وزن بلوف الفتك - أرجو المساعدة -

[عبدالله 9437]

السلام عليكم ورحمة الله وبركاته

حي الله هالوجيه الطيبة :)

يالربع انا موتري فتك 2008 والموتر فيه صوت بلوف والصوت مستمر سواءً السياره واقفه أو تمشي

ورحت لورشه معروفه بالرياض وتخصص باترول وسألته عن السعر والصراحة غالي بالحيل

يقول تكلف حول 3500 هذا اذا كان وزن :eek:

أما إذا كانت الجلد يبيله تغيير يكلف أكثر


فهل فيه أحد يخبر لي ورشه بالرياض شغلهم نظيف وأسعارهم مناسبهـ

وجزاكم الله خير

[الربذي]

مااعتقد وزن بلوف واذا صار الوزن 3500 الا رحنا به الله يستر شوري عليك لاتمشي عليه كثير يمكن الزيت مايوصل كويس لراس المكينه مثلا الطرمبة والا السيفون تجاري مثلا
موفق ولاناي من الرياض ولا افدتك

[عبدالله 9437]

مااعتقد وزن بلوف واذا صار الوزن 3500 الا رحنا به الله يستر شوري عليك لاتمشي عليه كثير يمكن الزيت مايوصل كويس لراس المكينه مثلا الطرمبة والا السيفون تجاري مثلا
موفق ولاناي من الرياض ولا افدتك


مشكور يالربذي مشكور

عافاك ربي وبيض الله وجهك ومن يقرأ

وتكفينا دعواتك يالغالي


وبالنسبه للسعر هذا العلم اللي جاني

يقولون لازم نفك الراس ونشوف إذا يبغالهن وزن وديناها للمخرطة ووزناها وإذا فيه جلد منتهيه نغيرها

والصوت أول ما طلع رحت غيرت زيت وسيفون ولا راح

والبنزين اللي أستخدمه 95


وهذا مقطع يبين لكم الصوت


DoMQKPCQN4E



http://www.youtube.com/watch?v=DoMQKPCQN4E&feature=youtu.be



ننتظر أهل الخبرهـ واللي قد مرت عليهم المشكله

والله يجزاكم كل خير

[ms662]

لك رسالة على الخاص
والله يسهل امرك

[البواردي5]

تأكد لايصير الصوت من سير المكينة....

[ذيب الظلمه]

فيه مركز باترول بالصناعيه الرياض القديمه
متخصص في الباترول وتلقى سيارات كثيره باترول عنده
اما الاسعار ما عندي خلفيه

[راعي الفتك06]

مر ابو صالح التركي ويفيدك
تراه متخصص بالباترول .. موقعه بالصناعية القديمة

[عبدالله 9437]

أشكر كل من تفاعل معي

سواءً على العام أو الخاص وما قصرتم

والصوت من المكينه هذا أكيد لأن شبكنا السماعات ودخلنا الابره بالمكينه وطلع الصوت من المكينه

وأسماء الورشات اللي أرسلتوها وارقامهم أعرفها وأعرف أصحابه وسمعتهم طيبه ونعم الرجال هم لكن خبرتهم ليست بالمستوى المطلوب

والظاهر إني أبروح لورشة الخضير اللي بالقصيم والله يعين

أشكركم مره ثانيه على تفاعلكم وما قصرتم يالطيبين

[العطاوي a511]

توضيب المكينه عند اي ورشه شغل يدهم الف ريال

[4*4]

البلوف ماحد يظبط وزنتها الا الخضير
من تجربتي اشوف ان الخضير هو الي بيحل مشكلتك,, ولكن كان ودك
فيه واحد اخبره بالرياض وزن لي البلوف والموتر معي من سبع شهور ممتاز
كان لك نظر كلمني على الخاص ارسلك له وش وش يقول لك
الله يسمح امرك

[«نجم الخير»]

ان شاء الله الصوت هذا صبابات سبق وغيرتها بس يفك الغطاء فقط ويغيرها لك

رقم يوسف الخضير 0555143338

[عبدالله 9437]

كفو والله

ماقصرتم يا ذيابه:good2:

عز الله إن أعضاء هالمنتدى إذا حطيتهم عالجرح يبرى

بالنسبه للصوت وديته للخضير وقال صبابات وما يستقبل مواتر حالياً لأن عنده زحمه

يستقبل عقب العيد

عاد قلت له خير ان شاء الله نحاول نمرك عقب العيد

ومسكت خط الشمال وعقب 100 طلع بالمكينه صوت قوي مره أقوى من الصوت السابق والصوت ايضاً مستمر:(

عاد رجعت للقصيم ونشوف وش سالفة المكينة

وشكل حظي هالايام مقرود :D:D:D

[Jeep 2005]

حاول ماتحرك الموتر .. لاتزيد عليك المشكله

وفقك ربي