متى ع الله يا عرب يظهر سهيل ...

[بن عويف]

بسم الله الرحمن الرحيم


تحيه طيبه للجميع

حبايبي هذي القصيدة كانت في نهاية شهر رمضان المبارك
حيث اشتاقت النفس لظهور سهيل
وطال الوقت
والعرافه كانوا يقولون انه بيظهر سادس العيد

في تلك الاثناء مرت علي قصيدة الشاعر بندر بن سرور

اللي يقول فيها :
الله من عينن الى عسعس الليل
عافت لذيذ النوم ما تهتني به

فجاريتها بهالبيت
الله من نفسٍ الى دلمس الليل
تاقت لجوٍ خاليٍ مالفيبه

وهذي القصيده بين أيديكم :

الله من نفســـن إلى دلمس الليـــــل
تـــاقت لجــوٍ خــاليٍ مــا لفي بـــه

ويلي على الودان والقشع والسيـل
تصطـــك شعبـــانه وتمــلى قليبــــه

متى على الله يا عرب يظهر سهيـل
النفــس تـــاقت للفجـــوج الرحيبـــه

مع رفقــة الطيب زبــون المشــــاكيل
الصاحب اللي مــا يخــالف صحيبه

في رَمشتن حاف الحطب والمعاميــل
مــا نقــــدره إلا بحلـــوف وغصيبـــه

ضــوّه تلضى والنجر يطحــن الهيــل
مع دنـتن تبـــري الكبــــود العطيبــــه

ثم ســـاق فنجـــالٍ وجــــرّ المـواويـــل
يجيـــب لــــه بيـــتن وبيــــتن أجيبـــــه

هذي طـــراة الروح يا سـاهر الليــــل
والا السهــر من دونهــا ويش ابي به

وأطيبهـــا ميقــاف ودموعن هماليـــــل
يـــوم العـــرب كــلن تحضــن حبيبــــه

[مخاوي دابذريع]

صح لسانك يالوليده ....

[يوسف الخليفة1]

حياك الله أخي الفاضل بن عويف

[حربي الحرة1]

صح لسانك وقصيده طيبه مثل راعيها

[نديم المجره]

صح لسانك يافرد حمزه
مجارات جزله وموضوعها شيق
الله يسعدك ياملك المجارات
دامت لك المسرات
تحياتي

[فتى الرابيه]

صح لسانك ماقصرت

[بن عويف]

مخاوي داب ذريع والخليفه حياكم الله

[بن عويف]

حربي الحره
حضورك اطيب ولاهنت يالغالي

[بن عويف]

نديم المجرة
لله درك ودر ما تحمله بين اضلعك ما اطهره
ولقب ملك المجاراة
شرف ووسام من رمز من رموز الشعر العذب السهل الممتنع
ولاهنت يالغالي

[راعي طنخه]

صح لسانك يافرد حمزه

[الزعول]

بسم الله الرحمن الرحيم






تحيه طيبه للجميع


حبايبي هذي القصيدة كانت في نهاية شهر رمضان المبارك
حيث اشتاقت النفس لظهور سهيل
وطال الوقت
والعرافه كانوا يقولون انه بيظهر سادس العيد


في تلك الاثناء مرت علي قصيدة الشاعر بندر بن سرور


اللي يقول فيها :
الله من عينن الى عسعس الليل
عافت لذيذ النوم ما تهتني به


فجاريتها بهالبيت
الله من نفسٍ الى دلمس الليل
تاقت لجوٍ خاليٍ مالفيبه


وهذي القصيده بين أيديكم :


الله من نفســـن إلى دلمس الليـــــل
تـــاقت لجــوٍ خــاليٍ مــا لفي بـــه


ويلي على الودان والقشع والسيـل
تصطـــك شعبـــانه وتمــلى قليبــــه


متى على الله يا عرب يظهر سهيـل
النفــس تـــاقت للفجـــوج الرحيبـــه


مع رفقــة الطيب زبــون المشــــاكيل
الصاحب اللي مــا يخــالف صحيبه


في رَمشتن حاف الحطب والمعاميــل
مــا نقــــدره إلا بحلـــوف وغصيبـــه


ضــوّه تلضى والنجر يطحــن الهيــل
مع دنـتن تبـــري الكبــــود العطيبــــه


ثم ســـاق فنجـــالٍ وجــــرّ المـواويـــل
يجيـــب لــــه بيـــتن وبيــــتن أجيبـــــه


هذي طـــراة الروح يا سـاهرالليــــل
والا السهــر من دونهــا ويش ابي به


وأطيبهـــا ميقــاف ودموعن هماليـــــل
يـــوم العـــرب كــلن تحضــن حبيبــــه



صح السانك يابن عويف
وكل عام وانت بخير
قصيده طيبه من طيب
والله يجيب السيل
بس لي ملاحظه بسيطه وانت شاعر وابخص مني بذلك
وهي اختلاف القافيه
الليل وسهيل والسيل تختلف عن مشاكيل ومحاصيل وتعاليل
والا انا غلطان
ارجوا السموحه فالخيمه فيها شعار كبار وانت منهم فهل كلامي صحيح ارجو التوضيح للفايده
كما احب ان اشيد بجزالتها فالقصيده طيبه وبالحيل
ارجو ماتزعل من اخيك الزعول
دمت بخير

[بن عويف]

راعي طنخه صح بدنك ولاهنت يالغالي

[بن عويف]

مرحبا بالزعول
والله يقدرنا ونراعيك ولا نزعلك
القصيدة سليمة الوزن والقافيه
ولا يوجد بها اختلاف كما ذكرت
وفقك الله

[zizi]

هذي طـــراة الروح يا سـاهر الليــــل
والا السهــر من دونهــا ويش ابي به


الله علييييك .. صح لسانك!!

[Rfal]

صح لسانك جميللة

[بن عويف]

فتى الرابيه الغالي
العذر والسموحه ما انتبهت لردك
لاهنت وصح بدنك
وسعدت بمرورك عساي فدا خشمك

[بن عويف]

زيزي
لاهنت وصح بدنك
وحضورك شرف

[بن عويف]

صح لسانك جميللة

صح بدنك
والله يجمل حالك

[صافى السريره]

يـــوم العـــرب كــلن تحضــن حبيبــــه

صح لسانك يابندر !!!!!!!!

[مكرم الضيف]

حضور على الطاير للشاعر والقصيدة الله يسعدهم كلهم


راجعين ان شاء الله

:D

[GMC 111]

الله يعطيك العاافيه

[بن عويف]

يـــوم العـــرب كــلن تحضــن حبيبــــه

صح لسانك يابندر !!!!!!!!

صح بدنك يبو راكان
ولاهنت

[بن عويف]

حضور على الطاير للشاعر والقصيدة الله يسعدهم كلهم


راجعين ان شاء الله

:D


مرحبا يا مكرم الضيف
وحضورك ع الطاير يبهج الضماير
والبطا عنا يجيب الحساير