طير حر ميقدر يطير

[من طبعي القنص]

عندي طير حر مثلوث تواه طالع من المربط ولحظت ان الطير مايعلي ولايقدر يطير :l كشفت عليه في الرياض في مستشفي الصقور وقالو سليم الطير لكن المشكله انه نازل وزنه ثلاث مئه وزنه الطبيعي الف هل له علاقه في الطيران واش تنصحوني فيه يانشامه تكفون على الله ثم عليكم

[ابوفواز الشمري]

اكيد الوزن والصنعه لها دور ارفع الطير .. وبالتوفيق لك

[عادل الهلباني]

شي ضروري انك ترفع وزن الطير ..
انصحك بالسمان ترى يرفع الطير لـ اكله كامله ..

وان شاء الله تبشرنا بالعلوم اللي تسرك "

[نجم404]

الطير مربوط طلق ولا على وكره

اذا على الوكر فهذا طبيعي لان له فترة ماطار يبي له جرد عليك بالملواح وفالك الخرب

[طير الشايب]

خذ من المستشفى حبوب فيتامينات وحبوب الملوع وعطه كل يوم قبل العلف بنص ساعه لمدة خمسة ايام وادعه وباذن الله بتزين اموره

[أحمد الشمري1]

السلام عليكم

هذا بلا المرابط الله لا يجزي من يقصر منهم بخير

الطير نازل ... تأكد ان الطير مابه دود لأن على كلامك وزنه الحالي 300 وقبل الربطه 1000 فيه نزول قاتل .

وعليك بأفخاذ الدجاج ترى ترفع وزن الطير مع فيتامينات المستشفى الحبوب الحمرا وانا مجربها على طيوري تبي تشوف طيرك خلال اسبوع مرتفع ارتفاع طيب في وزنه .
بس ريح الطير لا تدعية على وزنه هذا وليا ارتفع وزنه فوق الــ 700 ابدى بالملواح وادعه دعوا خفيف اللي يتليق لياقة بسيطة اللي تشد له جسمه

اتمنى اني فدتك بذلك.

[alanzi1]

منت خسران شي ارفع وزنه وبأذن الله ينومسك فعله

[من طبعي القنص]

جزاكم الله الف اخير علي النصايح

[قلب ذيب]

حياك الله .
طيرك فيه مرض , ولازم يتعالج يمكن يكون دود بطن او دود رئه او قلة مناعه في الجسم , اذا الطير اكله زين ومحطه ابيض باسود فحاول ان ترفع عدته عشا غدا , اذا ماتغير حاله فعليك بالبيطري العارف . الله يوفقك .

[koko9999]

تأكد ن عدم وجود ورم تحت الجناح حول الظلوع لانة صارت بطيري من خمس اشهر وهو هزيل ولاياكل كثير ولايطير ولابان بالفحص وزنة 400 من 1050 وبعد اخراج الورم طاب الطير ورتفع الوزن بس باقي ماطار الجرح ما التئم ويكون يهدل جناحة

[راعي اطيور]

مثل ماقال اخونا عليك بفخوذ الدجاج وحبوب الفيتامين الحمرا
كل يوم حبه العصر
ومن ناحية العلف عطه صبح وعصر

ياخوك ترا البيطري اذا مو خبره ترا ماعنده سالفه
كل بيطري وحسب خبرته
اذا الطير غالي عليك رح يم اي بيطري يمدحونه
وعليك بالفيتامينات
الله يشفيه ويرده ازين من اول

[طيار قطر]

افحص الدم وخذ له اشعه لانه احتمال يكون فيه رصاص او صكم فالطير وهذا يسبب عدم الارتفاع فالاغلب والله اعلم

[قرناس شماالي]

يالغالي الطير ضعيف لازم تصنعه
ويشد اذا رفعته ويطير

[شلهووب]

سلام عليكم ورحمه الله وبركاته

على كلام اخواني الاعضاء دب الطير حمامه كامله ودق عضامها ناعم وعطه اذا مانفع استعمل الحبه هذي
اذكر في حبه على مااضن اسمها سنرملا حبه هذي تجيك زي الكبسوله فك الكبسوله ورشها على العلف وعطه
وذا صنع نفسسه تمام انصحك تستعمل حبه الحمره هي حقت ملوع تدعي الطير وتعطيه ثندا مع حبه وحده فقط
بالتوفيق

[الجره جديده]

ارفع الطير دام ان الجو يساعدك على الرفع وبعدين مافيه حر مثلوث وزنه الف الا اذا كان ماهو حر تهجين او في الربطه لكن انت ارفع طير وادعه لين ينطلق جناحه فكه من الحمام ما دمر الطيور غير هالحمام

[alyasy]

صباح الخير

جرب هذا الفيتامين
http://vetafarm.com/images/thumbnails/0/400/400/Falcon_Create_Muscle_Power.jpg
Falcon Create Muscle Power
لبناء العضلات وتقويتها

ويعطا للطير طول موسم الصيد كالتالي:
كل يوم مرة واحدة تعصر الدوا على العلف او تعطية بشكل مباشر في الفم وكل ضغطة منه تعادل واحد ملي.

وهذا الموقع فيه شرح أكثر لفوائد الفيتامين
http://vetafarm.com/product-28.html

اتمنالك التوفيق

[شلهووب]

صباح الخير

جرب هذا الفيتامين
http://vetafarm.com/images/thumbnails/0/400/400/Falcon_Create_Muscle_Power.jpg
Falcon Create Muscle Power
لبناء العضلات وتقويتها

ويعطا للطير طول موسم الصيد كالتالي:
كل يوم مرة واحدة تعصر الدوا على العلف او تعطية بشكل مباشر في الفم وكل ضغطة منه تعادل واحد ملي.

وهذا الموقع فيه شرح أكثر لفوائد الفيتامين
http://vetafarm.com/product-28.html

اتمنالك التوفيق

سلام عليكم
اخي الكريم من وين نحصل مثل هذا الدواء انا سألت عنه عندنا فالكويت ماحصلت هل اطلب طلبيه من برا ؟؟؟

[alyasy]

سلام عليكم
اخي الكريم من وين نحصل مثل هذا الدواء انا سألت عنه عندنا فالكويت ماحصلت هل اطلب طلبيه من برا ؟؟؟

وعليك السلام

تقدر تطلبة من الموقع في حال انك مالقيتة يباع حولك.

اتمنالك التوفيق