طراد للبيع ( بالدمام )

[الزفر]

السلام عليكم ورحمة الله وبركاته ......

عندي طراد للبيع موجود بمدينة الدمام
الطراد انا شارية من البحرين قبل 6 شهور وسبب البيع عدم التفرغ

الطراد يمكن نزل البحر 10 أو 15 مرة يعني جديد

مواصفاته
الظاعن 24 قدم + مظلة + المقاعد منجده + فصال للكهرب + نزافه + تسليك الكهرب والاضاءة + خزان وقود 204 لتر ( طبعا هذه الاشياء من المصنع يعني وكالة )
الماكينه : سوزوكي 140 حصان تقريبا ماشية 16 ساعة
عربة فصلتها في الوقت اللي شريت فيه الطراد

جهاز فيش فايندر 300 سي


أنا كلفني الطراد مع العربة 90000 ريال

وارغب في البيع لعدم التفرغ له
واتمنى منكم السومات الطيبة
والصور بنزلها قريب انشالله

للأستفسار الاتصال : ابو محمد 0560572059

[baracuda]

الله يرزقك الزبون الطيب

[هاوي شعري]

يعطيك العافيه اخي الكريم والله يرزقك البيعه الي تبيها ان شاء الله
ممكن توصف مقع الطراد ودي القي نظره عليه اذا ما في مانع طبعا
ولك التحيه

[مراسل2008]

السلام عليكم

اخوي هل في امكانية تبيع القرف بدون المكينة ؟

[ماسيوم]

مسا الخير..
يالحبيب معقوله 24 قدم يكلف 90000 ريال وزياده من البحرين البحرين البوت الجديد ارخص من السعوديه ؟؟؟؟؟؟؟؟؟؟؟؟

[الزفر]

هلا بك اخوي هاوي شعري

كلمني على التلفون وانشالله اوصف لك المكان

[الزفر]

لا والله اخوي مراسل
ودي ابيعه كامل

[الزفر]

مساء النور اخوي ماسيوم

السعر عشان الاضافات اللي فيه
خزان البنزين + الدريكسون ( باور ستيرينج ) + المظلة + التنجيد القرف كله بـ 39500 ريال
المكينة بـ 40000 ريال
التيذر بـ 10000

انت اذا شفته بتحكم عليه

[RO MY O o]

انا اشف أن سعر الطراد زين جاء على كذا.

صحيح البحرين أرخص ولكن ان كان كل شيء جديد من الوكاله في السعر ماراح يبقى على مايعتقده البعض.

فأنا شاري طراد توه ماطلع من الضاعن وشارية بالعرض القرف بروحه 9500 ريال.

وطلع علي بالاخر مع التجهيزات 70 الف ريال

أذا المكاين بروحها يماها 85 ثنتين 46000 ريال

والتجهيزات كم بتطلع ولا بتاخذ القرف وبتطلع فيه البحر.

يبي له شغل والله لا درسكون ولا خزان ولا مظله ولا شيء فاضي.

فا أحسب الاضافات:

1- دركسون باور

2- التوصيلات الكهربائيه والبمب

3- كرسي السواق

4- البلاستك الي بوجة السواق في الكبينة

5- خزان البنزين

6- المظلة

7- الاوراق الشراء

8- تيلر

9- المكاين

والباقي أذا تبي تقدر تضيفهم بس هذه الأمور الاساسيه في الطراد بأستثناء المظله, ولا كيف تبي تمشي بالبحر.

فا أنا أشوف ان سعر الطراد جدآ معقول وشكل الرجال ماقصر مع الطراد فا الطراد والله العالم انه نظيف ووكاله.

ولو سمحت ياراعي الموضوع حط صوره للطراد عشان الناس ما تحكم من فراغ.

ولكم التحية

حبيت أوضح سعر الطراد لاني شريت واحد وكنت أحسب ان السعر ماراح يوصل الى هذه الدرجه كما يحسبة البعض ولكن بعد التجهيزات عرفت ان الطراد وتجهيزاته يكلف الكثير ان كان كل شيء من الوكالة.

[الزفر]

السلام عليكم
مساء الخير أخوي روميو
كلامك صحيح والله يعطيك خير الطراد اللي شريته ويكفيك شره
إنشالله احط صور للطراد قريب

يعطيك العافيه

[ماسيوم]

الله يرزقك الزبون الصامل وبالتوفيق انشا الله تحياااااااااااااااااتي...

[القصير111]

أنا توي شريت الضاعن 24 قدم عليه مكاين ياماها 85 * 75

ومجهز بالكامل

ومستخدم حول ثلاث سنوات

قيمته 65 ألف ريال

الناس تظن اﻷبوات مثل زمان

الدجاجة صارت ب 15 ريال ويبغى يشتري قارب بسعر رخيص

الله يرزقك ياراعيه البيعة الطيبة

[nasser a]

السلام عليكم ياصاحب الموضوع

انت حط الصور الله لا يهينك عشان ما احد يبخس السلعه

وابي سعرك النهائي عا الخاص لاهنت

[عبدالله حمد 0]

كم وصلت السومه علي شان نشوف نقدر نزيد او لا

[الزفر]

ان شاءالله انزل الصور قريب السوم وصل الى 75000

[عبدالله حمد 0]

الله يرزقك البيعة الطيبه

[دابوي]

الله يرزقك الزبون الصامل

[raaad]

الله يرزقك بالبيعه الطيبه

[TOP SECRET]

الصور الله لايهينك علشان نسوم على بينه

[no fear 78]

الله يرزقك يا خوي و بنسبه للسعر كلامك صحيح بس للاسف في بعض الاعضاء ما هب شراي وسوي روحه بالعريف وللاسف يخرب على الناس يا جماعه لا تبخسو الناس اشيائهم اذا انت شراي بينك او بينه على الخاص مو شاهر ظاهر الله يهديكم الله يوفقك يا خوي