جنزير دبل الباترول

[محمد النيساني]

السلام عليكم ورحمة الله

زي ما انتو عارفين دخل الشتاء وبتكثر طلعات البر ومحد يقدر يستغني عن خدمات الدبل

عندي مشكله في دبل الباترول وقالي العامل بالصناعيه
عندك مشكله بجنزير الدبل المهم قالي اشتر جنزير جديد من الوكاله
ولا راح اركب جنزير من غير الوكاله مع زيت وغراء اصلي وقالي اذا جبته اصلي ماراح يخرب
المهم توجهت للوكاله وتفاجئت بسعر الجنزير المبالغ فيه ب 1400 وقبل الخصم 1880
قلت يالحبيب اخبره على كلام الاخوان بالمنتدى ب 950 قال لا هذا سعره من زمان وش رايكم اغامر واركبه
ولا شوف لي دبل كامل مستعمل تحياتي للجميع.......

[عآشق الذيب]

ياهلا والله اخوي

انا صارت معي نفس المشكله بالددسن وغيرت دبل من التشليح

انا جيت الوكاله قالي الجنزير سعره فوق الالف والله اني ناسي لكن لازم معه تروسه يجي ترسين
الوكاد انهن طلعن علي حول الثلاثة الاف

بعدين اخذت من التشاليح

ونصيحه شف اهل الخبره سمعت ناس تقصه وتركبه مدري كيف
وانت لا تستعجل شوف باقي الاخوان

[sgl2002]

اذا حصلت دبل نظيف بالتشليح يفكه من باترول قدامك فهو افضل

اهم شي حق مديل جديد

[aBu_aBdAlSlaM]

نعم سعر الجنزير 900 ريال واللي يقول غير كذا نصاب

[][ســهم][]

غير الدبل مره وحدة من التشليح افضل لك
احتمال تغير الجنزير ترجع المشكلة مثل اول

[لزام1]

شف الله يحييك انا بعي باترول 90 وصار نفس المشكله فك الجنزير وقصره حسب المقاس الي تبي وكبسه ويضبط ويكد معك سنتين اوثلاث بالراحه وسأل مجرب ولاتسأل طبيب ولا يكلف الى شغل اليد

[محمد النيساني]

الله يجزاكم خير يا شباب ما قصرتو وشكلي يا لزام باخذ بشورك دامك مجرب ابد هذا الي نبي الله يوفقكم ويوفق الجميع ان شاء الله