سؤال عن مواطير الكهرب

[أبرق الحيراء]

السلام عليكم ورحمة الله


جالس ادور ماطور كهرب ورحت ساكو .. ولقيت عندهم ماطور صيني آسمة firman
2800 واط ب 1500 وعليه ضمان 6 شهور .. عجبني سعرة وياليت اللي جربه يعطينا مميزاته وسلبياته

وعندي استفسار ثاني عن ماطور روبن 2600 واط كم سعره ؟

[Magellan]

والله وانا اخوك ما اعتقد احد في مكشات اعرف مني بالمواطير
عايشت جميع المواطير في بالك من الصغير والكبير
ماشفت احلى من هوندا وميتسوبيشي بالبنزين ويجي بعدهن الروبن الاصفر
وبالديزل مافي احلى من ليستر وبيركنز تبريدهواء
خبرتي في هذا المجال فوق ماتتخيل
اما الصيني فيمشيك الى ضمانه او اقل بشرط ان ماتختلف عليه اليدين
وكل فترة يطرحون موديل جديد واسم جديد يعني امس بإسم centrman واليوم fireman
فلاتتكل على الصناعه الصينية
اما الروبن فسعره برمضان قبل سنتين شاريه بـ2500 الاصفر مقاس 2510 ولازال شغال بس يبي مداراة وتغيير الزيت كل اسبوعين
والأفضل تاخذه من شارع الريل ان كانك من سكان الرياض ووكيله القديمي

[أبرق الحيراء]

والله وانا اخوك ما اعتقد احد في مكشات اعرف مني بالمواطير
عايشت جميع المواطير في بالك من الصغير والكبير
ماشفت احلى من هوندا وميتسوبيشي بالبنزين ويجي بعدهن الروبن الاصفر
وبالديزل مافي احلى من ليستر وبيركنز تبريدهواء
خبرتي في هذا المجال فوق ماتتخيل
اما الصيني فيمشيك الى ضمانه او اقل بشرط ان ماتختلف عليه اليدين
وكل فترة يطرحون موديل جديد واسم جديد يعني امس بإسم centrman واليوم fireman
فلاتتكل على الصناعه الصينية
اما الروبن فسعره برمضان قبل سنتين شاريه بـ2500 الاصفر مقاس 2510 ولازال شغال بس يبي مداراة وتغيير الزيت كل اسبوعين
والأفضل تاخذه من شارع الريل ان كانك من سكان الرياض ووكيله القديمي
اشكرك اخينا الكريم ماجلان لسرعة الرد وحبيت استفسر منك عن روبن المذكوور مانوع الزيت الي بغيرة كل اسبوعين ونو ع البنزين وكم ساعة ممكن يشتغل بدون ما اطفية وهل لازم اخلط مع البنزين زيت كل مرة اعبية؟ وتتوقع الناتج النهائى من 2510 واط لانى بستعملة بمخيم بالبر وحبيت اعرف الكمية المنتجة للكهرب و ؟ ومشكوور ادرى اسئلتى كثيرة لاكن منكم نستفيد لخبرتكم التى لا نستغنى عنها وعن الصوت هل هو عالي؟ واكرر شكرى وتقديري

[Magellan]

الاصفر يجي 2510 شمعه يعني مهوب 2600 وفيه روبن تقليد لونه احمر
والزيت عادي حق السيارة عياره 10w30 كاسترول وصرته لحاله والبنزين اخضر ماعندك مشكله
والقدرة ما اتوقع يجيب 2500 شمعه غديه 2000 شمعه وتخب لأن بعض الكهرب يضيع بالأسلاك وكل ماطالت الاسلاك والحوسة كل ماضعف
والمخيم افضل شيء لمبات موفرات الطاقة او نجفات لاتسوي مثل اللي يحطون عقود لمبات صفر
اما التشغيل فحسب يعني مثلا عندنا بالصيف نشغل المكيف الصحراوي مايقعد 7 ساعات
والحين بدون مكيف صحراوي يقعد 10 ىساعات
فكل مازاد الحمل صار يشرب بنزين
والصوت اي والله عالي بس رده ببلكاش واذا انت هاوي شغل،،، احفر له وسقطه بحفرة وحط فوقها بلكاشة ، انا عندي بغرفة تبعد عني 60 متر فالصوت ما اهتم له

[أبرق الحيراء]

الاصفر يجي 2510 شمعه يعني مهوب 2600 وفيه روبن تقليد لونه احمر
والزيت عادي حق السيارة عياره 10w30 كاسترول وصرته لحاله والبنزين اخضر ماعندك مشكله
والقدرة ما اتوقع يجيب 2500 شمعه غديه 2000 شمعه وتخب لأن بعض الكهرب يضيع بالأسلاك وكل ماطالت الاسلاك والحوسة كل ماضعف
والمخيم افضل شيء لمبات موفرات الطاقة او نجفات لاتسوي مثل اللي يحطون عقود لمبات صفر
اما التشغيل فحسب يعني مثلا عندنا بالصيف نشغل المكيف الصحراوي مايقعد 7 ساعات
والحين بدون مكيف صحراوي يقعد 10 ىساعات
فكل مازاد الحمل صار يشرب بنزين
والصوت اي والله عالي بس رده ببلكاش واذا انت هاوي شغل،،، احفر له وسقطه بحفرة وحط فوقها بلكاشة ، انا عندي بغرفة تبعد عني 60 متر فالصوت ما اهتم لهماقصرت اخونا الحبيب ماجلان واكرر شكرى وذا تخبر لي ماطور استعمال حشمة شبة جديد اكون لك من الشاكرين تقبل تحياتى وتقديري انا بالرياض وبمر ان شاء الله شارع الريل حسب نصيحتكم ومشكوور

