كلن يعد ماواجه

[ابو زايد1]

بسم الله الرحمن الرحيم
السلام عليكم ورحمة الله وبركاته
(كلن يعد ماواجه)
بصراحه الناس يتكلمون عن المرابط ومشاكلها وانابصراحه شفة مربط الاخ ماجد المعصوب بالمجمعه مربط من ابدع مايكون شغل متعوب عليه وتعليف مرتين ونظافة المربط ممتازه واتمنى من الاخ ماجد يكون على نفس الشغل والله يوفق الجميع

[فالح الملعبي]

الله يجزاه خير ويبيض وجهه اللي يقدر حلال الناس
وهذا يعمل باذن الله بذمه وضمير ولاهو قصور في
باقي اهل باقي المرابط لكن بصراحه اكثر المرابط
تعاني من الاهمال وعدم المبالاه وياليت اهل المرابط
اللي رزقهم على الله وعلى الطيور يرجعون ويسون
الاخ ماجد.
تقبل مرووري

[نجم404]

وعليكم السلام ارحب يابو زيد ارحب يابو زيد ولايهون اخوي فالح بصراحة معك حق مربط الاخ ماجد متعوب عليه السنة الجايه عنده ان شا الله

[عاشق غريب]

السلام عليكم ورحمه الله وبركاته

عز الله انه هذا المربط الي يبيض الوجه ما قصر ابو محمد المعصوب القحطاني لا من ناحيه النظافه وحسن التعامل والوجه البشوش وشهادتي فيه مجروحه ما اوفيه حقه من المدح انا عن نفسي السنه الثاني الي اربط عنده وان شاء الله معد اتعداه رجال كفو والله يرزقه من واسع فضله

وبنسبه لبعض للمرابط الثانيه يغرون الصقاقير بهدايا بعد الربطه ويقولون يجي معه دس و وكر وبرقع بس لا جيت تاخذ طيرك تلقاه معفول وقرناسه ردي وريحه المربط ما تنقبل

قال رسول الله صلى الله عليه وسلم ( ان الله يحب اذا عمل احدكم عملا ان يتقنه )

اخوكم ابو تركي

[حصريا001]

الله يوفقة ويحافظ على سمعتة وندعي له ولباقي المرابط بتوفيق

[حشّار]

السلام عليكم
والله ان الطيب يستاهل المدح

[حشّار]

السلام عليكم
ياخوان من حصل العلم الغانم يستاهله
وابو محمد المعصوب ما اعرفه لكن يكفي مدح الرجال له ولا مدحوه الا وهو كفو للمدح
لكن انا بتكلم عن مربط بحفر الباطن والحقيقه ان فيه مرابط اكثر اعلام منه ولكن الطير اللي يطلع من الربطه من عنده تفرقه عن مرابط الحفر كلها
طبعاً انا اعرف كذا واحد يربط عنده وشفت طيورهم من ضمنهن فرخ العام واللي يشوف الطير مايدري انه بكر لان الطير مصفي ما شاء الله حمامه
واسمع الشباب يمدحونه ويثنون عليه بأهتمامه بالمربط وانه هو اللي بنفسه يحضر غدا الطيور وعشاها مع العلم ان عنده عمال بس مايعتمد عليهم
انا الحقيقه قابلت الرجال صاحب مربط النايف بالحفر الاخ موسى المطيري والله والنعم يوم رحت مع واحد من الشباب يبي يطلع طيره وحنا جالسين اتصل عليه صاحب طير يبغى يطلع طيره ورفض هو يقول لصاحب الطير ما اقدر امسك طيرك اليوم الطير متعشي ولا ابغى اغثه
حقيقه انا اعجبت باهتمامه لان هذي مايقولها الا صقار يعرف كيف يتعامل مع الطير
فله جزيل الشكر على اهتمامه

[برزان1]

السلام عليكم
ياخوان من حصل العلم الغانم يستاهله
وابو محمد المعصوب ما اعرفه لكن يكفي مدح الرجال له ولا مدحوه الا وهو كفو للمدح
لكن انا بتكلم عن مربط بحفر الباطن والحقيقه ان فيه مرابط اكثر اعلام منه ولكن الطير اللي يطلع من الربطه من عنده تفرقه عن مرابط الحفر كلها
طبعاً انا اعرف كذا واحد يربط عنده وشفت طيورهم من ضمنهن فرخ العام واللي يشوف الطير مايدري انه بكر لان الطير مصفي ما شاء الله حمامه
واسمع الشباب يمدحونه ويثنون عليه بأهتمامه بالمربط وانه هو اللي بنفسه يحضر غدا الطيور وعشاها مع العلم ان عنده عمال بس مايعتمد عليهم
انا الحقيقه قابلت الرجال صاحب مربط النايف بالحفر الاخ موسى المطيري والله والنعم يوم رحت مع واحد من الشباب يبي يطلع طيره وحنا جالسين اتصل عليه صاحب طير يبغى يطلع طيره ورفض هو يقول لصاحب الطير ما اقدر امسك طيرك اليوم الطير متعشي ولا ابغى اغثه
حقيقه انا اعجبت باهتمامه لان هذي مايقولها الا صقار يعرف كيف يتعامل مع الطير
فله جزيل الشكر على اهتمامه

ونعم بالرجال وانا اشهد له عزالله
ونعم بالرجل يعطيك تقرير كامل عن طيرك ويكلمك على كل ريشه يحذفها الطير

ماهو بعض المرابط الي والله مايدري وش حذف الطير وش ماحذف كل شغلهم بس
كيف نجمع الدراهم

[جبار1]

وانعم بالجميع ومن حصل شي يستاهله
بالنسبه لمربط المعاصيب بالمجمعه انا ماربطة عنده
لكن دخلة مربطه أكثر من مره ولاحظة الطيور عنده قرناسها طيب
الحقيقه الرجال مهتم بالطيور .. يغدي ويعشي وملازمها أول بأول هو وخوه متعب
وشاطر في معرفت خاطر الطيور من ناحية صحتها
كلمة حق حبيت اقولها ..
الله يوفقه هو واخوه متعب يستاهلون ..

[سارق الكحل]

ماشاء الله بعض اصحاب المرابط
اذا مرض طيرك بعد الخروج من المربط يتابع معك حالتة أول بأول
فجزاهم الله خير
والصراحة يحرجك بطيبته وكرمه

ونسأل الله التوفيق للجميع

[AL-H-A-R-B-I]

الله يعافيك ومشكوووور

[عابر الموج]

الله يجزي الخير من يهتم بالامانة التي توضع عنده عن نفسي جربت مرابط واجده ولكن مثل مربط ابو خلف لم اشاهد رجل يتعب مثل تعبه واهتمامه كل طير يضع له لسته ويسجل تاريخ حذف الريش بالتاريخ الميلادي الطيور ماشاءالله تجد الطير غاسل مره ومقفل من الصنعه وهو الشخص الوحيد الي يعالج الحفاة التي تصيب الطير الله يرزقه من رزقه ويعلم الله انا من الشمال وهو في القصيم ورجل مادح نفسه بتواضعه وطيبه لكن شهادة حق تقال بحقه