مشاهدة النسخة كاملة : القدر الالماني؟
ابو ناصر2011
12/10/2012, 08:31 PM
مساكم الله بالخير..
رحت لمحل لوازم الرحلات ادورلي قدر اصلي فلقيت لي قدر الماني بسعر 1200ريال
وراعي المحل يمدحه ويقول انه عملي ولحمه الحاشي ماتكمل عشر دقايق الا هي منهريه
والدجاجه اربع دقايق وش رايكم هل اخذه ؟؟ وهل احد خبره بالقدور الاصليه وهل فيه نوع
ارخص او اغلى وازين منه ؟؟
عليان11
12/10/2012, 09:15 PM
المعذره ماقد سمعت فيه
بس ياليت اخوي تزودنا باسم الشركة واسم ورقم الموديل للقدر .... وان شاء الله الشباب مايقصرون ويفيدونك
MSAHMM
12/10/2012, 09:49 PM
الظاهر تقصد قدر تيربو الألماني ابوعصى
https://encrypted-tbn1.google.com/images?q=tbn:ANd9GcQLIaHs0tRvzyM95WftJx2djR_7N51he 2_anLyXDOUiU6r8z24v
من ناحية انه ممتاز فهو ممتاز بالحيل لكن للبيت وليس للكشتات لثقلة والشباب يفيدونك ان شاء الله
ابو ناصر2011
13/10/2012, 07:08 AM
والله ياليت عندي معلومات عنه لاكن وش تنصحوني فيه وشو القدر الخفيف والاصلي واللي يصلح للكشتات
ك ن ق 222
13/10/2012, 11:14 AM
السلام عليكم ورحمة الله وبركاته
من أقدم قدور الظغط ومعروفه بجودها العاليه لك ولزمن بس غالي والأصلي بتلقاه بشارع السباله بالشميسي عند باخشوين ولا الحميضي ولابادحمان وهناك انواع تجي مقاس 12 لتر 9 لتر 8 لتر 6 لتر العملي منها والسريع 6 لتر وايضاً 9 لتر
ابو ناصر2011
13/10/2012, 01:26 PM
السلام عليكم ورحمة الله وبركاته
من أقدم قدور الظغط ومعروفه بجودها العاليه لك ولزمن بس غالي والأصلي بتلقاه بشارع السباله بالشميسي عند باخشوين ولا الحميضي ولابادحمان وهناك انواع تجي مقاس 12 لتر 9 لتر 8 لتر 6 لتر العملي منها والسريع 6 لتر وايضاً 9 لتر
اخوي كنق عن اي نوع تكلم بالضبط؟
تساهيل1
13/10/2012, 02:57 PM
اترك عنك هلس مندوبين المبيعات
مافي شي اسمه 10 دقايق للحمه بالعقل اكيد بتنحاس عليك
وبتخرب طعمتها
عموما انا ابي اعطيك نصيحه اخو
عندك قدور السيف الصيني يجي نوعين المنيوم ونوع ستيل
اغلب الشباب يستخدمه من 8سنين يطبخ على نار
او على حطب
ماعمره قال اح والى يومك يستخدمونه
وفيه.نوع استيل انا افضله وعندي واحد 8 لتر يحبه قلبك
ياخذ 3 كيلو حاشي زي الحلاوه ويكفي رز 6الى 8 اشخاص
طبعا سعره
الالمنيوم من 60الى 80 حسب المحل ومزاج راعيه والمكاسر
الستيل 160الى 180 طبعا حسب مزاج اصحاب المحلات عليك فيهم كاسره لين ينغث ههه
لاكن رح للوكيل السيف لقيته عنده ب 120 وانا اخذه من محل برا 160 قهر هههه
وتراهن عمليات وحقات مكده
طبعا عندك مشكلتين بس اللي هي مسكة الغطاء وعراوي القدر
العراوي امىها بسيط لاكن مسكة الغطاء تنكسر لانها بلاستك وحلها بسيط
فيه مسكة نيكل قويه حدا سعرها 10 او 15 تلقاها بمحلات الاواني او الرحلات
وانتهى
ان شاء الله اكون افدتك
وبالتوفيق
ذيب الجلاميد
13/10/2012, 03:12 PM
السلام عليكم ورحمة الله
اخوي الكريم انا ما ادري وش صاير بالدنيا بس اذكر قيمته 600
هالقيمه غاليه وجنونيه انصحك لاتشتريه
ثانيا صحيح هو يطبخ اللحمه بسرعه والدجاج بسرعه بس مو على كلام راعي المحل
فيه مواصفات جيده من حيث طعم الطبخ خرافي والوقت اقل من الكواتم الاخرى
اما السلبيات ماتقدر تطبخ على النار اذا انت تحب تطبخ فوق الحطب ... ثقيل .. بلفه لو تضيعه بقيمه كاتم
النوع الاخر وما ادري عن قيمته ولاكنه ممتاز هو سب فرنسي هذا قيمته 350 الى 450 قبل يعني قبل سنه بالضبط
هذا ممتاز وطعم طبخه لذيذ اقل من الالماني بحاجه بسيطه لايمكن تمييزها للناس العاديين
ما ادري من اي الهواة انت مدري تحب العدن او الاستيل انصحك كانك حار تبعد عن الاستيل اذا تبي كل شي بسرعه
اذا تبي للبر وراعي طبخ على النار فيه صيني من فوق الكشتات وارد السيف واقف مثل السب شكله تلقى فيه اختلاف يكون طويل مقاسه 10 لتر اذا قلبت الكاتم تناظره مع قاعته وانت ماسكه مع عروة الفتح تشوف حوايف طباقته
اذا لقيت الماني مثل المعروض عروته حمراء 750 وتحت قيمه معقوله اذا لقيت مستعمل 400 وتحت خذ وتبي تدعي لي بس والله ظلم قيمته فوق الالف غبنه
والله ولي التوفيق
ابو ناصر2011
13/10/2012, 08:53 PM
الله لايهينكم ماقصرتوا كفيتوا ووفيتواا
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir