الرديتر يطلع بخار وضغط عالي
والمويه الي برديتر ماتدخل لمكينه يعني احصل المويه بارده
افتح الخرطوش الين يطلع البخار واعبي موييه الين يطلع الماء من الخرطوش واركبه وتزبط الحراره لمده يوم تقريبا

فحصت عند كثثير من الورشات وقالو لي طرنبه المويه ضعيفه
غريتها وكلفت علي 700 ريال بدون اي فايده
غيرت الخراطيش وشيكيت على الرديتر ومافي فايده

انا شكيت ان الحراره من روس المكينه بس الي يخليني مو مقتنع اان الحراره تجي فجئه والي اعرفه ان اذا خرب راس المكينه ترتفع الحراره بستمرار وايضا الزيت لم يختلط مع الماء
وانا ادرس بجامعه الخرج وكل يوم امسك خط من الرياض بعض الاحيان ما اشتكي من الحراره ولا شي يعني اروح وارجع بنفس اليوم ولا ترتفع الحراره
وبعض الاحيان ترتفع

الصرااحه انا مالقيت حل والمشكله كل يوم اداوم بالخرج وكل يوم لازم ترتفع على الحراره بالطريق وتبهذلت
وان شاء الله القى حل لمشكلتي باسرع وقت


وعليكم السلام ورحمة الله وبركاتة

مشاكل الحرارة واجد ولا يمكن حصرها فى نقطة او نقطتين:(
لازم تتبعها من غطاء الاديتر الى الخراطيش ومايلحقها من توصيلات للمكينة
لاكن نصيحة لك ارجع للي ركب المكينة واشرح له المشكلة
او وانت راجع من الخرج الله يحييك فى الورشة تراها على دربك :D

صناعية الدائري
ورشة لميتد(ابوريم)
متخصص فى تركيب مكائن اللكزس وصيانتها على الباترول :good2:

[المسروحي]

إن شاء الله المشكلة بسيطة
وإذا لقيت السبب ياليت تذكره لنا عشان بقيت الأخوان يستفيدون....

[باترول 88]

احتمال كبير المشكلة من الاديتر مسكر فيه انسداد
وشيك على غطاء الاديتر ترى له دور كبير برفع الحراره في بعض الاحيان يكون مسكر ومايفتح
لالسماح للماء الخروج للقربه ويكون حاشر الماء داخل الاديتر وما يلقى منفس للخرج الا الخرطوش يطلع منه الهوى والماء سوا
وشيك على الهوز الي رايح للثلاجه قد يكون مسكر
والمراوح لها دور كبير شيك عليها شوف تعطي هوى قوي او ضعيفه
وبعدين اذا تبي تاكد من الراس شوف الغطاء حق الزيت عليه رغوه بيضاء او لا

هلابك اخوي
الرديتر جديد وثاني شي كل ماترتفع الحراره لازم اطلع المويه من الرديتر واحط مويه جديده
والغطاء مغيره قبل مده قصير اصلي
والهوز الي رايح للثلاجه شاايله كله ومسكر المواصير
والمراوح فحصتها ودفعها قوي وهي مراوح مكسيما

عشان كذا انا قلت حراره غريبه
بعض الاحيان يزبط الموتر وامسك فييه خطوط ولاترتفع وبعض الاحيان ترتفع يعني الحراره مو مستمره
والله يجزااك خيير وماقصرت اخوي

[باترول 88]

وعليكم السلام ورحمة الله وبركاتة

مشاكل الحرارة واجد ولا يمكن حصرها فى نقطة او نقطتين:(
لازم تتبعها من غطاء الاديتر الى الخراطيش ومايلحقها من توصيلات للمكينة
لاكن نصيحة لك ارجع للي ركب المكينة واشرح له المشكلة
او وانت راجع من الخرج الله يحييك فى الورشة تراها على دربك :D

صناعية الدائري
ورشة لميتد(ابوريم)
متخصص فى تركيب مكائن اللكزس وصيانتها على الباترول :good2:

هلابك اخوي
اليوم كلمت ابو ريم وان شاء العصلر ابروح لمه
مشكوور اخوي وماقصرت

[باترول 88]

