رجة بالونيت عند الرجوع بالريوس

[ابشر بسعدك]

اخواني الكرام اعضاء وزوار السلام عليكم ورحمة الله وبركاته
لدي مشكلة بالونيت بكب شفر حجم 1500 شاص طويل موديل 90 حوض دبل طبعاااا قبل سنة طلع فية رجة بالتقويمة والريوس غيرت له طقم كلتش وحذاف وصبط معي وبعد سته شهور رجع خرب نفس المشكلة مع انه بالممشى مافية مشكلة بس المشكلة بالقومة

من الخبير النصوح يفيدني بالحل او يشير علي بورشة ثقة والله يجزاكم خير . البر جات حزته والمطاليع والنفود زانت

والسلام عليكم,,,,

[hassan-55]

السلام عليكم

اولاً شيكـ على الزيت ممكن يكون ناقص
ثاناً متى غيرت الفلتر مع الزيت

اذا انت بالرياض بأعطيكـ رقم مهندس اتصل به واشرح له المشكله
للامانه فادني كثيراً ووفر علي الله يجزاهـ خير
للامانه كنت بأخسر تقريباً 4000 ريال لان كان عندي مشكله بالقير ورحت كذا مركز قالو توضيب
وواحد من الزملاء دلني عليه وطلع المشكله ان الزيت ناقص!!

الله ييسر امرنا وامركـ وامر كل مسلم...

[ابشر بسعدك]

مشكور اخي حسان وين موقع المهندس بعدين هل القير العادي له فلتر مااضن ولا,,لا

[رزم الغرب]

صحن الكلتش يجيه زيت . تأكد من الصوفه الله لايهينك

[عبقري91]

شف كراسي لقير والمكينه
يمكن خربان ويمكن ربط بس

[hassan-55]

مشكور اخي حسان وين موقع المهندس بعدين هل القير العادي له فلتر مااضن ولا,,لا


هلا اخوي
اخوكـ حسن بدون الالف :)
انا اقصد القير الاوتوماتكـ
اجل ممكن عندكـ مشكله ثانيه يفيدونكـ الاخوان

والمهندس اتوقع انه اخصائي قير الاوتوماتكـ ما ادري يفيدكـ ولا
اذا تبي رقم المهندس تامر امر الحين ارسله على الخاص
موفق خير ان شاء الله...

[escape_man]

شيك مثل ماقالولك الشباب كراسي القير والمكينة ..

مافيها شي يبقى المشكلة في الكلتش تعرض لحرارة او جاه زيت او شحم اثناء التركيب

اذا بتركب كلتش فلا تتعدى الاصلي .. يقولون لك مكسيكي ولا برازيلي كلها لا تهمك

شف عندك هالرجال

http://mekshat.com/vb/showthread.php?t=481721

هذا يبيع القديم والاصلي واسعاره ممتازة .. اذا عنده موديل موترك او شي يركب عليه

واذا ماعنده رح للصناعية القديمة.

اول ماتدخل شارع الجمعية .. اول تقاطع خذ يسار وكمل لين يجيك البريك على يمينك

قبله محل اسمه نسمة الجنوب فيه حضرمي يقاله ابوعقيل. نصوح ومجرب .. قله اني

كل ماركبت كلتش احترق وانا رجال رجلي حاره على الموتر .. بيضبك لك توليفه ممتازة

خلصت من عنده انشده عن ورشة ابوعادل .. قريبه حوله لكني نسيت وصفها. وعلمنا

وشيصير معك.

ان حصل تروح لورشة ابوعادل قبل يشيك لك على السبب يكون افضل.

[ابشر بسعدك]

شيك مثل ماقالولك الشباب كراسي القير والمكينة ..

مافيها شي يبقى المشكلة في الكلتش تعرض لحرارة او جاه زيت او شحم اثناء التركيب

اذا بتركب كلتش فلا تتعدى الاصلي .. يقولون لك مكسيكي ولا برازيلي كلها لا تهمك

شف عندك هالرجال

http://mekshat.com/vb/showthread.php?t=481721

هذا يبيع القديم والاصلي واسعاره ممتازة .. اذا عنده موديل موترك او شي يركب عليه

واذا ماعنده رح للصناعية القديمة.

اول ماتدخل شارع الجمعية .. اول تقاطع خذ يسار وكمل لين يجيك البريك على يمينك

قبله محل اسمه نسمة الجنوب فيه حضرمي يقاله ابوعقيل. نصوح ومجرب .. قله اني

كل ماركبت كلتش احترق وانا رجال رجلي حاره على الموتر .. بيضبك لك توليفه ممتازة

خلصت من عنده انشده عن ورشة ابوعادل .. قريبه حوله لكني نسيت وصفها. وعلمنا

وشيصير معك.

ان حصل تروح لورشة ابوعادل قبل يشيك لك على السبب يكون افضل.


مشكور جزاك الله خير