ليش معندنا نادي رمايه بسعوديه؟؟؟

[dark]

ليش معندنا نادي رمايه بسعوديه؟؟؟
بحثت عن نادي رمايه لقيته بالامن العام ميدخله لا ناس مختارين من العسكر واهل واسطه ولا يرمون دايم علي حسب مزاجهم ويعني ممنوع تدخل او تسجل!!!!
نبي نادي اهلي والله شي يعور القلب عندنا ناس وشباب تهوا الرمايه ليش منستفيد منهم

[أبومناحي]

والله صدقت أنا هاوي رمايه ولا عندنا بالسعوديه

[5000]

لان ماعندنا اهداف مستقبلية نرمي عليه
طاقات الشباب تهدر عندنا شباب ماشاء الله عقول نظيفة بس ماحد استوعبها للاسف

[طحنون]

طبعا هاذي

انا اسميها من مليون المستحيلات اللي في الكون

ولا حتى في الاحلام تخيل حتى في الاحلام ماراح تشوفه

اواذاصارالبحرحالي

اصرف النظرياخوي

واذا انت لك خاطر توسع سدرك

وتجرب الرمايه في النادي تحت اشراف مدربين ورمايه على اصولها وقوانينها

اذهب الى الامارات في نادي الرمايه في ابوظبي يمدحونه خذلك اسبوع وتعلم فيه اصول الرمايه بصوره احترافيه

[شبح الصحراء]

مستحييييييييييييل ، تخيل فيه نادي رماية وتجي عند الباب وتلقى كل شوي واحد داخل معاه كلاشنكوف والثاني معاه شوزن وآخر جاي معاه جيثري وخرازة فتخيل لو تصير مشكلة في النادي وتحصل هوشة وش راح يصير؟! راح تندلع حرب عالمية :confused: . في الدول المتقدمة فيه ناس واعين ومثقفين ويحلون مشاكلهم بالتفاهم علشان كذا عندهم نوادي رماية بس ربعنا هنا ما اقول الا الله يصلحنا .

[طحنون]

اذا كان ربعنا مايتحملون بعض ايام الدراسه
والوعد بعدالانصراف وتقوم الهوشه بعجرات وسكاكين واذافيه مسدس يكون افضل ههههههه
تدري ليه لان الدعوى اكبر من كذا بكثير الدعوه فيها عنصريه وقبيله وعلوم لا ولاتصير الاوقت الشر
الله يخلف علينا اتفقوالعرب على ان لايتفقو

[dark]

يا اخوان انا مقول يعطونهم شوازن يدورن فيها
قصدي تحط البنادق عند النادي وبرسوم مدروسه
ولي يخش نادي يكون بعمر محدد مثلا
شوزن من 20 سنه وفوق مسدسات 25 سنه وفوق
سهم وقوس من 15 سنه وفوق
((( وعلي فكره اليوم يفتح نادي يحتوي علي قسم رمايه يحي النظيم اسم النادي =(( نادي مصنع الرجال ))
يوجد بحي النظيم ومقره استراحه
وللستفسار 0567761913
والله يوفقه أن شاء الله نشوف النادي عالمي يتنج ابطال رمايه ينفسون السويديين

[شبح الصحراء]

((( وعلي فكره اليوم يفتح نادي يحتوي علي قسم رمايه يحي النظيم اسم النادي =(( نادي مصنع الرجال ))
يوجد بحي النظيم ومقره استراحه
وللستفسار 0567761913


صحيح؟ عاد ما لقو إلا حي النظيم يحطون فيه نادي رماية؟!!! أصلاً النظيم بكبره نادي رماية ، ما تطلع منه إلا حايشتك كم رصاصة ويا ويلك لو تدخل ما معك سلاح ، امحق نادي ومسمينه مصنع رجال! لا والله مصنع حرامية وقطاع طرق :no2: .

[الكلاسك]

لو يصير فيه نادي رمايه لا ينسون يسوون مقبره جنبه ومستشفى واسعاف لان ربعنا اغرب شعب في العالم فيهم شفاحه غير طبيعيه بيتظاربون على نوع معين من السلاح وبعدها راح تشوف القصف بينهم وادماء والاشلاء مثل ما قال بنقالي بسيط عن السعوديين ( نو لميت ايدج ) يعني ما فيه حد معين للعمر ينتهي فيه المراهقه بل تستمر معه فتره طويله ولكن تختلف صورها مراهقة مظاربات مراهقة تفحيط مراهقة خراب وسفر الى اخره