اليوم رحت الصناعيه وفرفرت فيها الى الظهر ومارتفعت الحرا ره تحت الربع
بس اني ما شغلت المكيف ابدا
اتوقع يكون من الكمبرسر يكون ضاغط ع المكيينه
وان شاء الله اليوم ماني مشغل المكيف واناظر يمكن منها

[just 4 u]

مشكلتك في شيئين والله اعلم غطى الرديتر وهو الاغلب او عندك احد الليات ينسفط مع الحرارة
اعرف انك توك مغير غطى الرديتر بس تأكد من انه اصلي وضغطة مناسب للمكينة
لان الضغط اذا كان غير مناسب مايخلي الموية الحارة تروح للقربة حقت الموية فيصير في ضغط كبير في دورة الماء في الرديتر فترتفع عندك الحرارة فجأة واذا فيكت غطاء الرديتر وراح الضغط وعبيت موية رجع الموتر زين
وبالتوفيق

[باترول 88]

مشكلتك في شيئين والله اعلم غطى الرديتر وهو الاغلب او عندك احد الليات ينسفط مع الحرارة
اعرف انك توك مغير غطى الرديتر بس تأكد من انه اصلي وضغطة مناسب للمكينة
لان الضغط اذا كان غير مناسب مايخلي الموية الحارة تروح للقربة حقت الموية فيصير في ضغط كبير في دورة الماء في الرديتر فترتفع عندك الحرارة فجأة واذا فيكت غطاء الرديتر وراح الضغط وعبيت موية رجع الموتر زين
وبالتوفيق

هلابك اخوي
للغطاء مغيره يمكن قبل شهر والمشكله صار لها اسبوعين بس ابغير الغطاء واشوف
والموتر معي صارله سنه ولا اشتكيت من الحراره ابدا
وراح اغير الخرطوش الي يودي الماء الى المكيينه وان شاء الله تنحل المشكله
والله يجزاك اخيير اخخوي

[عشقي براوننق]

بسم الله الرحمن الرحيم


وعليكم السلام ورحمه الله وبركاته

اخوي باترول 88

انت تقول انك فحصت كل شيء وطلع سليم مافيه اي مشكله

بالبدايه كنت متوقع ان المشكله من غطاء الرديتر لكن تقول انك مغيره وجديد(اتمنى انه اصلي)

الشيء الثاني واشك 90% انه السبب هو الفتحات اللي ورى الكفرات الاماميه <<< والله البلشه شلون اوضح لك اللي اقصده باختصار اجلس بجنب الكفر الامامي كنك تبنشره وشوف ورى الكفر قدامك بالضبط اذا كان فيه فتحات ويدخل الهواء الخارجي داخل الكبوت فهذا سبب ارتفاع الحراره بالحاله هذي عليك تسكير الفتحات من جهت الكفر الايمن والايسر بنايلون (توب) او بالبلاستك المقوى بطانه

والله اعلم

[4*4]

رجع البلف
الله يسمح امرك

[باترول 88]

بسم الله الرحمن الرحيم


وعليكم السلام ورحمه الله وبركاته

اخوي باترول 88

انت تقول انك فحصت كل شيء وطلع سليم مافيه اي مشكله

بالبدايه كنت متوقع ان المشكله من غطاء الرديتر لكن تقول انك مغيره وجديد(اتمنى انه اصلي)

الشيء الثاني واشك 90% انه السبب هو الفتحات اللي ورى الكفرات الاماميه <<< والله البلشه شلون اوضح لك اللي اقصده باختصار اجلس بجنب الكفر الامامي كنك تبنشره وشوف ورى الكفر قدامك بالضبط اذا كان فيه فتحات ويدخل الهواء الخارجي داخل الكبوت فهذا سبب ارتفاع الحراره بالحاله هذي عليك تسكير الفتحات من جهت الكفر الايمن والايسر بنايلون (توب) او بالبلاستك المقوى بطانه