[Magellan]

استعمال حشمة ما اعتقد تحصل إلا في مواقع الانترنت ومنها مكشات
وطريقة الفحص سهلة:
1- اذا شغلت الماطور وربطت عقد لمبات عليه اذا شفته يرمش او تتذبذب الاضاءة فالمشكلة من الدينمو او احد ملحقاته
2- شغل الماطور بعد تغيير زيته لمدة سبع ساعات لو وجدت نقص في الزيت فأعلم انه يحتاج توضيب
وعادة اللي يباع في الحراج من النوع الردي او المّستهلك ويحتاج صيانة

[* ابو باسل *]

استعمال حشمة ما اعتقد تحصل إلا في مواقع الانترنت ومنها مكشات
وطريقة الفحص سهلة:
1- اذا شغلت الماطور وربطت عقد لمبات عليه اذا شفته يرمش او تتذبذب الاضاءة فالمشكلة من الدينمو او احد ملحقاته
2- شغل الماطور بعد تغيير زيته لمدة سبع ساعات لو وجدت نقص في الزيت فأعلم انه يحتاج توضيب
وعادة اللي يباع في الحراج من النوع الردي او المّستهلك ويحتاج صيانة

معلوماتك قيمة استفدنا منها جميعا كتب الله اجرك وجزاك الجنه ووالديك .

[ابشر بسعدك]

اخوي ماجلان سلمك الله انا سمعت ان الروبن اللي رقمة زي 3510 مثلا يكون نوع مايتحمل زي الموديلات اللي تحمل رقم زي 3500 بدون 10 وكذا هل صحيح الكلام هذا

[أبرق الحيراء]

استعمال حشمة ما اعتقد تحصل إلا في مواقع الانترنت ومنها مكشات
وطريقة الفحص سهلة:
1- اذا شغلت الماطور وربطت عقد لمبات عليه اذا شفته يرمش او تتذبذب الاضاءة فالمشكلة من الدينمو او احد ملحقاته
2- شغل الماطور بعد تغيير زيته لمدة سبع ساعات لو وجدت نقص في الزيت فأعلم انه يحتاج توضيب
وعادة اللي يباع في الحراج من النوع الردي او المّستهلك ويحتاج صيانة
اشكرك جزيل الشكر لتنبيهك الذى ينم عن خبرة سنين وجزاك الله كل خير اخونا الكريم ماجلان ولا نستغنى عن خبراتك تحياتى لك

[أبرق الحيراء]

اخوي ماجلان سلمك الله انا سمعت ان الروبن اللي رقمة زي 3510 مثلا يكون نوع مايتحمل زي الموديلات اللي تحمل رقم زي 3500 بدون 10 وكذا هل صحيح الكلام هذا

واضم صوتى بالسوال مع اخونا ابشر بسعدك وننتظر اجابتك دمت بخير

[Magellan]

اخوي ماجلان سلمك الله انا سمعت ان الروبن اللي رقمة زي 3510 مثلا يكون نوع مايتحمل زي الموديلات اللي تحمل رقم زي 3500 بدون 10 وكذا هل صحيح الكلام هذا

وانا اخوك 3510 يجي لونه اصفر وللمعلومية شركة روبن هي نفسها شركة سوبارو حقت السيارات
لكن3500 يجي احمر واذا مانيب واهم فهو ماليزي درجة ثانية،،،
يعني المفضل شراء 3510 او 2510 ،المهم اللي لونه اصفر فهو الاصلي
،،،،،
* للمعلومية مرت علي فوق 16 مكينة وماطور فيه منهن اللي سرق واللي خرب واللي موجود بالمزرعه

[قنآاص محترف]

كم تكلفة توضيب الماطور ٧٦٠٠ كيلو - شكرآ

[ابو هشام]

عندي اسأله لو اﻷخ ماجﻻن موجود وﻻ يهون بقية الخبراء

رحت ابي اشري ماطور لقيت نوع صيني عليه ضمان ولقيت هايونداي تجميع صيني. 7 كيلو تبريد هوا

البائع يقول جميع مواطير الكهرب اللي بالهوا ما تقدر تخليها شغاله 24 ساعه. ﻻزم تريحها.

قلت له اول مره اسمع. في مواطير كثيره تبريد هوا مثل بعض الدبابات وحتى سيارات ومو ﻻزم تريحها

المهم انا احتاج ماطور يشتغل بدون توقف ياليت تنصحونن

[* ابو باسل *]

عندي اسأله لو اﻷخ ماجﻻن موجود وﻻ يهون بقية الخبراء

رحت ابي اشري ماطور لقيت نوع صيني عليه ضمان ولقيت هايونداي تجميع صيني. 7 كيلو تبريد هوا

البائع يقول جميع مواطير الكهرب اللي بالهوا ما تقدر تخليها شغاله 24 ساعه. ﻻزم تريحها.

قلت له اول مره اسمع. في مواطير كثيره تبريد هوا مثل بعض الدبابات وحتى سيارات ومو ﻻزم تريحها

المهم انا احتاج ماطور يشتغل بدون توقف ياليت تنصحونن



بدون توقف معناها زيته لازم تغيره كل ثلاثة ايام واكيد لازم تريحه بعد كل 12 ساعة شغل على الاقل .

[الهواوي 1]

هوندا جرب ماراح تخسر