استفسار عن الرجه في البترول ايش اسبابها

[القنــ أبو تركي ـــاص]

السلام عليكم ورحمه الله وبركاته
اخواني عندي جيب نيسان 4 أبواب موديل 98
طلع فيه رجه ماهي صاحيه على الطريق اللى يكون فيه حفر بسيطه
اضطر اني اهدي لين يمشي عشره ما ادري ايش اسبابها الله يجزاكم خير
لاحد يبخل علينا بالحل
والله اني كرهت السياره من هذي الرجه
تحياتي لكم

[abo naser 1]

السلام عليكم

شيك على مساعد الدركسون تراه يسبب رجة مع المطبات الخفيفة رجة غير طبيعية للباترول وقيمته لا يتجاوز 100 ريال للأصلي

[sgl2002]

والجلب الامامية اللي فوق مساعد الدركسون

[الإستراتيجي]

بعض الأحيان تطلع المشكلة من أشياء توافه وبعض المرات يكون مشكلته كبيرة وخطيرة


لذلك أنصحك تشيك على كامل المقصات و كل حاجة أمامية وإلي يحتاج تصليح صلحه

وذلك لأنه تسافر عليه وتمسك به خط


ولو كنت ما تبي تشيك أنصحك لا تسرع فوق 80 نهائي


لكن لو أني منك أوصل أفضل ورشة في منطقتك وأخليهم يشيكون على كامل المقصات الأمامية مع الأذرعة ودائما ما أغير كامل الجلد و الأذرعة لما أفكر أغير أبحث عن أي قطعة مشكوك بها أو فيها فضاوة بسيطة أغيرها مباشرة :good2:


كم سيارة صار لها حادث بسبب الإهمال وهذه حياتك المفروض تهتم في السيارة إلي تركبها ولا تحاول تخاطر بحياتك

[القنــ أبو تركي ـــاص]

الله يجزاكم خير
ابو ناصر انا غيرت مساعد دركسون ياباني بس نفس المشكله
SGL2002 +الاستراتيجي
ما قصرتو بعد
مع اني وديت السياره شييك عليها يقول ما فيها شي
اليماني يقول حيرتنا هذي السياره
بس ببداء بتغيير مساعد الدركسون بركب اصلي وبشوف

[الزامل الاول]

شيك على الذراع وركب كراسي بدي

[h999mdn]

اخوي الكريم القـنـ ابو تركي ـاص ..سبق وان حصل معي مثل هذا الوضع في سياره نفس الموديل واتضح أنه من رمانات الهوبات الاماميه تحتاج إلى شد قليل وبالفعل عملت لها شد والحمد لله انتهت الرجه تماما..فلاتغير اي شي حتى تتأكد منها حتي ماتخسر واجد .تحياتي .