مشب في السطح .... وش رايكم ؟

[البدراني11]

السلام عليكم ..
مدري موضوعي في مكانه الصحيح والا لا ..على العموم:
ابي احط لي مشب في السطح واللي في البال خيمة شعر مع وجار حديد والفتحة نفسها اللي يمكن نقله

ابي منكم - لا هنتو - تعطوني رايكم واقتراحاتكم وتجاربكم مثل
هل فيه احسن من خيمة الشعر في السطح
وش لازم اسوي من احتياطات ؟
المساحة المناسبة لعدد 5-7 اشخاص

[سلومي1]

الرز تقدر تأكله وهو فوق راسك ؟

[ابن العودة]

وعليكم السلام ورحمه الله وبركاته
فكره طيبه لاكن بشرط ان تكون ساكن بدور الثاني
اقصد تكون مستاجر
لاكن لو انت في فله لا انصح بوضع المشب بسطح


* بنسبه لتوقيت ياليت لو بكرت شوي
لان محلات المشبات شادين حيلهم الحين
تقبل تعقيبي

[وحيد الدرب]

السلام عليكم ورحمة الله وبركاته
حياك الله يالبدراني
احب ان اعطيك رأيي
اذا كان البيت ملك فالأفضل البناء
أما إذا كنت مستأجر فأول شيء نقول الله يرزقك بالبيت الملك
أنا سويت خيمة بالحوش ومقاسها 3.60×310 وتكفي لحدود8 أشخاص لكن من المهم أن تراعي رفعها عن مستوى الأرض حتى ما يدخلها الماء وقت الأمطار أو لأي سبب فأما أن تضع صبة 10سم أو تخلي الحداد يصمم لها قاعدة تكون مرتفعه من 10 إلى 15 سم عن الأرض مثل طريقة الغرف الجاهزة الشيئ الثاني هناك نوعين من تصميم الخيام نوع عادي ونوع ملكي ويفرق الملكي أنهم يحطون أبلاكاش بين الطبقة الخارجية والبطانة للجوانب وهذا مفيد من حيث أنك ما تحس بالهواء ولا تقوم الرواقات تلعب وتزعجك وله فائدة في عزل البرودة والصوت والفرق الثاني طريقة الديكورات الداخلية أفضل من العادي يحطون ديكورات واسبوت لايت وشغلات حلوه وبالنسبة للمشب فمشبات الدوادمي في رأيي هي أفضل مشبات الحديد ويجي منها مقاسين
وبالنسبة للقاعدة تخليه بعد ما يرفعها تحط فوقها خشب بلاكاش عليها ويكون سميك حوالي 17 أو 19 ملم وتحط فوقه لباد اللي يباع عند حقين المفروشات ولا تنسى تترك مكان الوجار بدون فرشه على شان ما يحترق من النار وفيه شيء مهم لاتحط السقف الخارجي للخيمة من قماش حطه من بلاستك (pvc)وخذ النوع السميك على ما أظن 11 والجوانب قماش اسود مخطط مثل السدو وانصحك انك تبعد عن السدو لأنه يطلع ريحة وخاصة مع المطروفيه شيء مهم يكون السقف زايد عن الجوانب بحدود 30سم على شان مايدخل المطر مع الباب ويعطيها شكل حلو ولا تنسى تكبر الدريشة وتنزل مستواها حتى تستمتع بالمناظر الخلابة (أقصد اذا جا مطر)
وصدقني اذا حطيت فيها تلفزيون ومكيف تبي تنسيك البيت اسأل مجرب
أتمنى لك التوفيق
ولا تنسى تعزمنا بالخيمة :D

[FORD1969]

الرز تقدر تأكله وهو فوق راسك ؟

للظروووووووووووووووووف أحكام ياسلومي :mad:

[ابوريان القحطاني]

