لاهل الفتك لله لا يهينكم

[عاشق غريب]

السلام عليكم ورحمه الله وبركاته

يالله حي جماعه الربع

عندي مشكله في لاديتر يفور دايم في النفود ولا على خط اذا كنت مسرع بس ما يفور الا اذا طفيت الموتر والحراره ثابته ولاديتر ما ينقص الحمد لله
الفتك موديل 2008 سوبر

ابي الحل الله لا يهينكم

[ابو فيصل 99]

دام الحراره ثابته ماترتفع خله يفور على كيفه
وبعدين كيف عرفت انه يفور انت تفتح الغطا ولاتسمع الصوت بس

[عاشق غريب]

اسمع صوته واذا فتحت القربه القى فيها نصها واذا برد الموتر القاها فاضيه ما فيها ولا قطره

[jeep 2001]

صيخ الاديتر وركب بلف جديد
وركب مويه مستبيشي والباقي خلها ماء مقطر
وشكرا

[sgl2002]

هل الماء ينقص

هل الماء تشوفه وصخ

هل الغطيان مضبوطه

[ابوسند9]

مثل ما قال اخونا jeep

[برايدوي عنيد]

هلابك اخوي

لاتحرك ساكن اوتخسر شي

شيك على الماء والموتر بارد , طبعا القربه اللي جنب البطاريه تكون فل و والقربه اللي جنب الاديتر فيه علامه يكون الماء عليه

ولو تمر على محل اديترات وتخليه يفرغ الهواء اللي داخل دائره الماء لان له دور في نقص الماء

وشيك على غطيان الاديتر حيث ان غطاء الاديتر بدون سسته والقربه به سسته


اتوقع انه اول ماتوقف من طريق بعد سرعه عاليه شوي او تطعيس تطفي السياره على الطول طبعا سبق ان صارت معي والسبب انه الماء يكون زايد شوي فالافضل تخلي السياره شغاله له شوي .


تقبل مروري......

[العفّار]

اذا التفوير في القربه وليس بالاديتر وهذا اخي نفس اللي بموتري من سنوات بمعنى ان الهواء الحار ينفخ المويه بالقربه وطبيعي تفور !

اذا حرارة موترك طبيعيه وانبير الحرارة شغال كويس لاتغير ساكن ابد ومابين فتره وفتره شيك على موية الاديتر اذا قمت الصباح فقط والباقي لايهمك وتوكل على ربك

[الكدن1]

**غطاء الاديتر يدخل هواء فيحصل التفوير يحتاج تغيير الى الاصلي
ممكن تجرب وتاخذ غطاء من احد اصحابك اهل النياسين قبل الشراء
**او احد الخراطيش ينصفط
افتح الكبوت وخل واحد يدعس على البنزين بقوه وركز على خراطيش الاديتر

**الاحتمال الاخير السرندل اذا سبق ان ارتفعت حرارته اكثر من مره
ملاحظة:
اذا كان التفوير والحرارة قد اقتربت من النصف فهذا طبيعي بعد الدخول في رمال او مراقي نفود طويل
هذه تجربتي وربما لاتفيدك