المساعد الشخصي الرقمي

مشاهدة النسخة كاملة : سؤال: ماهو الوضع المناسب للساعة في مكينة القصية؟


ابو عبدالرحمن القرش
13/10/2012, 01:31 PM
السلام عليكم
بخصوص ساعة المكينة
سؤالي : هل المفروض تكون ساعة المكينة مشدودة لدرجة معينه ام تكون خفيفة جدا
يعني بعد رمي السنارة وتثبيتها هل اخلي الساعة خفيفة بحيث اصغر السمك يمكنه سحب الخيط ام اني اخلي الساعة مشدودة الى درجة معينه؟


طبعا سبب سؤال انه يوم الخميس الماضي كنت متواجد في خليج سلمان وعندما رميت السنارة وكان الطعم عبارة عن سمك (باغة) والثقل كان قبل الميدار,
بعد مارميت وجيت اثبت السنارة فجاة تضرب عليها سمكه و وتسحب الخيط بسرعة , وكنت ماسك القصبة واول شي سويته شديت الساعة شوية علشان اقدر اسحب
ولكن للاسف صخرت يعني السمكة سحبت الخيط ودخلت بين الصخور
فهل طريقتي صحيحة في شد الساعة عندما ضربت السمكه؟
ومثل هذة الحالات وش المفروض ان الواحد يسوي
يسحب القصبة على فوق بقوة ام يعطي السمك فرصة مع الخيط


يعني باختصار وش الحل علشان ماتصخر السمكه اذا ضربت معاي؟


افيدونا جزاكم الله خير
NAIF AL TAIF
13/10/2012, 02:51 PM
هلا اخوي
بالنسبه للساعه على حسب قوة الشد يعني اذا السحب مره قوي ارخي الساعه درجه درجه عشان لا ينقطع الخيط
وبالنسبه للتصخير اذا صخرت معك السمكه ارخي الساعه تمامآ عشان تطلع من تحت الصخور واذا حسيت انها طلعت شد الساعه وأسحب
baracuda
13/10/2012, 03:39 PM
كلام اخي نايف سليم
انا اسوي كدا اكون مقفل الساعه وماسك القصبة بيدي
اذا شي كبير ك الساعه لين تتعب وارجع شد الساعه واسحبها
واذا صخرت ارخي الخيط واستنى عليها لين تطلع واسحبها
بحري نجد
13/10/2012, 04:51 PM
الطريقة المتبعة باختصار: تجعل قوة السحب تساوي 25٪ من قوة تحمل الخيط،

بمعنى لو كان قوة تحمل الخيط الي تستخدمه 100كيلو، تشد الساعة في المكينة حتى تكون قوتها 25 كيلو، فلو كان سحب السمك قوته 25 كيلو وتحت ما راح يقدر يجر الخيط، ولو زادت قوته بيطلع معاه،

الفايدة هنا أنك ما تشد الساعة بحيث يكون أقوى من قوة تحمل الخيط فيسبب انقطاع له في حالة صدت سمك قوي سحبه أو حصلك تصخير،

طيب كيف يتم معرفة قوة الشد عشان أوزن الساعة؟

الجواب : باستخدام الميزان المخصص لهالشغله واسمه Reel Drag Scale ، ويمكن استخدام الميزان المعروف حق السمك لكن يكون فيه قراءة ثابته بحيث بعد الوزن تبقى القراءة ثابته دون تغير حتى تصفر الميزان بيدك

تربط خيط السنارة بالميزان وتشد الساعة ثم تسحب الميزان وتشوف قوة السحب كم الي بدا يسحب معك خطي فيها، وتبدا تشد الساعة ثم تقيس مرة ثانية حتى تصل للقراءة المطلوبة في الميزان

هذي صورة توضيحية


http://fishingnoob.com/wp-content/uploads/2007/11/dragsetting.jpg
ابو عبدالرحمن القرش
13/10/2012, 07:15 PM
الاخ العزيز
NAIF AL TAIF (http://www.mekshat.com/vb/member.php?u=248238)

(http://www.mekshat.com/vb/member.php?u=248238)
اشكرك من الاعماق
لكن المشكلة الواحد مايعرف وش الي ممكن يضرب معاه ممكن سمك كبير وممكن متوسط

الاخ العزيز: baracuda (http://www.mekshat.com/vb/member.php?u=252561)

اولا اشكرك لاني اول مرة اعرف مكان شعاره في الكورنيش الجنوبي كان عن طريقك
نرجع لموضوع الساعة
اشكرك على افادتك المسالة تحتاج الى خبرة مع الزمن والوقت

الاخ العزيز : بحري نجدي

ماشاء الله تبارك الله صراحة ابدعت في الشرح والتوضيح
وصدقني اول مرة افكر في الميزان

ان يمكن لانها اول مرة تضرب معي سمكه كبيرة ولم استطع التصرف لكن مع الوقت ان شاء الله نتعلم

اتمنى تعم الفائدة للجميع

تحياتي
accentkool
19/10/2012, 03:59 AM
المفرووض انك ترخي منها شووووووي
والله يرززقك الاحجام الكبيرة بدون قص الخيط
ابو عبدالرحمن القرش
19/10/2012, 03:22 PM
المفرووض انك ترخي منها شووووووي
والله يرززقك الاحجام الكبيرة بدون قص الخيط



شكرا لك اخي العزيز accentkool

على المعلومة

تحتاج الى الخبرة ان شاء الله مع الوقت نكتسبها

اكرر شكري لك