المكيف مايطفي شغال وان طفئ وشغلت السيارة اشتغل من نفسه

[الوعل888]

السلام عليكم ورحمة الله وبركاته
عندي vxr
2003
انكسرت قاعدة طرمبة الماء وانفك سير المكينة والمكيف كان شغال وقتها ( مادري له دخل )

الزبدة رحت للورشة
وغيرت القاعدة وبواجي وجنزير المكينة

وسحبوا كل الراتب والحمدلله
ماشم يوم رابع

من بعدها المكيف معلق يشتغل اطفيه يجلس ثانيتين ويشتغل من نفسه
اطفي السيارة وهو طافي المكيف
ثم اشغلها يصير شغال كاني مطفي السيارة وهوشغال
وش الحل تكفون

[ابن روزه]

انا سيارتي كيا والمكيف شغال على طول وما انتبهت له الا بعد خمسة ايام من شرائها المهم رحت اغلب الورش وما استقبلوها لانها كمبيوتر وصعب تصليحها المهم دلني واحد يماني على كهربائي مصري في خضرية الدمام وقال هو افضل كهربائي هنا وفعلا ذهبت له وباين انه محترف من الزحمه وشاف السياره وقال امرها بسيط خلها وارجع بكره من كثر الزحمه اللي عنده ورجعت اليوم الثاني ووجدتها جاهزه وطلب ١۰۰ ريال اجرة يد وسألته عن السبب قال كانت المشكله في نفس السوتش
اذا انت في الدمام ادلك عليه

[الوعل888]

الله يوفقك ويجزاك خير
وشكرا لك
لا والله الدمام بعيد عني جدا

[اابوكايد]

اخوي الوعل انت عندك مشكلة من الورشة الي اشتغلت بالسيارة
قبل كم يوم جا واحد من الربع يشتكي ان المكيف دايم شغال معه وسالته انت سويت شي قال توي مطلعها من الورشة مغير راس المكينة وبعدها صار المكيف شغال المهم قمت وقلبت السيارة يوم كامل بالاخير لقيت المشكلة راعي الورشة شابك سلك غلط مع حساس المكيف الي بالخزان فصلته ورجعت السيارة كما كانت
شف الشغلة عندك احدا احتمالين يانه شابك سلك غلط في الكمبرسر او حساس المكيف او انه موصل سلك مع احدى علب الكتاوت الي بالكبوت ابحث ان عن اي سلك تحسة جديد او شطرطونة جديد وافصلة وجرب ترا
او ان فيش تشغيل المكيف معلق الي داخل السيارة هذا بسيط تقدر تتاكد منه انك تفصلة وتشغل السيارة اذا ماشتغل المكيف فهو المشكلة واذا اشتغل المكيف فالمشكلة مثل ماقلتلك سلك موصل علط

[M7akee]

تاكد من الثلاجه يالغالي لاتكون شغاله لانه اذا الثلاجه شغاله ما يطفى المكيف