ياصقارين نريد منكم طريقه لطرح الصقور تستخدم في الاماكن الوعره

[ابوهمام5]

السلام عليكم ورحمة الله وبركته
اخواني صقارين مكشات نريد منكم ان تدلونا على طريقه تنفع معي في طرح الصقور لان ارضنا وعره وكلها شعاب وضلعان يصعب التنقل ورا الصقور بواسطت السياره وصعب اني استخدم الطراد لطرح اريدكم تدلوني على طريقه مجربه وتنفع في الاماكن الوعره.
واي من الشباك افضل هل الي عيونها كبار او الي عيونها صغيره وكثيره.
دمتو بصحه وعافيه

[الشامخ عرعر]

الله يرزقك باللي مايتعبك بالنسبه للطريقه انا اشووف السبب حق الطير او السلك القوي يكوون طوويل شوي عشان الحمام او السمان يقدر يطير مسافه وتربط ثقااله فيه بالتوفيق

[عيد ثاني]

ابو همام ...

لا أزيد على كلام شامخ عرعر...

بالتوفيق ..

[ابوهمام5]

تسلم يمينك ومشكور على مرورك يانشمي

[الاعشى55]

( الشباك افضل هل الي عيونها كبار او الي عيونها صغيره وكثيره ) والله اتمنى الطوريح يفيديونا من الناحيه هذي

[نجم404]

انا مع الشامخ كلاا 100%

والله يكرمك بالنادر

[راعي الطييب]

( الشباك افضل هل الي عيونها كبار او الي عيونها صغيره وكثيره ) والله اتمنى الطوريح يفيديونا من الناحيه هذي

حسب تجربتي الكبار افضل


كذالك الطريقه الافضل مثل ماذكر اخونا


اشبك الحمام بعد ذالك اربط جسر الشبكه بسبب ( خيط طويل ) واخر السبب ثقاله ثقيله شوي علشان مايطير فيها الطير


بخصوص السبب لازم يكون قوي لن الوعر كله حجر وممكن مثل السكين

تحياتي لك

[ابوهمام5]

مشكورين جميعا على المرور ومستنين ارا بقيه الاعضاء

[راعي مستور]

افضل طريقه في الامانك الوعره هي النقل ولاتعدى على الربع الي قبلي وتقبل مروري

[أبوصقر الشمري]

انشاء الله اخوانا الطواريح يفيدونك

[ابوهمام5]

اشكركم جميعا على تعاملكم الطيب دمتو بصحه وعافيه

[ابوهمام5]

هل يمكن صيد الحر والشاهين بوسطة القرشعه او ماتسمى المناشبيه او ماتصيد الا البواشق

[حشّار]

افضل طريقه في الامانك الوعره هي النقل ولاتعدى على الربع الي قبلي وتقبل مروري

السلام عليكم
في الاماكن الوعره يمنع النقل لانه خطير وصعب متابعته بسبب وعورة المنطقه وممكن يعلق الطير وانت مضيعه ويموت هو والباشق اللي منقل به
ولكن الافضل في المناطق الوعره استخدام الطراد بريشه ولا ينصح باستخدام السبب
اذا لقيت الطير عطه زريق طيار واذا صاد راقبه بالدربيل حتى تتاكد انه علق ثم هد الطراد عليه والله يرزقك ويرزق من يقرأ النص

[ابوهمام5]

مشكور ياحشار على الرد السليم بس ارضنا كلها شعاب وضلعان يصعب استخدام الطراد

[rkorshed]

كلام سليم 100%

[علي الشيباني]

السلام عليكم ..
اخوي صاحب الموضوع
كل ماقاله الاخوان الاعضا صحيح وتنجح
لاكن اللي مضمون بامر الله الكوخ
وهي طريقه طرح الصقور ويشتغل الكوخ وقت الحومه من 9 صباح الي 3 عصر
وتستخدم فيه الشبوط والخمامه والقمريه والسمان وشبك ارضي السنان لها شبكه ارضيه معروغيه لاكن البقيه لهم شباك لاكن ترتيبعا وتركيبها في غايه الصعوبه
واختسار المكان للكوه شي مهم يعني تحطه في شعيب بين جبيلن تكون المسافه بينهم وسيعه
ومعروف ان حوم الطيور كلها علا روس الظلعان
فانا وهي طريقه مجربه وناجحه باذن الله

[برق المغيب]

اذا لقيت الطير عليك بالزريق المثقل وانا اخوك خصوصا المنطقة وعرة الطير احرص منك ياسرع ما يختفي عنك بين الضلعان بالزريق الطلق ولايمديك تفك الطراد عليه الله يكرمك بالطير الهادي اللي مايتعبك ويكرم من يقراء

[عشق الفتك]

بنسبه للارض الوعر عليك بشبك الارضي ثابت

[يحيى 2400]

ممكن توضحون وش هو الطراد
تخبرون اختلاف اللهجات

[ابوهمام5]

مشكورين ياصقارين وسوف اجرب كل افكاركم قريبا بس ماحد فادني بخصوص القرشعه

[حشّار]

ممكن توضحون وش هو الطراد
تخبرون اختلاف اللهجات

الطراد : هو طير اما يكون شاهين جبلي والا وكري يستخدم اذا عطيت الطير زريق بدون ثقاله وضف العلف وطار فيه تهد الطراد عليه وياخذ العلف منه


اما القرشع ما يهد عليه الطير اللي يهد عليه الباشق

[الاعشى55]

مو شرط ان الطير مايهد على القرشع عادي يهد



http://store1.up-00.com/Sep12/Ejj56617.jpg (http://www.up-00.com/)





http://www.youtube.com/watch?v=4XRn5l55EyM


ــــــــــــــــــــــــــــــــــــــــــــــــــ ـــــــــ
يوجد موسيقه


http://www.youtube.com/watch?v=iyIRQxCrfkU

[ألحر العراقي]

السلام عليكم

اخوي استخدم حمام او قطا عدل واربط خيط او سلك قوي مع ثقاله
والله يرزقك بالنادر

[ابو ثنين]

موفق خير ان شاء الله

[Al36auy]

سبحانك اللهم وبحمدك أشهدو أن لاإله إلا أنت اسعفرك وأتوب إليك

[ابوهمام5]

مشكورين على تعاملكم جميا صرحه شكلي اتعبتكم

[ابوهمام5]

الاعشى هل كل الطيور تهد على القرشعه او بعضها وضح لي اكثر