والله اعلم

هلاابك اخووي
عرفت ققصدك
والفتحتات مفتووحه لها اكثر من سنه ولا اشتكيت من الحراره
يعني اكيد السبب موب من الفتحات
والله يجزااك خيير خيير اخوي على رردك وبيض الله وجهك
والصراحه انا في حييره من امري والله يكتب الي فيه الخير

[sgl2002]

اخوي ممكن عندك خلل بالمراوح

يعني اذا احتر الموتر وابطت المراوح تشتغل

تنفصل المروحه ماعاد تشتغل واذا برد الموتر بدت تشتغل من جديد

لذلك اول ماترتفع الحرارة انزل شف المراوح تشتغل والا طافيه

وبعدها تاكد ان هناك حرارة فعلية

يعني ممكن حساس الحرارة خربان ويعطيك قراءة خاطئة

[باترول 88]

رجع البلف
الله يسمح امرك

اخووي الموتر صار له سنه بدون بلف يعني المشكله مو من البلف
اممين يياارب
والله يجزااك خيير

[باترول 88]

اخوي ممكن عندك خلل بالمراوح

يعني اذا احتر الموتر وابطت المراوح تشتغل

تنفصل المروحه ماعاد تشتغل واذا برد الموتر بدت تشتغل من جديد

لذلك اول ماترتفع الحرارة انزل شف المراوح تشتغل والا طافيه

وبعدها تاكد ان هناك حرارة فعلية

يعني ممكن حساس الحرارة خربان ويعطيك قراءة خاطئة

ان شاء الله ابتاكد من المراووح

الحراره موجوده
وانا الصراحه شكيت ان الحساس خربان
ويوم ارتفعت على الحراره فتحت الخرطوش الي يطلع المويه من المكينه
وانفجر على الخرطوش واحترقت يدي اليمين كلها بس الحمد لله الحرق من الدرجه الاولى
لاني يوم فتحت الخرطوش طلع بخار من الخرطوش هو الي حرق يدي

[برغي]

عندك احتمالين
1- يوجد هوا بدائرة مياه الاديتر والسلندر
حلها والسيارة طافية وبارده عبها مويه قبل التشغيل اذا فلل شغل السياره وزد المويه شوي شوي حتي تتخلص من الهواء اللي يضغط المويه ولا يخليها تتحرك بشكل طبيعي


2- يوجد تنسيم بوجه الراس وهذي تكتشفها بواسطة النيلة الزرقا تضعهامع موية الاديتر وتروح لك كم مشوار وتمسح بمنديل فتحة الشكمان ان حصلت لون نيله بالمنديل فمعناته 100% تنسيم وجيه المكينه
بالتوفيق والله اعلم

[عبقري91]

ليه يحيه ظغط الخرطوش وراه مايودي للقربه
اذا الغطا اصلي رديترك مو حق بلده
فراح تختلف فتحت الرديتر حاول تاخذ غطا يفتح على حراره اقل
او. سو قطع صغييير في ربلة غطا الرديتر
وركب البلف
واتوقع والله اعلم انها تجي بلفين مثل الباثفندر والهوندا

[ls1.5700]

شف اخوي باترول 88
اخوي معه جي اكس ار وصار معه نفس الشي يحشر هوى وترتفع الحراره
ويطلع الماء مع الخرطوش التحتي مع ضغط هوى قوي الوكاد نفس مشكلتك بالضبط
المهم راح عليه مشوار بنص الطريق ارتفعت الحراره h ونفجر الاديتر
غيره جديد اصلي وكاله وضبط االموتر ميه بالميه رجع احلى من اول
نصيحه ابدا بالاديتر حتى لو هو جديد مايمنع انك تشيك عليه
او شف لك واحد من الربع معه نفس موترك وخذ رديتره وجرب
عساه يبين لك سبب الحراره 00

[sgl2002]

ان شاء الله ابتاكد من المراووح

الحراره موجوده
وانا الصراحه شكيت ان الحساس خربان
ويوم ارتفعت على الحراره فتحت الخرطوش الي يطلع المويه من المكينه
وانفجر على الخرطوش واحترقت يدي اليمين كلها بس الحمد لله الحرق من الدرجه الاولى
لاني يوم فتحت الخرطوش طلع بخار من الخرطوش هو الي حرق يدي


