مشورتكم يامن جرب الهايلكس الدبل

[منعمي]

السلام عليكم

الموضوع ومافيه اني اهوجس اشري لي هلكس دبل لكن ابستفسر عنها
- وشلونها من ناحية الثقل, يعني طبله وثقيل دمه ولا زينه, لاني مااواطن السيارات الثقيله.
- وضعها بالبر يقارن بالجيب ولا لا.
وسلامتكم لاهنتم.

[مشاااااري]

وعليكم السلام
اذا بتسمع شوري خذ لك جيب ..
لان الهايلكس الدبل صار سعره مثل سعر الجيب وحرام تحط دراهمك في هايلكس ..
وجهة نظر

[منعمي]

طيب على يدك ابي جيب على قد دراهمي 70-85 أصفار

[مشاااااري]

تويوتا فورتشنر والله انه خفيف نفس وزين

[طيرشلوى 2]

الهايلوكس مهيب شينه صندوق ودبل عاد اذا كانك تبي موتر نشيط مره ما ينفع لك لان الموتر عزمه متوسط

[حلم البحر]

لامقارنة بين الجيب والهايلوكس
الجيب سته والهلي 4سلندر
الهلي تصلح لواحد وسيع صدرولاهوب راعي معافربالرقيات
اوراعي سرعة بالخط فيها البرودبالرمل بالثاني من واقع تجربه معي هايلوكس 2011دبل

[فاسيلي زايستي]

خذ هايلكس وماجاك عندي خصوصا 2012 والله انك ترددها من 180 ماشاء الله عليها ولاحس مكينه ولاازعاج لاتاخذ من 2010 وتحت ولواهنها ماهي بقشرا ومن ناحية الرمال انا اراهن انها اطلق من الشاص وتطلع قبله اذا غرزت ووالله انها اطلق لانها حوض وتكاليفها بسيطه وقطع غيار هوين وصرف اقل انا يامحاكيك عندي جيب 2009 وشااص 2008 وهايلكس دبل 2012 و2008ومجربها لاكن الهايلكس غير عيبها لوعندك عايله كبيره