رجه بالباترل 97 من قدام تنفض نفض من عنده الحل

[ولد الجيران]

مساكم الله بالخير
مابي اطول عليكم
عندي رجه بالباترل تنفضه نفضضض
المشكله ماتجي الا اذا ضربت مطاب
مثلا امشي 120 واضرب مطاب ياسااااااتر انواع الرجه من قدام بنفض نفض
مساعد الديركسون جديد
ودخلته عن العضيييب النصابين وكلفني 1800 ريال ولا زالت المشكله

من عنده علم يفيدني الله يجزاكم خير

[s1s1]

شيك على ذراع الدركسون يمكن يبي كبس او تغيير

[الزامل الاول]

الذراع شيك عليه

[hsdt]

حصلت معي ولكن السيارة كامري وطلع ذراع الدركسون

موفق خير

[بيتر بن عدوان]

اخوي ارجع تاكد من مساعد الدركسون لايكون خرب من جديد ورح سو كبس اذرعه وباذن الله بتروح

[سمير فون]

أخوي ولد الجيران السلام عليكم الحل موجود فيه ورشه في الصناعية الحراج وانت متجه لم سوق الغنم متخصص في رجه السفاري فقط وأنا مجرب عنده وممتاز مرررره تحط السياراه الصباح والمغرب تاخده يمكن أكثر من 10 جيوب سوه عنده ولافيه اي مشاكل لهم الان 8 سنوات واكثر
وهذا رقم صاحب الورشه سعودي
0506606559 حمد

[شمالي عنيد]

الحل بسيط جدا
ركب مساعدي دركسون اضافي طبعا مساعدي جمس واذا أنت ببريده رح ورشة السيف وهم يضبطون الوضع

التكاليف المساعدي ب 120
شغل الورشة ب 200
أنا مجرب ...... وفق الله

[ساهرالليل]

انصحك اخي الكريم بميزان الباديه في الصناعيه من الناحيه الجنوبيه شيبه فلسطيني متخصص في رجة الباترول
دايم اسويها عنده

[ابو فله]

شيك على الكفرات لايكون فيها فضاوه ارفع السياره وحرك الكفر الامامي فوق تحت اذا فيه فضاوه تسبب رجه

[ابو خالد 111]

مساكم الله بالخير
مابي اطول عليكم
عندي رجه بالباترل تنفضه نفضضض
المشكله ماتجي الا اذا ضربت مطاب
مثلا امشي 120 واضرب مطاب ياسااااااتر انواع الرجه من قدام بنفض نفض
مساعد الديركسون جديد
ودخلته عن العضيييب النصابين وكلفني 1800 ريال ولا زالت المشكله

من عنده علم يفيدني الله يجزاكم خير

اخي الفاضل كانت عندي ما اقدر اتعدى ال 80 يرج رجه مو طبيعيه حتى اني ماعاد اقدر امسك الموتر

عندك شغلات منها يبي لك شد الرمانات والبالون له دوره بالرجه

انا والله نفظت موتري كامل جميع الجلد ماعدى البدي عند التركي ابو صالح كلفني قطع وشغل يد / 6500 وراحت الرجه

[التمسساح]

والله اني بعت باترول بسبب الرجه خسرني مخاسير لها اول ومالها تالي في الاخير بعته