مالها دخل ان الخرطوش يطلع منه بخار او ماء حار

هذا طبيعي بكل سيارة تفك الخرطوش ويطلع منه ماء منضغط وبخار

انت تاكد من الحساس وبعدها المراوح

بعدين اذا احتر الموتر المس الخرطوش العلوي الخارج من المكينة اذا هو ماينضغط ومحجر معناته عندك حرارة فعلية

[يالبى الهلا]

الكزس حساس وخاصه المكينه فالافضل انك ترجع البلف مهم جدا وذلك لتوزيع الماء على جميع اخدود او مجاري الماكينه كلن ياخذ حقه اما في حالة نزع البلف فالماكينه او الماء لا يمر في جميع اخدود او مجاري التبريد فالعمليه ممكن تبريد بسيط للماكينه واجهاد على الطرمبه على طول الدوره الماء لاتوقف والاياخذ وقت في الاديتر من شان يبرد بفعل الهواء وبمجرد برودته تكون الماكينه اخرجت اخرجت الماء الحار وادخل الماء البارد وهكذا هلم وجرا:D:D:D:D:D:D:D

[باترول 88]

السلام عليكم
اخواني الله يجزااكم كل خير
واشكر على الردود التي وضعتها على محمل الجد
الي صار معي امس فرفرت بالصناعيات ولا لقيت حل وبنفس الوقت ارتفعت على الحراره وانا ماشغلت المكيف وهنا اثبت ان الكمبرس ضغطه ممتاز ولا يسبب حراره
اليوم الصبح سويت فيه بعض التجارب
بما ان الموتر بارد ف فرصه انك تلقى المشكله
فتحت غطاء الرديتر وجبت لي المويه وخليته يعبي الرديتر الين بدا يضغط المويه الخرطوش صار ضااغط
انتظرت اقل من دقيقه ف تفاجئت بتهريب ماء من عده جهات
اول جهة من الرديتر ولا بين انه فيه تهريب الى بعد الضغط القوي

http://im18.gulfup.com/9Jba2.png (http://www.gulfup.com/?F1iR2Q)

الجهة الثانيه ايضا من الرديتر

http://im18.gulfup.com/HZSD3.png (http://www.gulfup.com/?NCfr7U)

الجهة الثالثه وهي غريبه شوي
نزلت تحت السيار لقيت زي الطبه ولها مسمارين وكانت تهرب منه
ولا اعرف وش فايده هذي الطبه

هذي الصوره

http://im18.gulfup.com/ogk71.png (http://www.gulfup.com/?FD1dit)

باذن الله اليوم راح اصلح التهريبات
وان شاء الله تكون المشكله منها
وايضا راح اركب بلف حراره
وان شاء الله راح اوافيكم بالاحداث
دعوااتكم لي

[sgl2002]

هذي من الظغط القوي وهو اللي سبب لك التهريبات

وانت مابينت من اول ان الرديتر ينقص


المهم اذا فك الرديتر شف هو متسدد والا لا


بعدين انتبه ثم انتبه تعبي من موية الخزان

هذي يومين ثلاثة وتسبب ملح وتسكر الرديتر


انت ضبط الرديتر وركب البلف واغسل السلندر

وعب موية تويوتا الاصلية وبعدها خلاص

[مركز حراره]

حط اسفنج مقوي بين الرديتر والمراوح لان التهريب من المروحه طاربه الرديتر وركب بلف ديزل 76 ممتاز وتاكد من ان الخراطيش ماهي مقلوبه الي به البلف هو الي يسحب يعني تحت كثير تصير انتبه

[باترول 88]

السلام عليكم
ومساء الخير ع الجميع
اشكركم من خالص قلبي
جعله الله في موازين حسانتكم

تم تصليح الرديتر وتم تصليح الطبه
وتم التاكد من عدم وجود تهريب
ولله الحمد الموتر صار له يومين ومارتفعت الحراره
وان شاء الله زبطت الحراره
وعشان نقطع الشك من اليقين بكرا انا طالع للخرج وباذن الله راح اجرب الموتر

دعوااتكم