وش الحل في السدد

[alqtri]

السلام عليكم يالربع

عندي قرناس شاهين خلوي والطير فيه سدد

هل فيه علاج مضمون بعد رب العالمين

[عواد الشمري2]

التنضيف كل سبوع

[AL MSAFER]

السده بشكل عام علاجها مو بيوم وليله يبي وقت

العلاج ربط الطير على رمل نفود احمر مخلوط بملح
او حصى ملح تحصلها عند العيادات البيطريه
او دهن رجل الطير بكريم ابو اسد بشكل يومي اخر اليل
ولا يحوش السده ماء بي شكل من الاشكال
رش منخر الطير في المر يخفف من ورم السده

[نجم404]

كلام سليم 100%

والله يبعد عن طيورنا وطيوركم كل مكروه:BUTT1:

[alqtri]

يعطيكم العافيه ياشباب

خذت الطير لدكاتره 2 واحد قالي بخه بماي يومياً

والثاني عطاني له علاج مثل الماي اقطره داخل منسم الطير

بس هل هذا بياثر على طيار الطير او ارتفاعه او سبقه ؟

[حشّار]

ياشباب وش فيكم مستعجلين شكلكم رديتوا ماقريتوا موضوع الرجال زين الرجال يقول سدد (يقصد انف الطير)
وانتم تردون على علاج السده ( في كف الطير) ركزوا ياصقاقير

[alqtri]

ياشباب وش فيكم مستعجلين شكلكم رديتوا ماقريتوا موضوع الرجال زين الرجال يقول سدد (يقصد انف الطير)
وانتم تردون على علاج السده ( في كف الطير) ركزوا ياصقاقير

صحيح كلامك اخوي انا اقصد السدد في منسم الطير

[حشّار]

أكيد اخوي يأثر على طيار الطير لكن ضف الطير وصلّه وخل واحد يبخ ماء دافي في كل فتحه من منخر الطير ببرواز ونظف منخر الطير بعود بس خلك حذر لا تنقز قرنفلة الطير
والقطره تراها زينه لا الوسخ اللي في منخر الطير مخاط وجايه رمل ومسكر منخر الطير
لكن ألطريقه هذي لا يسويها الا صقار ويده خفيفه ترا اللي ماكد سواها ممكن يضر الطير خصوصاً اذا بخ الماء بمنخر الطير يمكن يدخل داخل رئه الطير ثم يصيبه مرض اقوى (( النهيته)) انتبه
والا رح بطيرك للمستشفى وهم يسوونها لك

[ابوحزااااااام]

من علاج السدد انك تعطي الطير عصب وتخليه يمعطها لين تشوفه يطلع ما من منخره
واما بالنسبه لعمليت التنظيف لاتخلي احد يسويها الا واحد متخصص او دكتور

[alqtri]

يعطيكم العافيه ياشباب وماقصرتو وا لله بيض الله وجيهكم

[المضلي]

يمدحون المغذي ( الجلكوز )
قطره في منسم الطير كل ساعتين