في السطح خساره على الفاضي بتجلس فيها انت وعيالك كم جالسه ثم بتتركها
اما في الحوش بتستفيد في الشتاء والصيف وكلام اخوي وحيد الدرب ممتاز
مابقى لنا شي الله ينفع به واحرص على تمديد الاسلاك من النوع الممتاز
لانه اغلاب الحرايق في بيوت الشعر اما التماس او لعب الاطفال بالنار
وسلامتك واسال الله ان يطرح لك فيها البركه

[FORD1969]

المساحه المناسبه 4في 4
صبه 10 سنتم للأرضيه عن المويه والغبار

الحديد يكون قابل للفك بدون تلحيم

الوجار حديد واحرص تعزله عن صوووووووف الخيمه لأنه يحتر مثل الفرن الله يكفيك الشر

واستمتع بأحلى شبة نار

[سيف الظفير]

احسب حساب الجار الله يرعاك


خاصة دخان الحطب والارطى بالذات يمكن عندهم مريض او اطفال ولا عجوز صعيفة

والله ان تطلع عليك هالخيمة والمشب بغثاء

خذ الاذن من الثلاثة اللي جنبك وتوكل على الله اذا ملزم

او كل يوم كز للنفيدات اللي حولت وشب ضوك وتقهوى وعين خير وفل حجاجك وعود مسيان

[البدراني11]

الرز تقدر تأكله وهو فوق راسك ؟

قدري جنبي وانا اخوك :D




وعليكم السلام ورحمه الله وبركاته

فكره طيبه لاكن بشرط ان تكون ساكن بدور الثاني
اقصد تكون مستاجر
لاكن لو انت في فله لا انصح بوضع المشب بسطح


* بنسبه لتوقيت ياليت لو بكرت شوي
لان محلات المشبات شادين حيلهم الحين

تقبل تعقيبي

بالنسبة للسكن فهو مناسب ومقره في السطح مناسب لي مرة
والتوقيت الشكوى لله ...ما فكرت الا يوم حسيت بنسناس الوسم ;)

[البدراني11]

السلام عليكم ورحمة الله وبركاته

حياك الله يالبدراني
احب ان اعطيك رأيي
اذا كان البيت ملك فالأفضل البناء
أما إذا كنت مستأجر فأول شيء نقول الله يرزقك بالبيت الملك
أنا سويت خيمة بالحوش ومقاسها 3.60×310 وتكفي لحدود8 أشخاص لكن من المهم أن تراعي رفعها عن مستوى الأرض حتى ما يدخلها الماء وقت الأمطار أو لأي سبب فأما أن تضع صبة 10سم أو تخلي الحداد يصمم لها قاعدة تكون مرتفعه من 10 إلى 15 سم عن الأرض مثل طريقة الغرف الجاهزة الشيئ الثاني هناك نوعين من تصميم الخيام نوع عادي ونوع ملكي ويفرق الملكي أنهم يحطون أبلاكاش بين الطبقة الخارجية والبطانة للجوانب وهذا مفيد من حيث أنك ما تحس بالهواء ولا تقوم الرواقات تلعب وتزعجك وله فائدة في عزل البرودة والصوت والفرق الثاني طريقة الديكورات الداخلية أفضل من العادي يحطون ديكورات واسبوت لايت وشغلات حلوه وبالنسبة للمشب فمشبات الدوادمي في رأيي هي أفضل مشبات الحديد ويجي منها مقاسين
وبالنسبة للقاعدة تخليه بعد ما يرفعها تحط فوقها خشب بلاكاش عليها ويكون سميك حوالي 17 أو 19 ملم وتحط فوقه لباد اللي يباع عند حقين المفروشات ولا تنسى تترك مكان الوجار بدون فرشه على شان ما يحترق من النار وفيه شيء مهم لاتحط السقف الخارجي للخيمة من قماش حطه من بلاستك (pvc)وخذ النوع السميك على ما أظن 11 والجوانب قماش اسود مخطط مثل السدو وانصحك انك تبعد عن السدو لأنه يطلع ريحة وخاصة مع المطروفيه شيء مهم يكون السقف زايد عن الجوانب بحدود 30سم على شان مايدخل المطر مع الباب ويعطيها شكل حلو ولا تنسى تكبر الدريشة وتنزل مستواها حتى تستمتع بالمناظر الخلابة (أقصد اذا جا مطر)
وصدقني اذا حطيت فيها تلفزيون ومكيف تبي تنسيك البيت اسأل مجرب
أتمنى لك التوفيق

ولا تنسى تعزمنا بالخيمة :D

آمين والجميع
عز الله انك كفيت ووفيت
المشب ابيه مؤقت يعني بنيان ما يصلح لي
وبالنسبة للملكي والعادي كم يفرق في السعر ؟ وعطني افضل محل(شغل وسعر)
طيب ..وش احط بدال السدو اجل ؟

جزاك الله خيرا يا اخوي

للظروووووووووووووووووف أحكام ياسلومي :mad:
صح عليك :good2:

في السطح خساره على الفاضي بتجلس فيها انت وعيالك كم جالسه ثم بتتركها
اما في الحوش بتستفيد في الشتاء والصيف وكلام اخوي وحيد الدرب ممتاز
مابقى لنا شي الله ينفع به واحرص على تمديد الاسلاك من النوع الممتاز
لانه اغلاب الحرايق في بيوت الشعر اما التماس او لعب الاطفال بالنار
وسلامتك واسال الله ان يطرح لك فيها البركه
آمين .. المشكلة ما فيه حوش

[وحيد الدرب]

ابشر ما طلبت شي
بالنسبة للسعر بصراحة انا فصلت الخيمة قبل سنتين وما اتذكر كم سعر المتر لكن اللي اتذكره بالنسبة لخيمتي ومقاسها 3.6×3.10 كان يفرق معي حوالي الف ريال بين العادي والملكي لكن ما هو خسارة قياساً بالإضافات الي يحطونها والتي ذكرتها في ردي.. وكلفتني 5000 ريال مع رفع الأرضية بدون ادوات الكهرب والمشب والفرش
بالنسبة للسعر حدث ولا حرج تخيل جيت محلات وقالوا تكلف 11000 الف وناس 9000 آلاف لكن وفقني الله بمحل 5000 آلاف وشغله لا باس وللمعلومية يحط فوق عازل مائي وحراري وهو عبارة عن شراع من طبقتين بينهم العازل وهو يخفف الحرارة نسبياً
بالنسبة للجوانب فيه قماش مثل قماش الخيام ولونه اسود مخطط بابيض مثل شكل السدو لكن لونه يبهت شوي مع الشمس, وبإمكانك تحط الجوانب (PVC) ويقولون يجي منه مخطط وهو اطول عمر من القماش لكن ربما يحتاج نظافة باستمرار لأنه مثل البلاستك وعلى شان اقرب الموضوع اكثر شبيه بالخيام الموجودة في مكة (مشعر منى)
بالنسبة للمحل بالرياض وسمعت انه فتح محل في بريده واذا تبي اسمه ورقمه ارسله للخاص لكن تراي مبطي عنه ما دقيت عليه
اتمنى اكون افدتك
تحياتي

[البدراني11]

المساحه المناسبه 4في 4
صبه 10 سنتم للأرضيه عن المويه والغبار

الحديد يكون قابل للفك بدون تلحيم

الوجار حديد واحرص تعزله عن صوووووووف الخيمه لأنه يحتر مثل الفرن الله يكفيك الشر

واستمتع بأحلى شبة نار
آمين واياك
سالفة الحديد القابل للفك عز الله انك جبتها ...شكرا


احسب حساب الجار الله يرعاك


خاصة دخان الحطب والارطى بالذات يمكن عندهم مريض او اطفال ولا عجوز صعيفة

والله ان تطلع عليك هالخيمة والمشب بغثاء

خذ الاذن من الثلاثة اللي جنبك وتوكل على الله اذا ملزم

او كل يوم كز للنفيدات اللي حولت وشب ضوك وتقهوى وعين خير وفل حجاجك وعود مسيان
تسلم على النصيحة
اما الكز يبيله 50 كيلو مشوار اقل شي